《我見到你老母係街邊奶叉燒啊！》: 008

8.
「咩事啊？」高俊言問道。

我看著他的眼，慢慢把她母親被殺一事道出。

「唔會嫁……唔會嫁！我阿媽未係屋企度囉！？」

「佢唔係你阿媽，佢係你阿姨！」

高俊言搖頭道：「我都無阿姨，又點會突然多咗個阿姨，你仲要話依個阿姨殺我阿媽？」



「如果你真係想知我講嘅嘢係真定係假，你就去試下佢，問多啲佢依以前嘅事，或者人哋唔知得你哋先知嘅事……」

「你唔好再講啦！拿，我知嫁，你想嚇我之嘛？玩夠啦。」

我無奈苦笑，「我都想係講笑。」

「你……你係講真嘅？」

我點頭。



他拿起凍奶茶，一口氣吸掉半杯。

「如果你講嘅係真，咁……即係阿媽佢已經……」

我倆沒有再說話，只是靜靜的把眼前的食物吃光。

高俊言說：「我會返去試下佢，如果佢真係唔係我阿媽嘅話，我一定會將佢繩之於法。」

我拍拍他的肩膀，這一刻我真想他回去試完那個女人之後，跟我說我是錯的，別說他，就連我亦未能接受伯友已經過身的事實。



還有四天時間，我現在的角色很被動，到底伯友遇害的地方在哪？

「喂……」

「係你？乜你未死咩？」

道友用他死灰色的眼看著我，他看起來比起之前更加瘦弱。

「隻肥女鬼真係好勁……」

「你無事啊嘛？」他看起來好像有點不對勁。

道友用右手抓著胸口，呼吸變得急促，他的臉唇在微微顫動。



「喂，你點啊？」我再問他一次。

「佢好勁……我唔係佢對手。」

「咁你想點？」

「我要搵我師父出山。」道友鬆開右手，臉色好轉。

「哦，咁……咁你要加油啦。」

正當我轉身離去時，道友抓著我的手。

「你要跟埋我去搵師父。」

「傻嫁你？我仲要返工嫁聽日。」



「唔會用你好多時間，師父佢老人家住係沙田，好快就可以去到。」

我皺著眉，「唔駛啦，我知道點樣處理隻肥鬼啦。」

「你知道！？」

「係，如果唔係嘅話，我點可能過到琴晚？」

道友臉上陰沉不定，「係……你知道方法，但係我唔知道，我唔知道要點樣做……」

道友像發了瘋似的，一直在重覆說「我唔知道」。他從我身旁走過，慢慢消失在我的視線內。

傍晚，我收到高俊言的whatsapp訊息。



「她不是我母親，父親已經好幾天沒有出現，我怕他出事了。 18:24」

我隨即跟他說：「你先來我家，再跟我查出真相，或許還來得及。 18:25」

可是這個訊息只是保持在灰剔狀態，而高俊言的上線時間亦停留在18:24。

我拿著電話等待，五分鐘……十分鐘……三十分鐘……一小時……

高俊言還沒有上線，也許他已經出事，難道是伯友的妹妹發覺到高俊言懷疑她，所以先下手為強？我要報警嗎？

我離開住處走到街上，去了一個街邊電話亭致電到999，跟接線生說高俊言的單位出現嘈吵聲音，懷疑發生命案。

很快就有警車來到，我悄悄地跟在警察背後，一起前往高俊言的單位。