(爸爸no.1)我老豆係口靚妹: 爸爸no.47
爸爸no.47
1月25日學校走廊
年廿七啦,返埋聽日又放十日假,做學生真係好放假多個返學,比着以前收爐一定做到隻狗咁,依家可以靜靜
欣賞四周風景,雖然學校冇乜佈置,但新年氣氛已經充
斥每一個角落,話時話我新居入伙(返阿政屋企)好似乜都未搞過,仲有後日係阿政
嘅生日會,真係好多嘢要忙,好!陣間出去買返d賀年用品先!
「嗚!阿嘉!」茵
「做乜摸住個頭呀?」我
「比人打!」
「抵打個喎!叫佢唔好講係要講竟然講比DaDa知我哋生日會嘅事!」澄澄(幾時變咗我哋嘅生日會架?)
「得DaDa一個咋?算啦佢係你老死而且年尾流流唔好殺生!」我
「DaDa就算啦!如果仲有第二個我要你死得好慘!」澄澄
「阿嘉放學一齊走吖!」睇嚟仍真係好驚過唔到年咁喎
「我陣間要去買賀年用品啵你去唔去吖?」我
「好呀我都想買d小擺設!」茵
「我又去!」澄澄
「....................」
**********************************************************************
「依個揮春靚唔靚呀?」DaDa
「我覺得依件拜年衫靚d,希肴著住拜年一定好可愛!」茵
「你細佬都成十歲啦唔好當佢三歲小朋友好冇!」我
「我就買返幾套利是返去!」澄澄
「你派利是?」我哋
「傻嘅咩幫媽媽買架,佢好忙架尢其過年前,所以過年用品都係我一手包辦!」澄澄
「又估唔到你咁顧家啵!」
「媽媽好夜先放工返屋企,基本上屋企所有家頭細務都係我做,將來邊個取到我就真係幸福啦!」澄澄
「如果頂得住家暴虐待應該都幾幸福嘅............」我哋
「其實阿嘉你屋企有工人打點都唔洗自己出嚟買啦!」茵
「自己間房我都想自己佈置返嘅!」我
「後日係你男朋友生日會我哋洗唔洗準備d乜嘢小食?」DaDa
「唔洗啦我叫咗到會,到時你哋乜都唔洗帶,玩得開心d!」我
「有錢人真係好,扔舊錢出嚟就乜都唔洗理,不過真係連生日禮物都唔洗買?」澄澄
「政政好怕醜架,你哋個個咁熱情嚇到佢掉頭走呀!」茵
「邊有咁誇呀?不過佢份人唔鍾意做主角,自自然然就得啦!」我
「好!咁我哋搞返個集體活動------舞會!」澄澄
「舞會?」
「係呀聽阿茵講你哋聖誕都搞咗個舞會,我唔識跳舞我都想襯依個機會學吓跳舞!」阿茵你仲同澄澄講過d乜呀
「而且阿嘉有好多晚裝,你哋到時可以慢慢揀!」茵
「阿茵你又真係幾好客個啵!」我
「跳舞?我第一次同男仔跳舞!」DaDa
「DaDa你唔好咁大期望呀,依個生日會只係得五毒幾個男仔,正所謂高矮肥瘦乜都有,就係冇正常靚仔!」茵
錯啦阿茵!有人搞咁多嘢目的就係為咗識男仔----------袁澤守!
不過算啦!事不關己屌你老味!
反而另一個不速之客先要加倍小心!
陳小柔!依條死靚妹竟然知道阿政生日(阿妹知道阿哥生日其實好正常),阿政又口快怏話我同佢搞生日會
,幾呎厚面皮嘅陳小柔又死都要嚟喎,就係咁今年張子政生日風暴正式開始!
唔知點解今年好似特別多敵人出現,都你順便買返d椂柚葉沖涼先!
************************************************************************
「好有新年氣氛喎!」政
「梗係啦,依個係我哋嘅小天地嚟當然要精心佈置啦!」我
「小天地......................」
「搞掂!依d先叫做溫暖嘅家嘛,新年有人上嚟拜年都見得吓人啦!」我
「其實會有乜嘢人嚟拜年呢?」政
係喎!唔記得我已經死咗,依度只係得阿政一條靚仔,除咗姑姐應該都冇乜長輩會上嚟拜年,算啦噹噹
佢哋上嚟玩當拜年啦!
「好!執埋個廚房扔埋d垃圾就搞掂,至於生日會會有專人負責,我哋唔需要粗心,不過記住年三十無論
玩到幾癲年初一一定要去大老闆度拜年,衰仔你幾年冇去過啦,今年一定唔可以再放飛機吓!」我
「得啦你搬咗過嚟住,年初一都唔返去我哋一定比人打死!」政
「好!返埋聽日學收爐!」
*************************************************************************
1月27日 蔣家大宅
「嗯~~~嗯~~~」心情愉快
離開咗幾日之後再返嚟依度,感覺上好似唔同咗,以前一個人響間屋好唔自在感覺好似鬼屋,但依家日頭
又有幾個人響大屋度,感覺又輕鬆番好多,其實只要有人響身邊嘅話依度都幾好吖,得閒同阿政多d返嚟渡假先!
