我去左間 Cafe 打工 , 想溝入面個 Mk 妹女同事: 原來我真正既工作係。。。

「喂喂，我問你，」Mark哥笑道，一邊在我膊上拍了兩下，「阿細佬，
 
你知唔知我呢間Café叫咩名？」
 
「Maid Maid Café ?」
 
我回想起剛才小月的話，但還是不太肯定是否就是這個名字。
 
「係啊，咁你知唔知Maid點解？」他仍是笑個不停。
 


「女僕囉 …… 」我答道，雖然我是中文系畢業，但基本的英文還是可以的。
 
「係啊，你都知啊？」他又在我膊上拍了兩下，「我唔係要Butler，都唔係要Valet，
 
亦唔係要個Footman，我淨係想要Maid啊，係Maid啊，你到底懂唔懂啊？ 」
 
我聽著恍然大悟，這確是我大意了，一間女僕咖啡店好好的又怎會聘請男僕？
 
只是我確認過地址，這裡應該不會有錯才是，我要應徵的到底是甚麼崗位啊？
 


「但係 …… 你應該已經請左我 …… ？」我也不太肯定。
 
「我請左你？」Mark哥收起笑容，似在想著甚麼。
 
「應該就係啦 …… Er …… 我 …… 總之就Send左D資料過黎，
 
而你地已經話請左我？或者可能唔係男 …… 僕 …… 或者 …… 」
 
我說著自己也是一頭無緒。
 


「哦！」Mark哥似乎已經搞清狀況，「原來係你！早講嘛，我平時都唔會返黎，
 
今日就係知有個新人黎我先咁早返，得啦，黎啦，過黎啦。」Mark哥說，
 
一邊已經站了起來，帶我走到近大門的轉角處，即剛才他走出來的地方。
 
我一邊跟著他走，心裡一邊慶幸沒有把地址弄錯，不然可就鬧了個大笑話。
 
 
 
我們正走到大門前，卻走進來了一行三人的顧客，
 
小月忙於上前招呼，我和Mark哥則走到裡頭去。
 
裡頭原來是一個小廚房，而廚房的盡處卻又有著兩扇門。


 
「拿，左邊個間係更衣室同雜物房，入面有Locker既，你要擺野呢就擺去入面，
 
右面個間呢就係我間房黎，不過我一個禮拜都未必返黎一次，
 
平時你地都可以當做休息室咁用，但係如果我掛左個『請勿打擾』既牌，
 
你就無論如何都唔可以入黎，知道冇？」Mark哥又在我膊上拍了兩下，
 
我心裡卻想著Mark哥在裡頭到底會有甚麼神秘的勾當，
 
但他既是有心保密時，我也不好意思相問。
 
「知道，」我答道，「咁我平時大概要做D咩呢？」我又問。
 


「哈，你就重要啦，我地無左你真係唔得，」Mark哥一臉雀躍地說。
 
「啊？」我還沒想到自己有何重要時，小月卻突然走了進來。
 
「唔好意思啊，唔該要三個蛋包飯，三個都係鴨胸配火腿，
 
另外仲有三杯魔法特飲，」小月的聲音甜美，就是隨便說一段話也是動人，
 
她吩咐過便又高高興興的出去招呼客人。
 
「三個要一樣既野咁得意既 …… ？」我輕輕說道，也沒想過給Mark哥聽見。
 
「咁你都唔明？」他還是聽到了。
 
「啊？」


 
「醉翁之意不在酒啊，」他笑得很狡猾。
 
「啊！咁我明啦，」說起歐陽修的醉翁亭記可是我的本行，「醉翁之意不在酒，
 
在乎山水之間也，」我搖頭晃腦的吟道。
 
「No , No , No , 」他立時把我糾正，
 
「應該係：醉翁之意不在酒，在乎兩腿之間也。」
 
「啊？」我聽後一楞，「乜我有背錯咩 …… ？」
 
「無，無，你岩，係我錯，」Mark哥笑道，「總之就係每個黎幫襯既，
 


都唔係為黎食野啦，如果唔係我洗乜用咁多錢請女僕啊？」
 
他說著已經走到爐前，隨意的拿起一堆食材，
 
我看著只覺他如此也太不注重衛生了。
 
那知就在此時，右邊的房門卻又走出一個女孩來。
 
 
 
