[賠罪系列]錯過，錯愛: CH.Unknown(II) 原來我是這麼的渺小
CH.Unknown(II) 原來我是這麼的渺小
「嘩，宜君，無見一排，妳做咩殘左咁多呀?無事呀嘛。」眼前的女孩向我問道，並且露出擔憂的樣子。
我露出燦爛的微笑說:「無事呀，妳都知我出晒名堅強嫁啦。唔好講啦，我問妳既個個人真係好多黑歷史?」
可是...我真的能夠在這件事中堅強嗎...?
她跟侍應點了一杯凍奶茶後，便凝重地說道:「我驚講一日都講唔晒。如果妳個朋友真係鐘意左陳梓欣既話...我只可以話—」
「妳個朋友鐘意左一個唔應該鐘意既人，結局百份百、一定、絕對會痛不欲生。」
「呀兒，妳咁講即係咩意思...?」我露出驚訝的樣子，並已經深知這件事不是三言兩語就能解釋得到。
呀兒隨即遞她的電話給我看，並無奈地說道:「自己睇啦，我都唔想講咁多。」
她的螢幕顯示了一個文件夾，而文件夾裡有幾張相片，是一對男女所拍的照片—
應該是說，是一個女孩跟不同男孩所拍的數張相片。
甚至，相中的女孩還跟男孩做不同親暱的動作。接吻、擁抱，你能夠想像的，相信她也曾經跟其他男孩做過。
最驚人的是，有一張相片，那位女孩只穿着胸圍，還笑容滿面地跟男孩拍照。
相信大家都已經能夠猜想到相中的女孩到底是誰，就是陳梓欣。
「之前我咪同妳講過我小學個陣有一個好乞人憎既姣雞既—」
「咪就係陳梓欣囉。」
「喂!!!唔好發呆住，宜君妳睇下個邊。」
當我目瞪口呆看着螢幕中的相片，並且為呀衡感到痛心的時候，呀兒指向離我們只是隔了兩張桌子的座位。那個位置坐着一對男女，甚至正在做一些十分親密的動作。
「喂呀，進進你好衰嫁，成日撩人大脾，做咩呀...想，要，呀??」那位女孩露出妖媚的眼神，並挑釁着坐在旁邊的男孩，簡直是「引人犯罪」。
那位滿面暗瘡，皮膚油到能夠提煉出一樽花生油(當然沒有這麼誇張)的男孩紅着臉，並細聲說道:「欣欣呀...唔好咁大聲啦，比人聽到啦...」
「嘩...妳個朋友都幾悲哀喎，鐘意左個公廁不特止，竟然仲輸左比一個毒撚...不過，其實陳梓欣埋個毒撚身，動機好明顯啦，都係為左—」
啪—
咖啡店內發出了一下響亮的拍桌子聲。
「喂!!!宜君妳做咩呀，冷靜啲，唔好咁衝動呀喂!!」呀兒嘗試拉着我，但我的情緒已經去到一個不可控制的地步。
我再也忍不下去，陳梓欣對呀衡的背叛，並走向她們的桌子，直接跟陳梓欣對質。
「八婆，妳唔係同緊呀衡一齊嫁咩，呢家妳算係咩意思?」我不滿地說道。
但是，陳梓欣卻用所謂的「雞仔聲」，造作地說道:「下...我唔明妳咩意思喎...妳到底講緊啲咩呀?同埋，妳係邊個...點解會知道我同衡衡既事既...?」
虛偽、嘔心...什麼衡衡，你當人家是幼稚園學生嗎。
「我叫做黎宜君，相信呀衡都係妳面前提過我個名嫁啦。同埋，唔該唔好係我面前扮晒野啦，妳呢家幫人笠綠帽喎。」
「哦~~原來妳就係大名鼎鼎既黎宜君，方天衡條傻仔成日係我面前提起妳既。做咩呀?我搶左妳深愛既人，之後發洩落我到??」她突然撕下她原本的天使面孔，並露出猶如魔鬼般猙獰的樣子。
「妳話邊個係傻仔呀!!!」我激動地大吼，而在咖啡店裡的客人和職員全部都注視着我。
陳梓欣看情況不妙，於是馬上擺出一副快哭的樣子，並跟旁邊的毒男申訴着:「進進呀，我比人恰呀...唉，我唔想係到飲野啦...帶我去食韓燒好無姐，最多今晚比你...」
其後，她便跟那位默不作聲的毒男站了起來，走前還留下了一句令到我火大的說話—
「傻婆，我玩鬼方天衡嫁炸，鬼叫佢份人咁On9咩，呢種男仔我年中都溝唔少啦。我真係覺得妳好可憐...鐘意左人地咁耐都追唔到人，應該係話—」
「妳連追佢既勇氣都無。妳可以將我呢一番說話搬字過紙咁同方天衡講番嫁，不過佢信妳先算啦柒頭。」
此時，我已經氣到不能夠控制自己的淚水，一滴滴落在木桌子上。
我並不是因為陳梓欣所說的話，實在太賤格，太傷害到我，然而才氣到哭了出來。
而是因為，她所說的話，都是千真萬確。我的確，連自己深愛的人，都不敢追求。
我的而且確，相比起陳梓欣，完完全全是一個失敗者。我還因為呀衡跟陳梓欣一起，而感到妒忌及慎怒，而對呀衡不瞅不睬。
到底...我接下來應該如何是好...?
