金庸今年出食譜？: 五

時間：11：00pm。

地點：維園排球場。

「估唔到竟然係一個乳臭味干既中學生。」對方一副看不起人的樣子。

事實佢睇落應該年過三十，對比之下我的確顯得稚嫩。

「你就係菊花大俠（佢既網名）？」我問。





「在下正是。」

「哦，幸會幸會。」

「不如我地開始啦！」對方單刀直入。

「好！」我從書包裡取出食譜，一打開，中年大叔韋一笑靈現眼前。

「呵呵！在下韋一笑！未請教？！」韋一笑如常講出佢自我介紹開場白。





「呵呵！在下雲中鶴！未請教？！」雲中鶴相貌相當標緻，皮光柔滑、官仔骨骨，算係標準書生樣，然而雙手套著一雙鋼爪，身穿白色道袍，眼露兇光。

「笑咩笑！有本事就放馬過黎！」韋一笑機械式回應。

「哈哈哈，就憑你三腳貓功夫想打贏我？」雲中鶴亦機械式回答。

「咁我地正式開......」

「雲中鶴使出凌波微步接近對手，然後用七傷拳直攻佢本書！」我個「開」字都未講完，對方就連忙發出指令。





而雲中鶴亦以極快速度繞過韋一笑朝著我衝來，見此我立刻退後，并大喊：「草上飛！」

隨即韋一笑以佢獨步既輕功馬上飛來我面前阻擋雲中鶴，可惜佢既凌波微波實在太快太靈活，瞬間又移動到我身邊，并握緊拳頭朝我手上既食譜攻擊。

我當刻頭腦一片空白，束手無策，唯好將本書狠狠丟去後方，勉強避開雲中鶴呢次攻擊。「雲中鶴搶佢本書，繼續使出凌波微步。」

我大叫：「韋一笑用草上飛再用寒冰綿掌阻止雲中鶴！」

「雲中鶴！黯然銷魂掌！同我打「巢」個光頭大叔！」「菊花大俠」條好樣又大嗌。

我心知不妙。

對手所用的全都是高級技，趁韋一笑暫時仲可以同雲中鶴抗衡一陣，我趕忙跑去執翻本食譜。

「雲中鶴，再使出七傷拳！」





七傷拳一出，我既蝠王韋一笑招架不了一下被佢打到趴左係度。

與此同時，我剛好執翻本書，但係雲中鶴已迅雷般向我揮拳。

「獨孤九劍！」

一襲劍影突然從側面斬向雲中鶴。

雲中鶴被神秘黑影擊倒！