有咩恐怖得過同自己玩MSN？: 第十節 - 穿越
上回提要，連我都要去埋未來世界......
其實去未來果刻都幾快，一道強光閃完就到左......果然穿梭時空真係要快過光速呢點係岩既。
但一到步我都未望望身邊有乜新奇既野，心臟就突然間好似比刀插左一下咁......
駁線：「你今次真係太衝動啦，一個時空入面，同一個靈魂太接近會出現排斥現象架！」
隔左一陣之後，個心痛完就到個頭好似比人用重拳打左一下咁，好多記憶突然湧晒出黎。
恨魂：「岩岩個頭好痛，點解我會係呢到？而你地又係......？」
原來我有埋未來既我所經歷過既記憶，不過或者記憶會有所重疊，所以我自己都好似有啲回憶無左咁，但至少我都記得未來既我下一步想點。
我：「無時間講咁多，總之你企我地中間，攞住呢個波，之後佢地幾個就會比感應落個波到，我面對住你，你就將個波掉去我到。」
恨魂：「明少少咁啦，我盡量照做啦！」
原來呢個波都可以變做武裝，不過要作多重認證，最後就係驗埋我既DNA......
將軍：「入面既人你地聽住，你地已經比三軍包圍，就算你地穿梭時空再逃走都係無用架啦。」
我：「我無諗過再走，反而仲要將你地打殘，仲將你地滅國。」
滅靈王：「孤王名號為滅靈，豈會被你所滅？」
幻靈王：「哥哥，唔需要同佢講咁多，一齊起兵解決呢個黃毛小子。」
邪帝：「且慢，寡人乃三軍元帥，無我命令唔好出兵。」
我：「講咁多做咩呀！元素之力-雷，迅神雷光閃！」
估唔到一閃就清左成堆士兵。
邪帝：「哼，好小子，等我地三個親自會你。」
待續。