我轉身凝視着呀衡，嚴肅地說道:「我見到你女朋友，同其他男仔一齊出街，仲要攬頭攬頸。」
拜託…呀衡你要相信我，千萬不要給陳梓欣猜中。
但是，他只是笑着對我說:「咪玩啦傻女，唔好拎呢啲野黎講笑，我會嬲嫁~我嬲個陣連自己都覺得恐怖。」
為何?為什麼陳梓欣這麼值得你相信...?難道—
陳梓欣的存在，對你來說已經是不可或缺...?並且，她在你心目中的地位，已經比我更加優勝...?
當我回想起那天咖啡店的情景，陳梓欣對我所說的話時，我的情緒就會不自覺地變得激動，並向呀衡說道:「即係你覺得我係講緊笑?人地玩緊你嫁炸傻仔。」
我還以為呀衡會心平氣和地跟我傾訴，並詢問我到底發生什麼事。
但是，呀衡不滿地對我大喊:「妳講咩呀黎宜君!!!」
果然，我在你心目中的地位還是比陳梓欣低幾萬倍，對你來說，我的存在可能只是可有可無。
「條女呢家幫你笠左頂綠帽呀，佢同時同緊第二條仔一齊呀，點解你唔信我呀?」我的眼淚不自覺地從眼眶落下。
為何不相信我…?為何不相信我…?為何不相信我!!!!!
「小姐妳真係好笑嫁喎。我識左妳幾耐呀?我同呀欣由小學識到呢家喎，妳覺得我信妳而唔信呀欣?我唔知妳講埋呢堆野係咩目的啦—」
「妳係咪想拆散我地兩個，然後乘虛而入呀?」
呀衡，你在說什麼...
原來我在你心目中，是這樣的一個存在，是這樣的一個人。
好的，我明白了。
我拍着手說道:「我第一次見人係可以咁On9，明明鐘意左個姣婆，人地好心提下你，仲要話我想乘虛而入。」
「黎宜君，妳無病呀嘛?妳咁樣講我女朋友做咩?話佢姣婆，妳無資格呀八婆!!」眼前的呀衡激動地吼道。
對的，我沒資格。
原來我們曾經一起經歷過的一切一切，對你來說都是理所當然，只有我才覺得這些事是難能可貴。
你和郭詠彤分手的時候，到底是誰義不容辭，安慰着迷失的你...?
我還記得你和我在迪士尼一起渡過的快樂時光，你知道前一天我在家中興奮了多久嗎...?
你知道嗎，其實我多麼想你彈結他給我聽...?
你知道嗎，其實—
我一直以來等待的，就是你...?
你什麼都不知道，不知道...
我的眼淚已經流滿面，並且啞然失笑地說道:「原來我係心目中係一個咁既女仔。」
我繼續說道:「原來我係你心目中係咁攻心計，同係你眼中既八婆係無分別。」
可是，呀衡還怒氣沖沖地怪責我，完全沒有半點的歉意:「呢家係妳無緣無故話我女朋友係姣雞喎，即係我仲要笑着同妳傾?妳最近係咪食錯藥，癲Q左呀?」
眼前的呀衡，已經不再是我所熟悉的呀衡。
好恐怖…為何我感到這麼陌生…「他」到底是誰...?
