「突發」打打下丁比人捉左去研究所做實驗品: Monster hunter??!

「喂呀，衰人呀天，你成日都唔知醒，約左我一齊番學都唔記得」，企係我面前嘅可人兒雙眼水汪汪，

頭上有個好特別既髮夾，含羞答答咁講，我望得太入神，只突然感到頭上一痛，

佢用手指亨左落我個頭度，「嘩，好痛呀，你咁大力嘅，咁我起唔到身嘛」，

「約左本大小姐仲唔知醒，去死啦你」，佢再一次踢我一腳之後極速跑走，

「死人詩詩呀，唔好走呀你」，我跑去追詩詩，但係詩詩跑得愈來愈快，佢仲擰番轉頭，





「咁慢架你，慢慢吞吞」一講完單一單眼，伸一伸利，佢咁得意，我點嬲得落姐，詩詩一路跑一路笑，

我愈來愈慢，只好叫停佢，「詩詩，唔好跑咁快呀」「詩詩，詩詩！！」，我突然感覺到眼前好光，

我比強光搞到彈左起身，我望一望左右，呀鴉佢地係曬度，果然係夢，如果可以番番去之前咁就好啦，

「係呢呀鴉，到底咩事，我隱約記得我比詩詩打暈左，咁我地即係」，呀鴉搶先講「嗯」，

比佢地追番一局，一比一，呀力奇話左最後一局要全員出動，你再抖下先啦，





仲有大概仲有一個鐘先開始下一場」，「好，唔該你呀，呀鴉」，

「細路，咩說話呀，你啱啱表現得幾好呀，我都大跌眼鏡，估唔到你保留實力到咁嘅程度呀」，

我實在比唔到反應佢「哈哈，係咩」，我就沉思緊啱啱既事，我實力大增，到底點解？

仲有啱啱個個到底係唔係詩詩？我感覺到佢係我熟悉嘅詩詩，諗諗下呀吉突然跳左落我膊頭，

「大哥哥，吉吉想同你玩呀」，「我地唔礙你抖啦」，呀鴉一講完想拉走呀吉，





呀吉好唔捨得咁，扯住我杉領，「由佢啦，我都想呀吉係度陪我」，呀鴉聽到點一點頭就同佢地走出去，

成間房得番我同呀吉，「點呀有咩想講呀？」我估佢一定有野想話同我講，所以我先搵藉口留低，

呀吉喵左幾聲，之後佢開聲「呀天，你有冇諗過走出去」，「哈，我無時無刻都想出去啦」，我一講完，

呀吉hehe左聲，「咁就得啦，你依家同我聽住@&#&@%&@」，「咩話，你講真嘅？？」

我聽完開心但同時亦好擔心，「係呀，昆你做咩」呀吉答番我，

「咁好啦，我明啦」我仲消化緊呀吉講嘅野，諗諗下一個鐘咁就過左，黑超男打開門「出嚟，夠鐘」，

我聽到就落床，比我想像中好好多，我既傷痕都漸漸退去，D博士做過咩嚟？我唔理咁多，

我一行出房門，呀鴉一行人一早企左係房門等我，我覺得佢地對我好似朋友一樣咁好，所以今次一定耍要成功。





我第一個踏出門口，只見空間好大，係一個石洞，環境同我地最後一次訓練打王牌隊伍差唔多，

只不過今次大好多，我再行出幾步，呀鴉佢地都跟上前，留意到女子組經已到左，呀ben，

呀力奇都係度，我地慢慢步近，我都搵緊詩詩既影蹤，終於比我見到佢，佢冇左岩岩嘅傲氣，

亦都冇左頭先d黑氣，睇一睇佢嘅表情發現佢都係驚緊，我真係好想過去攬住佢，一邊拍佢背脊一邊講，

「無事啦詩詩」，信我，好快就可以，呀ben第一個出聲，

「你地真係太令我失望啦，你地今次仲唔同我贏，你地死梗」，果然佢都係咁黑人憎，我地都無理到佢，

呀力奇行上講臺，講「最後一個回合，係團體行動，你地要拎我手上嘅野」，佢拎起一條發光既骨頭，





骨頭既物主係耀龍，無錯你無聽錯，係恐龍，你地要打低恐龍最快拎到骨頭，

最快為止贏，哼，果然係，呀吉無講錯。

「依家開始！」黑超男大叫，我地跑去山洞入面搵恐龍，成件事聽落好怪，

但如果我出得番去，我實出書，諗到呢度，

突然！



「轟隆轟隆！」







呀吉靠你啦！