某天我脫毒了，走上了情聖之路: 第十五章 - 流逝

「小….小狼? 」柔柔驚訝咁問我。

「阮芯柔同學!!!! 你! 仲未! 答我既問題!! 」我再惡啲咁同佢講。

佢不單無答我，仲揸實個拳頭，扁晒咀好似想喊咁。

「我玩下，sorry sorry。」我見唔見路就道歉。
夜媽媽係到整喊小師妹真係水洗都唔清。

「嘻! 嚇下你咋! 」佢調皮咁玩番我，又擺出一個小蘿莉既笑容。





今次到我呆左一呆。

「但係你唔准再咁惡同我講野。 」佢皺一皺眉細細聲講。

「知道啦。」我好似摸貓仔咁雛左佢個頭幾下，佢變左咁既樣> <。

佢話佢要等爸爸放工黎接佢走，為左佢無咁悶我陪佢陪到走得為止。
每次見到柔柔都講唔夠兩句就要走，今次終於可以傾耐啲。
我地起初講下大家既背景，之後講下我拍啲野。一傾之下先知佢係獨生女，爸爸原來係建築師，媽媽就做秘書。




因為自己一個無咩做，之後就走左去學琴消磨下時間。
佢仲話佢小學既時候好多人追，不過全部都拒絕晒。
柔柔爆晒錶既可愛程度可以話係人見人愛。
之後我都講左我同樂瑤既事佢聽。

「可能你諗多左呢。」柔柔安慰我。

「算啦唔講佢啦。咁你有無中意既男仔?」

「都算有既。」佢面有啲紅咁講。





「係!? 呢間學校嫁!? 」

「嗯，不過唔講得你知。」

「下……點解呀? 」我好失望好想知咁求佢講。

結果我求左佢好耐都唔肯講。
大約七點既時候，佢爸爸終於黎左接佢。
我同佢一齊行去學校門口。

「你終會有一日會知道我中意邊個。」臨走柔柔向我講。

拜別之後我就一個搭車番屋企。
係車上回想起同柔柔相處既時光，




回想第一次撞到佢，佢既微笑
為球場上既我加油。
你既歌聲，仍然充斥住我既心神。

仆街啦!!! 我完全醒唔起我可以問佢拎電話……。

果晚之後我同柔柔明顯熟左，見到面都會傾多兩句。
而我終於拎左佢電話!!! 我地仲晚晚wts app。

一星期就咁過左，我仍然無同樂瑤出街拍拖。
我同佢之間，只有點到即止既溝通。
就算我wts app佢，佢都隔左好耐先應得一兩隻字。
什至一齊番屋企既時候都無拖手無親暱既行為。
因為連野都少講，所以上次既問題都無機會問。
忽然對呢後感情感到絕望。




由兩個人番學，變番做一個人番學。
猶如單身既生活，仲要無得溝女…..

「小狼! 足球隊出左選結果啦! 」肥森衝過黎同我講。

我地食完晏之後就去左禮堂出面個公告版睇結果。
我、阿謙同肥森都入到。我地開心到係到大叫。

「唉，你地以後星期五都要dum低我一個人啦。」家樂灰機mode咁講。

咁佢真係慘啲既，足球隊逄happy Friday都要練波，無六點都唔洗走，
佢最FD又係我地，得番佢一支公真係只可以打  機。
我將呢個好消息wts app左比柔柔知。之後去左樂瑤班房同佢講。

「樂瑤! 我入到足球隊啦! 」我好興奮咁講。





「你入到都好正常姐。」佢無恭喜既說話，而且仲好冷淡。

我無晒癮咁走左。
坐番係自己個位既時候見到柔柔wts app應左我。

「恭喜你呀XDD!! 我都估到你入到! 我要黎睇你比賽=3=! 」

「多謝:=」我一定會叫你黎。」我wts app番佢。

「wow! 有人係到溝妹妹仔。」卓芝伸個頭黎同我講。

「咪望啦! 」我即刻掩住部電話 再推開佢。

「洗唔洗姐姐幫下你? 」佢哄埋我耳仔邊講。




佢搞到我耳仔好痕，紅都面Q晒，屌! 我仲扯撚埋。
佢個樣仲笑得好開心。

「咪撚搞啦，煩! 」我開始嬲!佢見我開始嬲就收手。

時間一星期一星期咁流逝，而我同樂瑤既感情亦都一樣。
我既校園生活就係咁，每朝番到去抄功課，比隔離既卓芝整蠱。
小息同晏晝就同肥森佢地幾個食野同埋玩。
好彩既話，放學可以同樂瑤一齊走，但運氣值唔高既時候，就連見都見佢唔到。
最開心就係星期五，因為有波踢。
你可以見到樂瑤已經淡出左我既生活。
反而我同柔柔既關係變得越黎越唔似朋友。
係兄妹? 定係曖昧既對象呢

?話咁快已經十一月中，寒冬已經慢慢進入港地。
番學既時候，見到好多人已經換晒冬季校服。
行緊入校門既時候，見到柔柔頭dup dup咁經過。

「做咩見到本大爺都叫早晨!? 」我拍一拍柔柔膊頭。

佢無應我，我兜去佢前面，發現佢成個人震晒。
應該係凍得制。我除左自己件褸披左上去佢到。

「咁你呢? 」佢望一望我。

「放心，我人形暖爐唔怕凍。」我向佢微一微笑。我同佢一齊行番入學校。

「嗱，還比你。」到左學校之後，佢想比番件褸我。

「借比你著住啦，你都唔夠暖。」講完之後就各番左自己班房。

老實講，真係好凍。
我學校係山上面，通常比天文台顯示既溫度再低兩度。
太呈強既關係，結果病q埋。
不過我病好過柔柔病…………