人海中遇見你: (12)

因為呀熙比我放多一天假，所以我就沒有把他叫醒，我就讓他繼續睡在我的床上。 

我在出門前還偷偷親了他嘴巴一下，就當作給自己的鼓勵。 

我上了巴士之後就收到呀熙傳來的Whatsapp :

呀熙(0730) '考試要加油呀，唔駛咁緊張架!仲有頭先嗰個kiss係唔係好甜呢!' 

原來呀熙剛才是裝睡，真討厭! 





我(0734) '衰人，詐訓。'
呀熙(0736) '我陣間過黎接你放學，我而家真係要去訓喇!' 

不過我生呀熙氣的同時又覺得他很窩心。 

到我考完試的時候，我就看見呀熙站在學校門口等我。 

呀熙身穿一件牛仔短袖襯衫、黑色的長褲，加一對帆布鞋，這一身的裝扮很普通，但我總是覺得穿在他的身上特別好看。 

他又輕輕地摸我的頭 : "今日難唔難呀?" 





"ok啦，好彩有背書。'' 我立刻把他的手拿開，我怕被呀琛和Elsa他們看到。 

"不如返屋企，我仲要溫書呀。" 

"下...咁我出黎做咩。" 呀熙有點不滿。 

我一看見Elsa他們出來，我就把他推上了一輛的士上 : "你返去煮野俾我食仲好啦。" 

全程車呀熙一句話都沒有說過，直到我們回到家他才說話。 





"你係唔係唔想我喺你學校附近出現呀?" 呀熙坐在梳化說。 

我感到有點愕然 : "唔係呀…你做咩無端端咁講呀?" 

"因為頭先你一見到Elsa佢地出黎你就叫我走，你係唔係唔想話俾你啲朋友知我係你男朋友?"

原來呀熙發現到我有心避Elsa她們。 

"唔係呀!" 我立刻搖手表示不是 : "只不過......" 

呀熙站了起來向我走近 : "只不過咩呀?" 

"只不過係我地拍拖唔係好耐，我唔想咁快公開炸。但如果你介意，我可以即刻話俾佢地知架。" 我一連串說了這段話，然後就立刻拿了電話出來。 





呀熙捉著我的手 : "唔使而家講，等你想講嘅時候先講啦。" 

就是這樣，大家對這件事都不了了之。 

這幾天我都很少和呀熙聯絡，因為大家都要考試溫書。 

"吖!爽呀!終於都考完試喇!" 呀晴在課室大叫。 

Elsa就收拾著書包說 : "不如陣間去唱K lunch囉。" 

Jenny很興奮的說 : "好呀!我好耐冇唱過K喇，我要唱爆咪!!!" 

"對唔住呀，我去唔到呀，我一早約左呀琛喇!"  

"咁好啦，下次先。" Elsa有點不悅。 





"Winnie,，行得未?" 呀琛已經在課室外等我。 

我跟Jenny她們說了再見就走了。 

我今天會約呀琛的目的就是要回答的那個問題，但呀琛很自然的走去我家的方向。 

一回到家中，大家都好尷尬坐在梳化上。 

我把項鏈還給他並說 : "對唔住呀，條鏈還返俾你。" 

"點解…點解要拒絕我呀…" 呀琛低下頭說。 

"總之就對唔住啦!對唔住呀!" 除了對不起，我真的不知道可以說甚麼。 





呀琛抱著我 : "你一定係有原因先拒絕我架，你話我知點解。" 

我沒有回答，我只是想推開他，但呀琛愈來愈用力抱著我。 "我有男朋友……" 我輕聲地說。 

呀琛一聽到我這句說話，他便把我推開，他就拋下一句 : ''呀熙…" 他靜了幾秒再說 : "放心，我以後都唔會再煩你架喇…" 

呀琛一說完就離開了，我的心好痛，因為我覺得我失去了一個我最好的朋友。