《易容師》: 第三章-人彘瘋子
「喂喂喂！阿SIR冷靜Ｄ！我冇鬧差人架，雖然我想，但我未鬧出口......」
「你，頭先講咩呀？」劉SIR雙手放係我雙肩上面，神情好鬼緊張咁問。
「我話......雖然我想鬧阿SIR但我未鬧出口......」
「唔係呢句！再前一句！」
「阿SIR冷靜Ｄ......」阿媽呀，差佬好恐怖呀！
「你係咪玩撚野呀！！你頭先講乜撚短髮女仔好犯賤呀？」
「咁短髮女仔犯賤，關阿SIR你咩事呀？」我嚇到變雞仔聲咁講。
劉SIR靜左陣，語氣冷靜左落黎咁，再問我野。
「我想知道，點解你會講頭先Ｄ野？」
「岩岩比個短髮MK妹鬧，又諗起個夢境，有個短髮M女.....」
「乜野短髮M女呀？」
「著住皮革，流哂口水，跪係到叫主人咪係M女囉！」我實在太驚驚，
嚇到乜柒都講野出黎。
好彩，熊教授無呢種霸氣，唔係比佢知道我夢境個男人，同佢著一樣款式
既衫，都唔知佢點對我。
「皮革.....M女.....」劉SIR有野諗緊咁，我都無謂阻佢。
「呃，如果冇咩既，阿SIR我走先。」
「有，o靚仔你即刻跟我上車！」佢邊講邊捉著我衣領，拖著我行咁制。
「阿SIR尊重Ｄ好啵！唔係我去警民關係科卜你架！」
「非常時期，非常手段。」
「阿SIR，弟弟我仲係處男黎架！」
劉SIR冇再同我胡鬧，就咁的左我上佢架GTR到。
「Woo......GTR啵！聽就聽得多啦，見就真係第一次。」
「o靚仔，一陣你見到既野，可能會好恐怖，好核凸。但我好希望你，一
陣見到Ｄ野之後，唔好同任何一個人講，包括熊教授都係。」
「吓？大佬，你無啦啦撻樣野比我，逼我睇。仲預先話我知好撚核凸恐怖，
你呢Ｄ差佬思想到底係咪變態架？」
「屌！」佢無再理我，一手拎出手扣，好撚迅速咁反鎖左我。
「喂！小心我部相機呀！」
「你再嘈相機都打撚爆你！」
比佢咁要脅之下，為左我心愛既相機(主要係女神D相)，我逼不得已靜落
黎，由佢車我佢唔知乜叉地方。
2015年4月30日，下午5點28分。新界屯門區，小欖精神病治療中心。
「落車。」
「阿SIR，可唔可解左個扣先呢？」
劉SIR手車真係辣，比佢反鎖左既我，就算扣埋安全帶，都比佢手GTR車
到反轉埋，屁股朝天。
頭先真係擔心死我，好驚阿SIR會無啦啦搞我屎忽。好彩，一切都只不過
我諗多左。
我一落車，見到雞乸咁大隻字「小欖精神病治療中心」，嚇到到屁滾尿流！
「阿SIR，首先我冇犯法啵！其次，就算有我都唔係痴線呀！點解要咁對
我？我唔想對著Ｄ痴佬，比Ｄ痴佬瘋狂爆菊花呀！」
「呀.....依家Ｄ o靚仔既創造力量同幻想真係會嚇你一跳。」
「哈，阿SIR你真幽默。」
「行啦，有單案件，我希望你幫到手。」
小欖不愧為小欖，入去之前，連劉SIR都比人係咁搜身。
我就更加唔洗講啦，好彩唔係女仔，唔係比係咁摸，實嫁唔出。講笑姐！
「唔好意思，麻煩先生你將手機同部相機放底。」
「吓？機在人在，機亡人亡！你當我地相機發燒友咩呀？」
「放低。」好一個劉SIR，電光火石間，拔槍指著我部相機。
「放囉，唔洗下下打爆機既。想爆機，搵達哥嘛～」
搜完身，就有兩個持槍既懲警，一前一後咁，帶我同劉SIR入去。
入到去，光線仲係幾好，只係愈行愈入，去到一個大閘，又要再搜身。
今次去到，一個白色長廊，長廊睇似金屬製成，兩邊都有黑色鐵門。
有Ｄ無咩聲，有Ｄ傳出嗚嗚聲，有Ｄ更加癲係咁叫！
「仆街！係你呀！」忽然一隻手從左邊鐵門伸出，嚇到我彈退。好彩佢唔
夠手長，唔係我真係比佢叉死。
「屌你老母！屌撚死你呀！」
「佢老母係房入面呀，你自己搵啦！」
「真係？屌撚死你老母！！！！」經職員一說，個痴線佬真係乖乖咁返
房，搵所謂我既老母。哈哈。
「到啦，劉SIR你地自己小心D。」
去到盡頭，職員打開左個鐵閘，漆黑既入面，隱約見到前面有度玻璃窗。
玻璃窗既後面，光線好充足，見唔到有咩任何野，只係聽到「依呀呀」既
呻吟聲。
強烈既對比，令我覺得全身毛管棟。比起岩先個痴線佬，眼前呢一間房，
令我有講唔出既恐懼感。
「劉SIR，我頭先條友搵我老母，我覺得我有需要同佢......」
「入去。」劉SIR真係鐵漢，兩個字就咁完左。手上仲拎著把槍，隊著我
個頭。
「入囉，唔洗下下拔槍既。哈哈！」
然後，我一步一步走前，去到玻璃窗前面，視線不其然咁向下望......
一個頭髮凌亂，身穿白衫既人訓左係到。
下一秒，佢抬起頭上黎。
我見到既係一張兩邊裂開既嘴唇，同一個空洞既眼睛。
再下一秒，佢忽然尖叫！掹大好似裂口女既嘴，瘋狂咁尖叫！
依呀呀！！！！！！！！！！！！！！！！！！！
接著佢就瘋狂咁爬動......
你冇睇錯，我都冇睇錯。
個人冇手冇腳，好似蟲咁樣，掹大個口，係地面上
邊，好快速咁四周爬動，亂咁衝落設有軟墊既牆上！
撞到反肚，就好似Ｄ甲蟲咁郁動掙扎......
嘔呀！！！！！！！！！！！！！！！！！！！
(to be continued...)