《搵唔到Exit既23層大廈》－驚嚇！香港都市詭異紀錄: 第一百一十四話（下）：《信徒》

      我無法停止渾身的抖動，因為眼前的事情對我的衝擊實在過大。

      「呢個遊戲，係咪由未來神信徒策劃……」

      女孩微笑。

      「原來你都係組織既一分子……」





      「好意外？」女孩裝作無辜的樣子，「小騰騰係咪要姐姐安慰下？」

      「你地點製造到呢個遊戲場景出嚟……」

      「None of your business。」女孩淡然，「反正你都只係遊戲既奴隸，遊戲點運作關你乜事。」

      「遊戲既奴隸……」

      「從遊戲既開始，呢棟大廈既所有人已經入咗本偉大組織設計既一個空間入面，睇住你地嘗試逃走真係有趣。」





      當下的我，簡直無法相信，事情背後的策劃者真的是未來神信徒。那麼外面世界的全華大廈到底發生了什麼事？我們這個遊戲到底是如何開始？

      「你地冇可能做到……」我故作鎮定的說。

      「你唔需要理會我地如何做到，我都話你只係一個被玩弄既奴隸。」

      「點解你地要咁對我地，你地有咩目的……」

      「目的？奴隸同我講目的？」女孩傻氣的笑著，「你正係需要知道，你地係從來無法逃走。」





      「一個出口都冇？」

      「最搞笑係，你地班小螻蟻，一直以為可以有辦法離開呢個遊戲。睇住你地由充滿逃生欲望，到陷入絕境，本小姐真係睇到好興奮。」

      「興奮……」我還是沒有相信眼前的處境是真的──

      「就算你係遊戲執行者，點解你宜家要咁對我……」

      「本小姐要係遊戲世界完結之前離開，唔通要我帶埋你離開？傻仔……」

      不，會否Ashley……

      「你係幾時受傷既。」我盯著她，「我要知道點解……」





      「哈哈，你以為本小姐失常？」Ashley擺出一副滑稽的模樣，「如果我失常，一早已經殺咗你，唔需要用咁多既時間去解釋，Right？」

      她說得對。

      「不過我宜家唔打算殺你呢個傻仔。」

      「點解……」

      「呢個遊戲，仲有一個小時就會完結，反正遊戲結束後，呢個由我地信徒建構既遊戲世界都會被毀滅，我何苦浪費子彈？」
      「呢個遊戲世界會被毀滅？咁你唔會死咩……」

      「傻仔，我自有我既辦法離開。」

      「你話比我知……你岩岩講既都係假既……」





      「嗯，係啊，其實係假既。」

      「吓？」

      「咁講你係咪會舒服D？同你經歷咁多，我都唔太忍心同你講D咁殘酷既事實，由你繼續做扯線木偶傻豬豬好過。」

      「遊戲結束後我會點……」

      「哼哼，好快你就體會到。」

      「你係遊戲既設計者……」

      「執行者。」Ashley笑道，「我根本就冇老豆，根本唔係學生，根本唔係叫Ashley，一切不過為咗呃你呢個傻仔而編造，坦白講，其實幾好玩。」

      「你對Toby點樣……阿毛呢？」





      「傻騰，你真係好天真，你成日都理你D所謂『同伴』，你到宜家都唔知道，身邊既人根本當你係傻仔。」

      「你唔好再講，我D同伴唔係咁……」

      「繼續啦繼續啦，我鍾意聽安徒生童話架，」Ashley露出甜絲絲的笑容，「嘟」著嘴，「講個秘密比你知，其實Toby同埋阿毛已經係天台BBQ緊啦，佢宜家等緊你去Join咋。」

      「唔會既……如果你係遊戲執行者，咁你大腿既瘀青同埋傷痕係咩事？」我終於把內心的疑問道出，那已經糾結在心中依舊。一直，我就是看著Ashley的雙腿大腿內側的瘀青，那瘀青嚴重得不像是普通碰撞會得出的。

      「我地信徒既神聖儀式，同你解釋又有乜用？」Ashley狠狠一笑，「你以為發生咩事？我比人虐打？噢善良既騰騰喔……」

      我的身體顫抖得更厲害：「點解會咁……明明你有好幾次救過我……你宜家一定係講笑喇……如果你係遊戲執行者，當我地係奴隸，點解你要救我咁多次……」

      「基於某樣原因，傻騰你係遊戲途中係唔死得，」Ashley「哼」一聲，「你身邊既人都可以犧牲曬，我為咗要觀察你，偉大既組織先要派遣我嚟保護你。如果唔係我係度，你應該第一日就命喪大廈喇，廢柴。」