「係呀!!!夠啦，你鬧夠未呀!!!」我大喊着。
「係呀!!我有病呀，又點呀?你有關心...關心過我咩?—」我撕心裂肺地哭着，眼淚已經不受控制一滴一滴落下。
是的，我真的有病，還要病得很重...為何我會愛上你...為何我會為你做這麼多的東西—
但是你卻只懂怪責我...其實我從來都沒有奢求過任何的回報，我只是想跟你開開心心地生活下去，永永遠遠。可惜...
「我憎死...永遠永遠都憎死你呀方天衡!!!」我嚎哭着推開他，並迅速地跑走。
為何...為何...我可以這麼蠢，蠢到這麼愛你...?
當我跑到去街角的時候，我突然被一種怪力拉進去，並且推倒在地。
「欣欣，就係呢個女仔?」一個金色頭髮，在手臂紋了一條龍的男孩跟旁邊的女孩說道。
陳梓欣...?
陳梓欣隔着褲撫摸着那名MK仔的生殖器官，並拋媚送眼地說道:「如果你能夠打到佢入院，甚至打到呢條八婆失憶既話。我今晚同你大戰三百回合又點話，中，出，都，得，呀~」
隨即，她便向我吞了一啖口水，並嘲笑着說道:「都話左嫁啦，個傻仔唔會信妳條八婆。妳呢家咁既下場，都係妳自己所造成。方天衡真係可憐...比人玩緊都唔知。」
其後，疼痛感慢慢在我身體各處出現，並且我還感覺到—
正在流着溫暖的鮮血。而我的意識也開始薄弱，眼前的景色都開始模糊。
再見了...呀衡...
可能我不能夠永遠在你旁邊，陪伴着你經歷大大小小的難關。
我現在只想跟你說這一句話—
「無論點都好，你，永遠都係我一生中最愛。」
(待續)
遇上你，是我最大的福氣。即使我在你心目中只是如地底泥般的存在，你在我眼中，永遠都是不可或缺的一顆星星。
但是你卻只懂怪責我...其實我從來都沒有奢求過任何的回報，我只是想跟你開開心心地生活下去，永永遠遠。可惜...
「我憎死...永遠永遠都憎死你呀方天衡!!!」我嚎哭着推開他，並迅速地跑走。
為何...為何...我可以這麼蠢，蠢到這麼愛你...?
當我跑到去街角的時候，我突然被一種怪力拉進去，並且推倒在地。
「欣欣，就係呢個女仔?」一個金色頭髮，在手臂紋了一條龍的男孩跟旁邊的女孩說道。
陳梓欣...?
陳梓欣隔着褲撫摸着那名MK仔的生殖器官，並拋媚送眼地說道:「如果你能夠打到佢入院，甚至打到呢條八婆失憶既話。我今晚同你大戰三百回合又點話，中，出，都，得，呀~」
隨即，她便向我吞了一啖口水，並嘲笑着說道:「都話左嫁啦，個傻仔唔會信妳條八婆。妳呢家咁既下場，都係妳自己所造成。方天衡真係可憐...比人玩緊都唔知。」
其後，疼痛感慢慢在我身體各處出現，並且我還感覺到—
正在流着溫暖的鮮血。而我的意識也開始薄弱，眼前的景色都開始模糊。
再見了...呀衡...
可能我不能夠永遠在你旁邊，陪伴着你經歷大大小小的難關。
我現在只想跟你說這一句話—
「無論點都好，你，永遠都係我一生中最愛。」
(待續)
遇上你，是我最大的福氣。即使我在你心目中只是如地底泥般的存在，你在我眼中，永遠都是不可或缺的一顆星星。
高登Link:http://forum6.hkgolden.com/view.aspx?type=SY&message=6313640&highlight_id=0&page=1&authorOnly=False
大家可以順便入黎留番個名同正評，對我黎講係好大既動力黎。
下一篇會係聽日出。