曾經同一個女仔大戰咗幾年: 15

第二天徐嘉恩照常返學，只是精神好像有點萎靡。 


「妳琴日無事嘛？」 


「嗯......好啲啦。」她雖然有回應我，可是顯得有點心不在焉。 


「係咪有咩事發生？」 




「可能啲藥力未過啫。」 


她如此說，我也只好停在這裡。 


不過一整日下來，徐嘉恩顯得很疲倦，平常上堂打睏在她身上是絕對不可能見到的，可是今天卻常常看見她不小心睡著了。 




連老師也隻眼開隻眼閉，由她休息一下。 


到小息時，她終於睡醒，眼神卻是迷迷糊糊。 


「妳真係真係無唔開心？」我認真問。 




「嗯.......？」她好像還在睡夢中，未理解到我在說什麼。 


「妳真係真係無唔開心？」 


「......點解你咁煩嘅？」


「有名妳叫，煩桶嘛，我係咁煩。」 


「范媽媽真係好有智慧。」 




「妳唔好咁羨慕我媽咪先，係咪好想佢做妳媽咪？」 


「係你媽咪好啫。唔關你事。」 


「妳仲未答我問題。」 


她沉默一會後說：「......屋企有啲問題。」 


「爸爸媽媽嗌交？」 




「你又知嘅？」她奇怪道。 


「我估架咋。」 


「突然間又咁聰明。」 


「咁係咪有獎賞？」 


「發夢啦你。」 




我將一枝波板糖放在她的枱面。（是真的一大塊彩色波板那些，近來想找回，卻發現已經很少地方有出售。） 


「妳成個苦瓜乾咁嘅樣，食下糖會開心啲嘛。」 


「你當我小朋友呀？」


每次徐嘉恩嘴巴這樣說，但最終卻會歡喜地接受我的禮物。 


「收咗唔畀再唔開心。」我說。 




「起碼一千枝先啦。」 


「小姐，妳想我破產呀？」 


「係呀！」她說到這一句就笑得很快樂。 


「喂范統。」她忽然又叫我。 


「做咩？」 


「暑假你有咩做？」 


臨近學期尾，我們已經差不多要結束中一的生活，所有事都是轉眼間。 


「我諗都係打機訓覺睇戲食飯。」我如實地道。 


基本上我每年的暑假都是這樣過的。 


「咁唔健康？」 


「男仔係咁架啦。」 


「我地暑假黎多次決鬥。」 


「好呀，鬥乜野？」 


「鬥暑假做得多運動，每做一日就記錄低。」
說起來，那時，我們之間的決鬥累積已經有......超過80次左右。 


事實上比數是這樣： 


徐嘉恩：57勝 
范統：25勝 


「咁長，不如暑假個決鬥當50次，咁就一野可以黎一次結算先，畀贏咗嗰個實現一個願望。」我提議。 


「咁你咪好著數？」 


「唔會啦，我都唔做運動，係你著數啵。」我極力游說下，她終於答應了。 


沒多久，我們果真開始暑假生活。 


中一，就這樣完結了。 


開始暑假生活的第一個星期，我便如自己所說，過著紙醉金迷的生活，每天的時間表如下： 

星期一： 
打機，打機，打機，食飯，打機，睡覺。 



星期二： 
打機，打機，打機，食飯，打機，睡覺。 



星期三： 
打機，打機，打機，食飯，打機，睡覺。 



星期四： 
打機，打機，打機，食飯，打機，睡覺。 



星期五： 
打機，打機，打機，食飯，打機，睡覺。
直至第五天，我才驚醒，我是有挑戰的。然後立刻關上電腦，換一件運動服裝，乘夜落街跑步。 


我有想過會跑步時遇上徐嘉恩，可是整個暑假一次也沒有。 


中一那一年的暑假，其實一樣是頹廢，但為了勝出決鬥，心中只想贏，又讓那一年的暑假未至於無所事事。 


整個假期我幾乎每天都落街跑步，不然就是找凍忌廉一起游水。事實上，他比我更懶於做運動。 


「出汗，好辛苦架嘛。」他說。 


幸好，游水他也頗有興趣，因為在游泳池，他能觀看...... 


「你唔覺得潛落水望池底好有趣架咩？」他問。 


「唔覺。」 


我說了，他是一個怪人。 


不過那一年的暑假，徐嘉恩絕少上MSN，我也不知道原因是什麼。 


結果不經不覺，暑假就像沙漏的沙，一點一點就漏到中二的學期開始。