【英雄系列0】石仔特工系列: 3.5 Kaleidoscope
「千柔你都幾醒目架喎..」響lift入面,我冷笑道
千柔好似好困惑咁:「但係,咁樣做真係岩咩?我見到瞳瞳好似流緊..」
「唔好理咁多啦千柔,任務要緊,有咩私事之後先搞啦」
落到去,我先聯絡阿昇:「阿昇,你同新月走左未?」
「走左啦,依家帶緊洪南天去boss度」
「ok,我同千柔依家黎」
新月:「你同瞳瞳...冇野丫嘛?」
「....冇野,有咩野留返拎到電版之後先講啦」
我同千柔上返車,就全速開往中環,同boss佢地會合
「發!」boss一盤冷水潑向被綁響木凳上既洪南天
洪南天慢慢醒來,張開雙眼
「做..做乜呀!」洪南天似乎了解到自己呢一刻既處境,不停掙扎
「你好呀洪生,第一次見面,你好嗎?」boss戴住面具道
除左boss,我地四個都戴左面具,免得日後被洪南天點相
「仆街,想綁我,你知唔知我邊個呀?!」
boss一腳伸落洪南天度,將佢踢落地下
「洪生,我地唔會傷害你既,只要你老老實實咁答我地既問題就得」
「洪南天先生,請問果塊印鈔機既電版,係咪響你地既銀行度呢?」boss好有禮貌咁盤問
洪南天表情有d變化:「我..我唔知你講乜!」
「你係咪想將塊電版賣比人?」
「你up乜呀屌?!」
「塊電版依家放左響邊?」
「屌你老母你地係咪on9架,咪講左唔知你地up乜撚野電版囉!」
boss拎起旁邊既電鑽,鑽向洪南天既門牙
「吱吱吱吱吱吱吱吱吱吱吱吱吱!!!」
「我相信洪生你咁有錢,要補隻牙都好易既姐」
洪南天開始淆底「你..你咪撚亂黎呀!我..我搵人買埋你全家架.....」
電鑽漸漸靠近,即將就要將門牙鑽碎
「好啦,我講啦我講啦!」
「係!塊電版係響我地銀行果度!!!」
boss奸笑住:「哈哈,終於肯講既咩?」
洪南天嚇到眼淚水都流哂出黎:「唔..唔好殺我呀..」
「係...我的確係諗住將塊電版賣比人」
boss繼續問:「所以之前美國政府聯絡你,你都冇理佢?」
洪南天點頭:「因為呢件野起碼值幾百億美金,賣去黑市都賺到笑啦」
「咁你依家將塊電版放左響邊?」
「響...響...」
「我放左響向星銀行九龍灣分行...地底個保險庫度!」
「真係?唔好呃我地喎」boss道
「真..真既....」
「老老實實啦,你地係咩人黎?聽你地既語氣又唔似求財喎」洪南天不滿道
「我地就係IID既特工」
洪南天開始傻笑:「屌..唔撚係掛..特工..哈哈哈...復仇者聯盟咩!」
新月:「你記唔記得一個叫Sam McQueen既人呀?」
「...有d印象,幾個月前搵過我伯爺果個鬼佬丫嘛」
「佢同我地一樣都係IID既特工」
洪南天:「挑,你講哂啦,我話我契爺係戈巴卓夫都得架」
我怒睥住佢:「你咪唔好信囉,我地隨時都可以掉你去美國受靶,依家你只要乖乖地合作就乜事都冇」
boss抽起洪南天:「石仔,以免夜長夢多,你地四個快d去九龍灣拎電版,帶埋洪生去啦」
「嗯!」
依家係夜晚十點半
我地四個,再帶住洪南天去向星銀行九龍灣分行
響車上,洪南天應該係太攰,所以訓到扯鼻鼾
千柔問:「呢個洪南天...係咪真係信得過架?」
「唔肯定..不過依家得返呢個線索」
「石仔..瞳瞳既事,真係唔緊要咩?」
我嘆一口氣,無奈道:「係,係好緊要..但係我絕對唔可以比佢懷疑我地,如果比佢跟住我地,分分鐘有危險」
「我寧願hurt到瞳瞳,都唔想佢卷入呢件事」
講完之後,新月同千柔亦再冇出聲
大概,佢地都清楚知道
我要做呢個決定,係幾咁艱難
大約半個鐘,我地既van仔就到左淘大花園,向星銀行九龍灣既分行
此時,銀行已經落左大閘
今次,我地四人都一齊行動
我同新月捉住洪南天:「喂,開門啦」
「你都on9!我邊撚度有鎖匙呀」洪南天不屑道:「你有冇見過銀行集團主席要落區幫分行拉閘呀」
千柔拎住一條萬字夾:「等..等我試下丫!」
「咔...咔...咔...咔...咔!」
只係兩三下手勢,大閘既鎖就比千柔成功解開
「千柔你都幾叻架喎,幾時學架?」
千柔:「training果陣學過架啦,不過都係第一次實戰度用」
之後我地四人一齊推起大閘,進入銀行
「喂洪生..個保險庫呢?」
洪南天不耐煩道:「屌,地下2樓呀」
「唔好咁多口水」新月拎起手槍指住洪南天:「快d帶我地去啦」
「得得得...依家帶你地去」果然,呢d仆街唔嚇下佢唔得
我地一行五人搭lift,落到去地下2樓
眼前既,係一個典型保險庫既圓形大鋼門
我:「嘩,乜一間咁細既分行都有個咁大既保險庫架..」
洪南天:「我伯爺話唔好放哂d野入中環總行嘛,廢時一比人偷野就一鋪清袋」
新月用槍篤住洪南天:「你,快d去開左佢」
「得啦得啦...」
阿昇笑道:「嘻嘻,我都想比新月bb用槍指住我呀」
新月依舊不太理會阿昇:「阿昇你認真少少好唔好呀?」
大約1分鐘後,洪南天已經成功打開保險庫既鋼門
保險庫除左角落既一個鐵提款箱之外,一樣野都冇
「嗱,就響入面咋..」洪南天指住鐵提款箱
我同千柔走過去,拎起呢一個有三個密碼鎖既鐵提款箱
上面有一塊寫有「Sam McQueen」既鐵牌
我同千柔影低左呢個鐵提款箱,再send比boss
boss:「同Warrick先生形容既一樣,睇黎冇錯啦,入面既..就係電版...不過你地唔好諗住解鎖,密碼錯三次既話個箱就會自動爆炸」
「石仔,你地依家儘快拎返黎」
我拎起呢個裝住電版既鐵提款箱,比我想像中輕
阿昇指住鐵提款箱,好奇問:「呢個就係電版啦?咁輕既?」
我點頭:「果個Warrick先生話係咪係囉..」
「Hey~boy~好失敗~一加一係二都搞壞~」我部iphone響起
洪南天聽到呢個鈴聲後都不禁恥笑:「嘩,做埋d咁on9既鈴聲呀」
我望一望,係一個私人號碼
「喂」
「hello呀,石仔」呢一把聲,係一把令人心寒既男聲
「你...係Andrew?」我心裡面已經有個唔好既預感
「我係A先生呀,IDD特工石志磊」