[有沙入眼]是咁的，我嘅職業係幫想自殺嘅人寫遺書: 377.父子
「唉，老豆知你成日出去溝女，不過老豆真係⋯⋯呀⋯⋯比唔起錢你再咁洗法喇⋯⋯諗翻⋯⋯」
「好似同個仔講緊野咁簡單炸，加油！」
「諗翻⋯⋯自從我升職以黎，好似都無乜點理你，或者你出去溝女都係我嘅錯啦。」
阿叔開始講得順暢，緊繃嘅搏頭都慢慢放鬆落黎：「升職之前⋯⋯我都仲有同你坐低傾下計。係我而家老左淨係識做野，定你大個仔已經唔想同老豆講下心事呢？」
佢望向鏡頭，少少膽怯，好似怕會被拒絕咁，講埋最後一句：「搵日，我地兩父子坐低，好好傾下計。等老豆了解下你個心，到底諗緊乜，好嗎？」
段片就咁完左
聽講阿dick睇完，咩都無講，淨係呆呆咁坐喺度，連阿文同阿志走嘅時候都無反應