你被app選中了嗎？: 第9章 殺戮開始

第9章
     “月牙天衝！！！！”

    一個強大嘅劍氣把剛進門的弓箭手劈成兩邊。幫手防守嘅考生睇到眼都突埋。這可是只有漫畫先見到嘅奇境。

   “嘩，小肥，你不止召喚出死神嘅斬魄刀，連一護嘅絕招都重現到！”Alan睇到O曬嘴，見小肥輕鬆地揮舞著一護嘅斬魄刀。

    “係架，不過，岩岩個招用咗10%電量。想強啲嘅話就要再提升電量。”小肥帥氣咁講。

   “喂，一係用我嘅app能力複制多啲你嘅武器出黎。咁其他人咪可以武裝得好啲羅。”Hugo提議咁講。





   “咁好浪費電力和時間喎。而且啲武器重量係真實㗎。好似呢把斬魄刀咁啦，我攞就岩岩好，如果無持有布卡app嘅人攞，武器是真實重量黎。況且，佢哋根本唔識戰鬥。攞倒都無用。”小肥解釋。

   “靠曬你啦！依家有攻擊力嘅得你一個。仲有兩個弓箭手黎緊呢。”Alan道。

    “呵呵，今次睇黎我先係主角！”小肥沾沾自喜。

   “嗖！”一支箭擦過小肥的頭皮，刷一聲插入後面的牆壁。原來第二個弓箭手係遠處已經拉弓射箭啦。小肥嚇得腳軟，跌坐係地下。

    “喂，你仲發呆。快用月牙天衝啦。攻到黎啦。”Alan匿係用臺整成嘅護欄後對小肥講。





    接下來嘅事好簡單，以小肥的力量和護欄的幫助。三個弓箭手好快就被消滅咗。入面嘅考生士氣也越來越高昂。

   Ally弓箭手被消滅，心中的緊張也消散咗啲。只係佢心中對天矢有啲愧疚。所以開始張望下天係邊。

   "咦？天矢呢？連Denzel都唔見咗！”Ally疑惑地想。

    呢個時候，clash of clan嘅app owner並沒有暴跳如雷。甚至帶住一絲玩笑。佢奸笑咁講：“好啦，甜頭畀完啦，開始要正餐了。”

    “刷！”正係考生們歡呼嘅時候，光管全部熄滅了。整個考場陷入一片漆黑中。





    “咦？停電？”考場上不少人驚咦咁講。黑暗似是渲染恐懼一樣，在場的人開始覺得不安。自身的感覺開始放大，腳步聲，呼吸聲，都成為咗恐怖嘅來源。

   “唔使驚啊！只是暗咗少少。仲睇到野。只要我哋守住陣地嘅入口。我哋就無事架啦。”阿飛係就係咁講，但心入面知道大難臨頭了。無咗電就唔可以作持久戰。繼續守株待兔就只有死路一條。

   阿飛啱啱講完，講臺上就傳來了爆炸聲。最接近講臺的幾個人被炸飛咗。好多人係瞬間明白咗乜事。係佢哋嘅腦海入面見到，炸彈人直接炸開咗講臺後的牆壁。講臺後面根本就連接住校圍場邊。原來考場一早就唔安全！！！

    爆炸後，煙塵滾滾。每個人的目光都盯住炸開嘅出口。

   “啊，啊，啊！”出口處傳來野蠻人叫囂的聲音。每一個人都不約而同咁想起game入面個啲滑稽而大隻，噴住成口口水嘅野蠻人。只係呢啲野蠻人係真實中開始揮舞拳頭向考生殺入黎！！！

    “啊！！！”最近野蠻人嘅考生開始逃走。逃亡潮開始了。當初準備嘅陣營瞬間被瓦解。考生搏曬命往外跑。但係呢個時候用黎堵住出口嘅臺櫈反而成為咗佢哋嘅催命符。

    抵抗？講笑咩！得嗰十幾歲仔，第一個反應只係三十六著走為上著啦。





   “啊！”野蠻人一拳砸在一位考生頭上面，考生慘叫一聲，頭狠狠地撞到地上，頭破血流。只剩低個身體不停地痙攣。

   一個女考生更是凄慘，硬生生被野蠻人捉住頭髮，甩咗出去。背部撞到防護牆嘅臺角，前面更因為臺角關係而突咗出黎。總之，野蠻人的手法有幾凶殘得幾凶殘。名乎其實嘅野蠻。

   “小肥，快攻擊啊。有六隻野蠻人啊！”阿飛大叫。

    “你估我唔想啊！我怕傷及無辜啊！”見住亂成一團嘅考生，小肥猶豫地講。

   “仆街，究竟邊個提議報呢個陣出黎架！”Hugo破口大罵道。

   點解Hugo會咁講？因為佢哋嘅記憶中VT嘅記憶已經抹去。VT係爆炸嗰刻已經啟動咗技能保命。喺野蠻人衝入後個陣，佢已經從容不逼咁爬過臺櫈，從出口走咗出去。

  依家嘅佢一面嘅憤恨，面目猙獰咁講：“你好野，估唔到你有此一著。好，等我充完電之後就殺咗你。你等住！！app owner! ”

  真正嘅殺戮開始，考生加ms, 校工總共有120人。而家仲有115人…