早兩日OT遲收工,女上司叫我上去佢屋企..: 14

我轉頭一睇, 即刻轉番頭, 背脊即刻標撚哂冷汗,
今獲真係大撚樂, 我見到既係Jenny, 係Angela既秘書,
Angela上星期先同佢講完, 我會一齊去台灣,
而家竟然見到佢, d女人咁八婆, 一定會番公司周圍同人講,
之後一定會懷疑, 之後就會發現我殺左人....點撚算好...
 
點算好....點算好.... 點算好....點算好.... 點算好....點算好....
 
咪住...冷靜D..
阿冷....冷靜D.....




冷靜......深呼吸....冷靜.....
 
我因為驚俾人見到, 所以而家著既衫都同我風格完全唔同,
仲戴緊頂帽 , 遮住左個樣, 同埋街燈咁暗,
佢應該冇咁易發覺到係我既...冇錯...
我只要冷靜D, 一切照常, 可以瞞天過海....
嗯, 我而家要做既事...應該保持正常步伐既速度...慢慢離開呢個公園....
 
"咦!!!?? 你咪阿冷!!!??點解你會係到既!!!??"
 




有時候女人既觀察力真係好神奇,
我甚至懷疑佢地唔係用眼睇野...
 
今獲真係冇得避, 我成身僵硬哂, 再慢慢轉身,
見到Jenny已經企左我前面, 一臉疑惑...
 
我望住佢, 又望下d露宿者仲扒緊盒飯,
唔得...唔可以沉默咁耐, 沉默咁耐一定俾佢知道....
 
但我一向都冇乜急才, 屌, 到底有咩藉口可以用........




有d咩原因....會令到Angela唔洗我跟佢去台灣 , 又合情合理呢?...
 
突然間, 我諗到了.
 
我: Angela話我太廢, 跟佢去台灣阻住哂, 所以叫我留番係到.
 
講完之後, 空氣好似靜止哂, 就連幾個露宿者都停止咀嚼, 望住我...
 
Jenny一直凝視著我, 眼神好複雜, 我睇唔透佢,
我心裡愈來愈不好, 死喇, 呢個原因係咪太假?
連果班露宿者都好似唔信咁....
係咪完喇....一切都要俾人發現喇.....
 
突然間, Jenny露出一副體諒既表情 : 咁你今日冇番公司, 係咪唔開心得滯呀?...
我眨左幾下眼, 果班露宿者都好似好同情我咁, 一輪嘴咁講:




"我後生果陣都好似你咁, 唔緊要, 努力啲, 人生漫漫長路嘛 , 總會成功既!!!"
 
嘩, 係你地口中講呢d野真係好撚有說服力呀....
咪住先, 咁講法姐係好似我真係好廢咁, 雖然係事實,但唔洗咁撚坦白掛...
 
算啦唉, 過到骨就算...
 
我唯有打蛇隨棍上 , 好尷尬咁笑: 係呀, 我仲請左一星期假, 想休息下
Jenny再安慰我: 你平時做野都幾認真, 總會有人賞識你既
我: 係咩? 哈哈...時間唔早, 我走先啦...
Jenny: 咪住!!
 
我呆左呆, Jenny一副嬲爆爆既樣, 指住班露宿者: 你地食得好好味咁喎! 以後唔洗食我果d啦?
露宿者含住啖飯, 猛咁搖頭 : 食!!!食!!!我食成世都食!!!!
Jenny忍唔住甜笑左出黎.




 
我而家先發現, Jenny都拎住幾個飯盒, 仲係可以循環再用既,
睇黎佢係呢到既常客....
 
忽然間, 佢捉住我 : 最衰都係你, 佢地而家飽哂, 而家同我食左盒飯佢, 唔準浪費呀!
 
我正想話唔肚餓, 點知個肚咕嚕咕嚕咁響...
 
Jenny又笑左一笑, 突然間覺得好似第一次認識佢咁....
 
我同Jenny坐左係公園d長櫈到, 食住佢盒飯,
佢果盒係好普通既飯盒, 但好溫暖, 菜, 肉, 飯都分開得好整齊,
好細心, 好有家庭既感覺....