金庸今年出食譜？: 九

不出所料。

我係維園跪地求饒呢單野傳到成間學校都知，行過走廊d人見到我全都遮住半邊嘴偷笑。

最最最最最仆街既就係Connie，原本我真係諗左個gag上堂講，點知佢竟然毫不留情面咁當住全班開我維園求饒條片，引起全班轟動兼一齊恥笑我。

我即場面都紅曬，尷尬不已。

落堂之後，我終於忍唔住心中怨氣，拉左Connie去雜物室。





「想點呀你！你扯我黎呢度做乜呀？」佢神情十分不滿。

「Connie姐，做人唔好咁過分，頭先你咁播我條片，你叫我以後點見人？第日我響個班無曬地位架喔。」

「我理得你，上次我夠被人放上網公審啦，果次我足足被班friends笑左成個禮拜，呢單野我都未同你計！」

「咁你大人有大量呀嘛，果d小事Connie姐你點會計較咁多呢？岩唔岩先？」

「Kyle弟弟，今次你應該吸取教訓，以後千萬唔好得罪女人，同埋女人其實系好小氣既。」Connie說，「我陣間仲有堂，唔同你傾住，你好好反省下啦。」





之後佢就離開雜物室。

我亦死死地氣咁翻上班房。

放學之後我又繼續去留堂室做功課。

六點幾做完曬翻屋企，入到門口老母同我講頭先班主任Miss葉打過電話黎，叫我打翻過去俾佢。

唔係掛？？？





我心不甘情不願地回撥Miss葉既電話號碼。

「喂？Miss葉呀？」電話接通左。

「係呀。係咪Kyle？」

「我係呀，Miss你搵我咩事呢？」

「我有件好嚴肅既事同你講，你留心聽！」Miss一把認真的聲線。

「咩事呀miss？」

「我要你同我結盟！」

「下？？？？？？？？？？」