(爸爸no.1)我老豆係口靚妹: 阿政no.22

阿政no.22        每一晚都陪你睡(1)


「好大!」我
「登櫈...........依間就係本小姐嘅dream room啦!」嘉
「你睇吓,PC 我都有兩部,一部主要文書上綱,一部尊打機............」

「Xbox、PS4、Ipad、仲有仲有..................」
「當然唔小得男人必備嘅音響啦,成幾皮嘢架,其實唔係好貴,真正發燒嗰d成十幾皮,不過我哋依
d唔係發燒友夠架啦,平時大老闆唔響度我都會炸機..........」





佢響度show 緊佢嗰d器材,其實我係咪搞錯d嘢呢?
佢係我老豆,梗係鍾意男仔嘢啦,女仔間房?算把啦!

「嗱.......嗱.........嗱........」手舞足蹈
「咦?」我
「咦乜嘢?」嘉

「好多公仔,有兩個成個人咁大!」我
「係呀,以前嘅蔣泳嘉應該係一個公仔狂,成屋嘢都係佢架!」坐響張床度




「................」玩緊公仔

「其實你自己都可能係公仔狂!」我
「唔!」望吓自己
「喂!咁全屋都係公仔,揼咗佢又唔係咁好,攞嚟郁兩吓有乜問題啫?」有d緊張

係囉!拿住隻公仔舞嚟舞去,其實有咩好玩?聽講有D女仔仲會同公仔傾計影相,
真係唔明d女仔嘅喜好!

「咦?依袋嘢仲未拆唔似係以前蔣泳嘉買啦啩?又係公仔,貓豬......」




「砰!哇.......」我比佢踢咗落床
「知唔知亂摷人d嘢好冇禮貌架!」搶返個公仔

我間房d嘢都比你摷勻啦,連床下底都女神卡..........仲話我!
「喂!知唔知我哋今日嚟依度做乜嘢架?跳舞呀,仲玩,gogo!」

「其實練習啫,你唔洗特登換件晚裝架!」我
「做人要認真d,而且依件粗嘢嚟嘅啫,去ball嗰件我23號show比你睇!」行咗出嚟

嘩!殺死人咩,件晚裝好薄,將佢嘅身材表露無遺,應大則大..........
再加上佢嘅樣貌、氣質,真係同明星有得揮,以響電視見到d明星著係靚,
但原來現埸係完全唔同嘅感覺!

「索呢?眼定定咁望住我,好啦練習啦!」我
「我教你一d基本技巧.........1、2.......1、2.......」





以前嘅我只能夠響遠處偷望依一個學校女神,但今日佢以女神嘅姿態響我面前
教我跳舞,我可以近距離望住佢、欣賞佢,留意佢每一個動作表情,可以捉住隻手,攬住佢條腰,真係發夢都
冇諗過可以咁親近!

不過我哋中間有道牆隔住我哋,喂!我又做乜呀?唔好胡思亂想.............

「嘩!踩死我咩,我哋唔係玩緊踩腳仔遊戲呀,政!」
「呀!對唔住...........」
「阿政!其實你好多嘢都已經有進步同做得好好,但硬係目光散渙同冇自信!」

「比d信心自己,如果唔係將來點照顧到女朋友呀?」
「我都冇諗住識女仔!」我

「傻仔!依家冇啫,到幾年後你大個咗,遇到一個你真正鍾意嘅女仔嗰時,就唔係咁




講啦,到時你會好着緊佢,好想保護佢,想佢開心,唔想佢受到傷害,到時你一定會變得堅強、變得成熟,
因為你係一個男人嘛!」嘉

「不過到嗰時先去學可能好辛苦架,所以宜家爸爸會教你點做一個成熟嘅男人!」
「但係我驚.........」

「唔洗怕!你係我張俊雄個仔,你一定會比所有人更強,成為一個可以依靠嘅男人!」
「好!精神d,我哋繼續練習!」