[有沙入眼]是咁的，我嘅職業係幫想自殺嘅人寫遺書: 276.細佬

我脫離人群，去到屋企樓下，四圍無人

我好似喺旺角街頭突然轉移左去馬灣沙灘咁

好舒服呀

我琴晚已經決定左，今日要好好照顧金弦，然後先自殺

好快⋯⋯就唔洗再逆流而上喇





忍埋今日啦

電話響起

「喂？」

「喂。」金弦打電話比我

金弦變成痙攣後，第一次打電話比我





「金仔⋯⋯退⋯⋯後⋯退後⋯⋯三步⋯⋯」

「吓？」

「金⋯仔退⋯三步⋯⋯」我雖然唔係好明做乜，但係都退左三步

「永別喇⋯⋯細佬。」家姐只有講好重要嘅事嗰陣，先會叫我做細佬

不祥預感爬上我背脊，我倒抽左一口氣，向上望，而我抬頭嘅同時，一舊異物喺我面前跌左落黎





啪咔喇

嗰一刻，我聽倒骨頭碎裂嘅聲音

家姐嘅手，好似比書頁壓扁嘅百合花瓣咁

鮮血向我腳邊流過黎

我唔係喊先，而係嘔先