「嘩嘩~~~啦啦~~~」
噹噹阿詩阿茵一早已經到咗,阿政因為要接佢嗰個所謂細妹依家出咗去,過多一陣依間屋將會有十幾人聚集一齊
開生日會,真係好耐未試過咁熱鬧,不過嚟緊依幾日應該日日都有好多節目架啦!
依家嘅我好怕寂寞,如果每日都有朋友響身邊你話幾好,不過...........如果小咁幾個敵人可能仲好!
「叮噹!」敵人嚟啦
「生日快樂你哋好,我哋嚟啦!」澄澄、DaDa
異形同鐵血戰士碰頭,都係落去睇住個場好d!
「竟然有人不請自來!」噹噹
「講嘢好聽d牛王妹,係阿嘉請我嚟架!」澄澄
「.......................」全場殺氣
「AA!今日小妹條仔生日唔好講d衰嘢,嚟嚟嚟飲杯嘢先!」
「嘩!我以為係快餐店d到會,原來有專人招呼我哋架,好似去咗酒店咁!」DaDa
「其實依間公司係我爸爸開宴會酒會專用,所有嘢都係佢哋準備唔洗自己煩!」我
「有錢人真係好,一句說話就有專人照顧,所以媽媽話揀朋友要揀d高質素就係咁解啦!」澄澄攬到我實一實
我終於明白乜嘢叫做財不可露眼啦!
「叮噹!」
「佢哋嚟啦!」澄澄
「你哋好嗎?阿嘉生日快樂呀!」都話咗唔係我生日囉
「班長、JJ?」我哋
我記得我冇請佢哋嚟架?應該話全班都冇人知道我哋搞生日會!
等等!依個組合.............咪就係上兩星期六返學校幫手嘅品學兼優6人組?
我明啦!一定又係嗰個人吹水吹到忘晒形乜都講晒出嚟啦,至於冰雪聰明嘅澄澄亦應該估到,見佢塊面
黑過包大人,我都知道會發生乜嘢事架啦!
「孫樂茵!你會死得好慘!」包大人
「哇!噹噹救命呀只有你先可以救到我.........嗚!」茵
「自己做過嘅事自己拆掂佢,唔好次次都耍我幫係執手尾!」噹噹
連噹噹都頂佢唔順,冇架啦永遠懷念依位同學啦,不過點都估唔到下年同阿政搞生日要順便搞埋阿茵死忌!
「喀.....喀.....喀......」死神來了
「叮噹!」
「你哋好生日快樂,我哋嚟啦!」五毒四子連阿美阿麗都嚟埋
「你哋好呀!歡迎歡迎!」溫柔可愛甜美動人藍澄澄
「呼~~~~~」茵
「你哋好呀第一次見面,我叫方籽葵係阿嘉朋友,佢哋個個都叫我阿葵架!」班長姐姐
「你好!」袁澤守
「.......................」4A班同學
係咩?乜我哋有咁叫過你咩?聽講最初係你強迫我哋叫你班長以滿足你變態嘅虛榮心,到依家你先同我哋講
你個真名叫乜嘢芥花籽油?
「阿籽葵同學,阿澤佢哋企咗好耐啦比條路人哋入嚟啦!」澄澄
「阿嘉都未出聲點解你反而好似女主人咁叫我哋行埋一邊嘅?」班長姐姐
「.......................」
殺氣?估唔到連班長姐姐都對條大毒撚有興趣,話比你哋聽,響4A班除咗噹噹之外仲有一個人係唔怕澄澄嘅,
依個咪就係班長姐姐囉!
最好你哋兩個就為條仔大打出手,打打吓碌出馬路一齊比車車死咁就天下太平啦哈哈!
「阿嘉你做乜望住我哋笑呀?」班長、澄澄
「冇呀.......生日開心之嘛!」做乜今日d人咁惡嘅
」
「叮噹!」
「我哋嚟啦!」政、小柔
「主角終於出場啦!」我哋
「喂!唔好講埋依d嘢啦!」怕醜
「你哋好!我叫陳小柔係張子政哥哥嘅妹妹,多謝你哋嚟依個生日會,大家玩得開心d啦!」小柔
「佢就係你講嗰個危險妹妹?」噹噹
「唔!仲要面皮成呎厚,唔講以為依間屋係佢嘅添,直頭當正自己係主人家!」我
「不過個樣又幾cute幾可愛,佢就係嗰日響青衣見到嗰個女仔?」噹噹
「咪就係佢,持住自己有幾分可愛就引誘阿政,話就話妹妹其實佢同阿詩一樣都對阿政有d嘢架而且仲係發晒姣嗰隻!」我
「喂!12、3歲細路女嚟咋,你諗多咗吓?」噹噹
「依隻嘢根本就係一隻狐狸嚟,睇實d呀唔好比阿政行差踏錯!」我
「哼!」小柔
「竟然連我都兇啤?果然係來者不善!」噹噹
「哼!」我、噹噹
「依~~~~」
「仲有人嚟?」澄澄
「我冇再叫其他人嚟...........」茵
「爸爸?」我
「阿嘉子政、仲有咁多位你哋好!」蔣震滔
「蔣世伯!」我哋
「爸爸點解你會返嚟嘅?」
「我返嚟攞份文件轉頭要出去架啦,唔阻你哋玩得開心d啦!」大老闆
「哦!」大家
「子政終於都18歲啦,以後要靠你照顧阿嘉啦!」大老闆
大老闆!有時講嘢都要分吓場合嘅,依個係生日會唔係結婚呀,你講到好似嫁女咁佢哋成班都響度陰陰咀笑啦!