我看這女孩頭上戴著一頂紳士帽，身穿一件尺碼略大的古舊牛仔外套，
 
外頭則披了一條深藍色的圍裙，較之我今日所見的，確是踏實成熟得多，
 
她的五官還算端正，可就是長得平平凡凡，
 
說不上是個頭號的大美人，但也不是個醜婦。
 
「拿，同你介紹，」Mark哥說道，「呢個係我地既廚娘，叫做阿Jude，
 
你以後就拍住佢啦，廚房係你地兩個睇晒啦。」
 
「Hello，」Jude說起話來叫人很親切。
 
「Hi , 我係 …… 我個名叫做竹生。」我很少給人介紹自己，
 
此時說起來總覺得有點怪怪的。
 
「Haha，竹笙？可以食得架？」Jude笑問，「你同廚房又幾有緣喎，」
 
「唔係啊，我個生字係生長個生，」我解釋道，「係出自一個二十四孝既故事，
 
叫做哭竹生筍，係講個孝子為左醫好佢媽媽，攬住棵竹係度喊，最後孝感動天，
 
生左D筍出黎比佢幫媽媽醫病架，」
 
我說著只覺這個故事很感人，兩個眼圈都不禁紅起來，
 
但想男兒流血不流淚，尤其是在外人面前，於是又拼命的忍住。
 
「哦，原來係有典故既，都好有趣啊，」Jude笑得很溫柔。
 
「嗯，你係第一個咁講既人，」我想平常自己說起，
 
人家都只當我是個書獃子，那有用心去留意我說的話？
 
「咁就好啦，你地相處融洽就好啦，」Mark哥笑道，「你地慢慢啦，
 
有咩唔明就問阿Jude啦，我約左個o靚模，唔講住啦，」
 
Mark哥說罷便匆匆的掉頭想要走。
 
 
 
「其實我都唔係好識煮野食啊，以後多多指教啦，」
 
我見Jude為人親切，對她說起話來也容易點。
 
「啊？」Jude聽後有點驚訝。
 
「咪住！！」」剛走到大門的Mark哥聽後突然回過了頭來，
 
反應也是異常得很，「邊個話要你煮野食啊？！！」他問道。
 
「啊？」我看著他們的反應，也是吃了一驚，「我係廚房做野唔係要煮野食咩？」
 
「煮野食有阿Jude得啦，你應徵個陣無睇清楚自己係做咩架咩？」
 
Mark哥一臉著緊的說，似是怕我突然反口不幹。
 
「有 …... 唔係其實就 …… 無 …… 總之就可能有 …… 又好似 …… 」
 
應徵的人根本不是我，但這些當然都不能跟Mark哥明言，
 
為了圓謊，都害得我不知如何回答才好。
 
「都唔知你講乜，」Mark哥說，「你知又好，唔知都好啦，
 
我而家講多次你知，你做野既地方係個度 …… 」
 
Mark哥說著伸手一指，指向爐旁的水盤。
 
「個度 …… ？」我看著那水盤，
 
見裡頭還堆滿著用過的碗碟，想是昨夜遺下的，那麼我的崗位即是 ……
 
「洗 …… 洗碗？！！！」我驚問，這一嚇真的非同小可。



「係啊，唔係你以為係咩？」Mark哥問。
 
「我 …… 」我想起母親的話，她不過說是飲食業，
 
但清洗碗碟還算是飲食業麼？我洗個一年半載難道又會懂得給她下廚？
 
整天困在一處洗碗碟，更用不著「靚靚仔仔」啊！
 
這到底是她的惡作劇還是她在無意間弄錯了甚麼啊？
 
「我知你係大學生，我有睇過你D履歷，」
 
Mark哥見我遲遲不語，便又說起話來，「你未必睇得起呢份工，
 
但係我同你講，我而家出比你呢個人工，你出去無論做邊行都搵唔到，
 
你都咁大個人啦，都係時候諗清楚社會發生緊咩事，你都要養家，係咪？
 
有D無謂既尊嚴咪放低囉。」Mark哥理直氣壯，說得很有道理似的。
 
我雖然覺得不妥，卻又想不出甚麼反駁，
 
但想自己每天待在家中，確是不成樣子，
 
我也大學畢業了，該是時候踏出社會，沒理由要母親為我擔憂牽掛一輩子。
 
再說我想來，論語裡也曾說過：「富而可求也，雖執鞭之士，吾亦為之。」
 
執鞭就是很低下的工種，但若合於道，聖人尚且願意為之，
 
我不過是凡夫，每天洗洗碗碟雖無建樹，卻也不失道義，我其實又何必嫌棄？
 
想到此處，心裡稍安，古語經典確是慰藉心靈的妙藥，
 
也幸得我把一部論語讀得滾瓜爛熟，不然此時可要入歧途了。
 
「唔係啊Mark哥，你肯比機會我我好開心啊，」我答道。
 
「係先好講，」Mark哥將信將疑，「呢度D碗碟係呢幾日留落黎既，
 
特登等你返工先洗既，你一陣好搞掂佢，無問題既話我走啦，」
 
Mark哥說罷又掉過頭去要走，「啊，咪住，仲有樣好重要既野，」
 
「嗯？」我問。
 
「記住唔好用咁多水，開一盤水循環再用就得啦，環保嘛，
 
仲有唔好問點解無洗潔精，你就咁用清水洗就得啦，
 
用洗潔精一陣你洗唔乾淨，反而仲會食死人，我都係為你諗咋，知道冇？」
 
我聽著但覺Mark哥的話好像有點不妥，
 
心想若是依他所說的去做，又怎能把碗碟洗得乾淨？
 
但想他是老闆，而我不過是個小員工，也沒理由要逆拂他意。
 
「知道，」我答道。
 
「嗯，出黎做野最緊要聽教聽話，你有前途啊，」
 
Mark哥笑道，「真係唔講啦，我要走啦。」
 
這次Mark哥說罷，沒有再回頭，廚房內就只剩我和Jude二人。