[有沙入眼]是咁的，我嘅職業係幫想自殺嘅人寫遺書: 302.第一次

阿文知道自己情緒一定會完全失控，而且話題敏感尷尬，佢雖然好驚再上人屋企，但係都選擇黎我屋企同我講

佢伏喺我張飯枱不停喊，不停喊

「我連同男朋友都未做過⋯⋯」

雖然有啲難相信，但係阿文係覺得要結左婚先可以上床嘅女仔

平時阿志有需要，都係用口、手、胸或者腳解決



第一次，想獻比自己老公

但係，已經無左

「比阿志知道左會點諗我喎！」

掉轉角度諗，佢地拍左十年拖，阿志尊重阿文，一直都控制自己唔可以啪啪啪

點知轉個頭比另一條友食左自己女朋友隻豬



係，會覺得阿文可憐，但係會覺得自己更可憐，而嗰種痛好容易扭曲成怒火同憎恨

所以阿文唔敢同男朋友講

「報警。」

「唔報得呀！」阿文拎佢手機比我