      「唔係！你呃我！你有好幾次為我喊架……」

      「傻騰……其實我好可憐你，」女孩皺起眉頭，「但我真係無法唔嘲笑你，你竟然係相信我既眼淚係真摯。」

      我徹底的愣住了，想不到該如何回答。女孩的神情堅定，完全是一副真摯的模樣，毫無說謊的味道。

      我曾經以為，Ashley曾經一心一意的為我好……

      「你講過我係一個好特別既人……」

      「嗯，咁好記性既你，你真係一個好特別既人……」Ashley揚起嘴角，「怪胎一向最特別。」

      「冇可能既……冇可能既……」我懶理Ashley會槍擊我的風險，失控的用雙手敲擊著自己的頭部，嘗試令自己醒來。

      我一定是在發夢……一定是……

      「我係你就慳翻口氣，等遊戲結束喇……」Ashley擱下手槍，「我真係唔想傷害你呢個奴隸，如果你想既，宜家可以殺咗我。」

      什麼？

      Ashley把手槍掉在地板上，坐在沙發，睜大眼凝視著我。

      殺了Ashley……我怎麼做得到。

      我喘著氣。

      Ashley是遊戲執行者……這個我從來沒有想到……曾經我還很理想的設想過，Ashley是一個可憐的少女，只是表現得神神化化而已……

      我寧願自己一直也對Ashley予以絕對的不信任，那麼到了這一刻便不用承受如斯慘痛的衝擊……

      不，若果我謹慎一點，根本不用來到這一刻。

      當你對一個人建立了情感的基礎後，那人驀然告訴你，你什麼也不是，那種創傷根本無可彌補。

      當下，Ashley明顯地是利用我的惻隱之心及軟弱，來跟我開一個玩笑。她根本瞭解到，我並不可能下手，然後便會對我加以調侃。

      若果跟隨理性的步伐，Ashley只不過是一個一直欺騙我情感的遊戲管理者，她也有參與害死我身邊同伴的遊戲執行……

      我應該殺了她。

      「洗唔洗比埋支槍你啊，考慮咁耐。」

      我從沙發彈開，癱倒在地上。

      「傻騰，就係因為你太容易相信別人，同埋做人唔果斷，你身邊既人先會一個一個比你害死。」

      我很想反駁她，然而我知道她說得沒錯，她的每一句話卻非常殘忍的插穿我脆弱的赤裸心靈。

      我，只是一個優柔寡斷的負累。

      「點解你要咁做……」

      「點做？」

      「點解你要比希望我，比幻想我，我仲以為自己識到一個好好既女仔……」

      她目不轉睛的盯著淚如雨下的我，本來冷漠的笑擱起。

      我已經不顧什麼未來神信徒舉行什麼遊戲，這個遊戲可行不可行，遊戲目的為何，遊戲完結後會怎樣的等等了。

      我只是不明白為何到了終結之時，我還要承受這個被友人徹底背叛的衝擊。

      我哭，因為我突然想起了自己豁出去，拼命背負著哮喘發作的女孩跑樓梯，即使右腳腳跟快要碎裂。

      我哭，因為我想起了那個掩護我，為我而流淚的女孩。

      我哭，因為我終於瞭解到，一切也不過是謊言。

      其實我一早應該醒覺到，我這個沒有任何利用價值、經常連累別人的毒男，憑什麼值得別人去珍惜？

      而我卻一直相信這荒誕的一切。

      「點解你要同我講，唔比我繼續當你係同伴，點解你要咁對我……」我竟然大膽的抓起少女的衣領，她抓起了手槍，不過尚沒有出手。

      她好像有一點的難過，不過就那一點點。

      「你殺咗我……你殺咗我……」

      她選擇默然。

      「殺！咗！我！」

      「你唔會殺到自己。」Ashley的冷笑如冰雪中的月，「就算你殺自己，呢個只係遊戲空間，你係遊戲度死，只會重新開啓一次個殺戮遊戲，然後一切都會重頭嚟過。你只會重頭經歷過一次被背叛既慘劇，我意思係，你咁天真咁傻，哈哈。」

      我劇烈的顫抖著，鬆開Ashley的衣領。

      「對唔住阿騰，」Ashley咬著下唇，天使的臉孔卻藏著魔鬼的心臟，「你真係好鬼煩。」

      接著，一下頭部的重擊。