「子政!年初一記得要過嚟拜年呀,你已經有好幾年冇嚟,有好多uncle都好掛住你!」大老闆
「另外咁多位如果年初一有時間都可以一齊上嚟,陪吓阿嘉同順便逗吓利是........呀真係要走啦,失陪!」大老闆
「蔣世伯叫我哋年初一上嚟玩!」澄澄
「逗利是........」DaDa
「係呀!初一公司上上下下d人都會嚟團拜,尢其係公司d高層見人就派利是,閒閒地收一萬幾千利是都唔出奇!」我
「一萬幾千....................」
「好!就算斷六親我初一都會上嚟拜年!」搶利是狂人JJ
「不過有人要返大陸嚟唔到!」澄澄
「對唔住我年初一夜晚先上大陸,逗埋利是先走都未遲!」班長姐姐
「依d說話竟然會出自班長把口!」4A學生
「好!我又嚟!」小柔
「冇你份啵!」我
「吓?」
「吓乜嘢?依度係我屋企我有權請邊D人嚟拜年,但係冇你份喎!」
「咁又比我嚟生日會?」小柔
「係你死跟住嚟之嘛!我比面阿政你依個哎哋細妹上嚟我先冇出聲,但年初一係我主場我話唔比就唔比!」我
「呵~~~有人冇咗成萬蚊利是!」澄澄竟然幫我插佢一刀
「嗚............」
「阿嘉算啦比佢嚟拜年啦!」政
「條靚妹開口埋口都叫我做MK妹,如果年初一比公司d職員聽到我仲洗出嚟行嘅?」我
「咁啦!除非你以後------係以後都叫我阿嘉姐姐我咪比你嚟囉!」我
「你..................」
「唔叫冇所謂嗰啵,留響屋企睇電視啦!」我
「阿嘉姐姐!」笑笑口
「哈哈哈~~~~~~」
死靚妹同我鬥?依家咪成隻狗咁對住我笑!
你哋知唔知香港嘅核心價值係乜呀?係錢呀!
只要有錢唔好話共產黨,黑手黨都可以跪低叫阿爺呀!
係呀!香港係我哋d有錢人玩撚晒架,吹呀?小小錢做撚到你哋成隻狗咁都得呀,有錢唔係大晒係大撚晒,有錢唔單止
可以打橫行,響條街痀埋督屎都仲得,夠撚膽出聲呀?
乜嘢民主自由關你哋撚事咩?起身返工啦柒頭,仲有唔好遲到添呀,聽日地鐵又壞架啦,早d起身等多兩班車啦!
***********************************************************************
「哈哈~~~~~~」
「阿嘉真係笑得好開心!」姬樂
「響一年前真係諗都冇諗過會有咁嘅情景出現!」蔣震滔
「依個情景以後會經常出現架啦蔣生!」姬樂
「當初聽你講將阿嘉送返香港係正確做法!」蔣
「依家唔止子政、仲有一大班朋友響阿嘉身邊,對於一個十幾歲嘅女仔嚟講,依一種先係最快樂嘅生活
,點解我之前要送佢去英國.............」蔣
「已經過咗去啦!以後阿嘉嘅生活一定會快快樂樂!」姬樂
「但願如此!」蔣
「最初我以為阿嘉會以妹妹或者女朋友嘅身份返到阿政身邊,但點都估唔到佢會成為阿政爸爸!」姬樂
「有關係咩?只要佢哋兩個開心依個唔係重點!」蔣
「不過我認為點都要將真相講比阿政知!」姬樂
「可唔可以遲多三四個月等阿政考完dse上大學,因為阿嘉好緊張子政嘅考試!」蔣
「以阿嘉目前嘅狀況絕對冇問題,我同瑪麗亞會留意住阿嘉嘅病情!」姬樂
「而且我都希望比多四個月佢哋過依種無憂無慮嘅父子生活!」蔣
「無憂無慮嘅生活何止依四個月,我向你保證阿嘉嘅前景係一片光明!」姬樂
「我從來都冇認為阿嘉會輸,同之前英國獨自一人唔同,阿嘉身邊已經有子政,仲有一大班朋友,再唔係獨自一人
,佢一定能過到依個考驗!」蔣
「仲有我哋呢!」姬樂
「不過最重要係我個女已經唔係軟弱嘅蔣泳嘉,而係堅強嘅張俊雄,張俊雄係一個能夠面對任何挑戰嘅人!」蔣
相信佢哋兩父子