早兩日OT遲收工,女上司叫我上去佢屋企..: 16

Jenny眨眨眼, 沉思左一陣: 嗯, 我聽日應該冇乜野做, 收工可以過黎既...嗯, 咁到時見啦!byebye!
 
Jenny講完, 收埋d野就走, 留番我一個人係到...
 
...
...
...
 
阿冷...
阿冷...




阿冷你條on9仔到底做緊乜!!!!!?.....明明就快可以甩難, 點解仲要約佢!!!?
但當我諗到Jenny個笑容, 唔知點解好溫暖, 好想再見到佢....
 
我頭腦一遍混亂, 帶住複雜既心情, 慢慢番到去唐樓
 
接下來幾日, 我主要都係重覆幾樣野.
起身-> 拆解Martin -> 煮飯 ->派飯 -> 訓覺.
 
內臟已經搞掂哂,
全身上下既肉同脂肪, 割得出黎既, 都已經醃製同雪藏中, 每日定時定量煮或炆,




佢既骨頭, 可能因為我之前係佢身上跳過既關係, 有d碎, 有d仲係完整,
而我就用槌仔, 盡量敲碎d骨頭 , 敲到手指大小就夠,
然後用處理人肉既同一招, 撈埋d排骨之類既野,
不過唔係俾人食, 係拎去十八區唔同既垃圾桶dom , 每日都小量, 小量咁dom....
 
至於Martin既眼珠鼻耳仔等等人類既特徵, 我好懶咁將佢地放落榨汁機,
開左一晚之後, 已經變一團唔知乜黎...照舊, 沖水, 拎出街倒.
雖然麻煩, 但肯定冇人知....
頭髮就仲簡單, 輕輕鬆鬆dom落垃圾桶就得, 唔俾人係屋企剪頭髮咩?.
時間充裕, 真係好.




 
朝早晏晝做完呢d野之後, 就開始煮飯,
d肉雪藏之後, 顏色有小小變, 我擔心食得出,
於是呢幾日我仲煮埋醬汁 , 茄汁咖哩汁咁, 撈落飯到,
公園班友仔不知食得幾開心.
 
呢幾日Jenny都有黎, 佢知道我煮咁多飯, 冇再帶飯過黎,
呀, 唔係, 佢會帶, 不過只會帶一盒, 果盒係俾我食...
 
我同佢愈來愈熟, 知道佢講野真係唔經大腦,
笑點又低, 就連我話tvb個仔係b仔涼粉佢都笑一餐....
 
佢係我身邊, 好溫暖.
好似陽光咁, 為我洗刷罪孽...
係佢面前, 我覺得自己變番做自己....




可以暫時忘記, 殺人呢一件事
 
今日係星期五, 係Angela番黎既一日.
呢幾日, 我都冇聯絡過Angela, 佢都冇聯絡過我,
因為, 如果大家都係台灣見客, 又點會用電話聯絡呢?...
一切, 都需要小心.
 
今日係星期五, 剩番既肉, 可以裝埋最後八個飯盒, 呢次如無意外, 係我最後一次派飯.
骨頭方面, 我諗用多一星期, 就可以處理哂.
唐樓每一處, 包括浴缸內既血跡, 我都照網上既方法, 用雙氧水/洗衣粉/盬水去抹,
抹到我抽筋咁滯, 不過見到浴缸變番靚靚, 心情都好起來,
今晚終於可以見番Angela.....嘿嘿!!