浮生若夢 · 改寫夢境的事: 3

我闖入人地嘅夢境，只可以係佢地訓著嘅時候，但只要佢地一醒，我就只可以面對一片黑暗嘅世界。

阿晴佢真係聽到我講嘅野，然後嚇醒左？定係只係一場巧合？我攤係床到，個心好亂，雖然係夢，但首次嘅表白都令我無比地緊張。

「叮」，係whatsapp嘅聲音，久違嘅聯絡人名字出現左係我部手機上，本以為唔會再見到嘅名，居然係咁嘅情況之下再見。

「Hello?夜麻麻嘈到你對唔住啊」從文字嘅內容可以看出一絲嘅歉意

「不如後日我地成班中學朋友出黎聚下啊？」





考慮到深夜淩晨嘅問題，我亦吾好意思即刻答復佢，所以就選擇不讀不回住，但其實內心一早已經有答案。

兩日後。

「啊永？好耐無見啦！」阿晴係地鐵站閘口到揮手大叫，我亦揮揮手附和。

到場嘅人數唔多，只有七個，計埋阿晴，其中有四個係中學時期同我都算玩得埋。

「大家好耐無見啦，最近過得幾好嗎？」商業式嘅笑容，商業式嘅問候，至少能令我增加翻少少存在感。





「幾好啦，至少生活到」肥肥地嘅大鏢頹然出聲，佢曾經係班房裏面嘅開心果，但歷經歲月嘅蹉跎，臉上難免多左些愁緒。

「我同阿晴入左同一間大學啊，雖然唔同科」一個女仔突然開口，但我竟然唔記得佢叫咩名。

「一心，得啦知你勁啦入到大學」隔離嘅阿豪托左托眼鏡不屑咁講左句。原來佢叫一心。

睇離同學情暫時仲未退淡，大家係大家嘅心中依舊存在左一定重量嘅地位，無比呢個殘廢嘅社會摧毀，我亦都因此對佢地感到欣慰。

「阿永啊，」阿晴慢慢地靠左過去我身旁，「你宜家生活如何啊？」瞄了一瞄我嘅神情問。





「無啊，去左我表哥間公司到幫佢打下文件咁lor。」雖然我表哥的確有間公司，但其實我根本無做，但面子唔容許我係心愛嘅人面前獻醜，唯有用謊言補上我嘅不足。

「講開又講，尋晚我夢見你wor」佢似乎想要輕描淡寫地帶過，但卻隱藏唔住聲線一絲嘅顫抖，聽得出，其實佢好在意呢個話題。

我？係夢入面嘅角色？定係真正嘅我？帶住半點疑惑嘅我嬉笑住咁回答「咁我尋晚係你個夢做左啲咩？」

佢低頭露齒一笑，然後就無然後了。