【重甜】死後重生，我成為咗屌閪王！(港語): 三章二十四話《軍議》
落到嚟地庫停車場，我哋嘅會議喺一架旅遊巴度舉行，而香慈佢哋幾個司機就喺外面把守。
基本上最重要嘅核心成員都有出席，而且睇落包括我在內每個人心情都唔太好。
莫講話沈澈、羅氏孖女、倩玲、阿珊、又華、銀茹、紅鈴、白晴、綠荳、綺雯、晶晶、司馬、詠珊師姐佢哋跟得我內都算，就算連新加入嘅蔣鳳同檸檬都顯得憂心忡忡。
我將近來所有事講出嚟，佢哋又再七嘴八舌，要勞煩到沈澈安排佢哋逐個發言。
「聽日你諗住點？」縱合所有人意見，沈澈問咗我一句：「你要聽罐頭哥嘅意見定你有自己諗法？」
「我有我嘅堅持。」我劈頭第一句說話就係咁講：「犯法書院嘅代表團我既然應承得吉姆，我一定要接佢哋入嚟。」
大家唔出聲望住沈澈，沈澈目無表情望住我，然後點咗一下頭。
「其次，入得嚟子文村住嘅，我必然繼續保護佢哋。」我唔知沈澈點諗，但呢間屋我先係主人：「亦都唔可能去讓路或者退縮，我有責任令白羽織能夠公平比賽同埋贏到冠軍。」
「好。」沈澈話：「如果頭先嘅說話你唔係咁講而係選擇放棄任何人，我一定會同你分手，因為你已經唔係我當日願意跟從嘅陳子文。」
嘩屌吖原來你試鳩我呀？
「喺進行會議之前我請求紅鈴佢哋幾個為我哋解開所有能夠控制我哋嘅法寶，佢哋似乎亦都真係咁做。」沈澈話：「換句話說各位係真心愛你，呢點亦係我同各位姊妹嘅共識。」
羅善媛話：「假使你遇到困難就要放棄原則……」
羅靜媛話：「咁樣你遇到麻煩亦會出賣我哋……」
「失去原則同信念嘅你唔會值得我再愛……」阿珊話：「你亦會變得同普通人一樣。」
「但既然驗證到子文一直貫徹呢一點……」倩玲話：「我哋就要諗出解決方法。」
「我一直喺度諗政府喺呢件事嘅角色，夏音森又係咩位置……」我決定講出自己嘅睇法：「今次比賽嘅目的又係做啲咩？」
白晴話：「上次我哋去深圳咁樣玩兩玩，佢哋對香港嘅侵略步伐確實係受到打擊……」
綠荳話：「咁但係佢哋唔會因為主人喺度就怕咗我哋架！佢哋想做嘅嘢始終會做落去，主人係佢嘅絆腳石，佢哋一係收買一係就消滅，冇第三個方案啦！」
「咪住！」倩玲話：「收買？係噃！點解我哋諗唔到嘅？」
大家大惑不解望住倩玲，點知倩玲未出聲，沈澈反而問：「姊妹們，子文平日最鍾意做啲咩吖？」
「食女！」大家嘅反應都相當齊，我尷尬咁望望蔣鳳。
蔣鳳扮睇唔到，反而問沈澈：「咁即係咩呀？」
「即係話……」沈澈話：「呢啲係甜頭嚟，如果子文順佢哋意好處會陸續有嚟。而負責收買佢嘅人就係史必烈。」
咁既然係咁，史必烈同我講嗰返說話又代表咩呢？
「不過我諗史必烈亦都唔想俾件事發生。」倩玲講出佢嘅諗法：「所以佢大開綠燈，等子文一切順利，佢就可以同背後嘅人交代。」
沈澈緩緩點頭：「另一方面，人哋收買得子文亦想要彰顯實力，所以就要搞咁多嘢出嚟。」
「咁魚蛋華同賈清高嘅電話又係為咩呢？」蔣鳳問。
「係想警告我。」我話：「根本上背後操縱件事嘅人早就掌控住全局，無論我點做，其實都飛唔出佢哋嘅五指山。所以佢哋物色嘅人物都唔係咩垃圾，而係搵啲良心未泯嘅人嚟，去保證我嘅安全。」
「良心未泯？」蔣鳳問。
「賈清高性格咁正直，無啦啦點會闖呢趟渾水呢？因為屋企人受威脅吖嘛！」我話：「而魚蛋華呢？江湖中人人人話佢夠雷夠醒夠巴閉，係因為佢做嘢向來軍軍真真，唔單止唔會欺凌弱小，收得陀地街坊有事佢亦照顧周到。所以點解佢會埋伏賈清高嚟約我，係因為佢知道後面有幾污糟，想保我呢個三九唔識七嘅MK仔安全。」
其實對於魚蛋華呢個人，我點解會咁清楚？係因為前世佔領嘅時候，就係佢命令啲桑拿浴室開俾啲學生去沖免費涼，又叫啲兄弟去佔領區保護學生。
呢啲咁有正義感嘅老一輩江湖人，唔通仲會恃強凌弱去恰我哋啲後輩咩？
「咁即係你聽日都肯定安全啦！」蔣鳳話。
「未必。」沈澈話：「佢唔郁手啫，如果有人扮係佢手下郁手一啲都唔奇，所以我先要雷電佢哋一齊去。」
「咁我哋呢？人多啲唔係好啲咩？」蔣鳳問。
沈澈話：「子文唔喺度，我幾乎可以肯定到時子文村會受襲擊，甚至連其他三公子嘅屋企都可能會受牽連……」
我聽到無名火起：「咁你仲叫我班兄弟陪我去？邊個守住佢哋屋企呀？」
「我哋囉！」紅鈴挺挺胸，兩隻大奶震咗一震：「我哋要喺度守城！」
屌你鹵味守乜撚嘢城呀？
紅鈴忽然Cosplay癮起，一個轉身，變成咗個頭巾縛額，身穿盔甲，手執長槍嘅女將軍：「男人出去打仗，守城就係女人嘅責任！」
「銀茹你又同佢睇咗咩劇呀？」
「《女兒當自強》……」銀茹話：「講楊門女將嘅……」
唉……屌你鹵味……
聽到呢個話題司馬終於插口：「電廠、良宅、謀人寺同我哋子文村一樣，全部都係喺平地。又冇山石阻擋又冇護城河，單靠幾幅牆其實無險可守噃！」
司馬教中史嘅，呢啲古代戰爭理論佢自然啷啷上口。
紅鈴諗咗一諗，講咗句：「又係噃！」就開始結印準備施法……
「做乜撚嘢呀你？」我嗱嗱聲喝住佢。
須知紅鈴戇鳩鳩，唔喝住佢佢隨時真係挖條河出嚟一啲都唔奇。
「主人我諗住將所有法力用晒嚟將四公子住嘅地方變成山城，然後叫白晴幫我變條河……」
白晴即刻抗議：「點解要我呀？」
明顯紅鈴完全冇聽入耳：「外面再叫綠荳加幾幅好厚好厚嘅城牆圍起佢……」
「我唔制……」綠荳話。
「最後銀茹用法力將返屋企條路變成森林再放滿陷阱……」
「你痴線架你個白痴天使！」銀茹直頭指住鬧。
「咁你哋用晒啲法力我哋仲點打仗呀？」沈澈終於開聲終止佢哋嘅胡鬧：「但防務一定要做嘅，我諗住咁部署……」
呢個時候，我又再電話響喇噃！