「續寫」無啦啦多左幾個家姐同阿妺: 齊集
「起身啦阿明。」
邊個啊…俾我訓多陣啦…
「快d起身啦。」
五分鐘啦俾我訓多五分鐘…
「起身啦~~」
唉屌！唔好左右還迴立體聲咁叫啦！我起身啦咁得未！
我頂唔順音波轟炸，最後都係乖乖起身。
屌，唔夠訓好想發脾氣。
一張開眼，我望到Ellie坐左係我床既左邊。
我：「早晨啊Ellie。
」 佢無應我，只係一味係度笑。
唔通我岩岩起身塊臉好腫？？
我嚇到係咁摸自己塊臉。
「我先係Ellie呀阿明…」
咦？後面有聲既？？
我望去後面，見到Ellie一臉無奈咁坐左係我床既右邊。
我：「你先係Ellie？？咁佢咪係Ellen？
」 Ellen：「係吖，早晨吖阿明。」
我：「喂咁你做乜會係我房架！！」
Ellen：「嘻嘻，Ellie入得點解我唔入得黎，我得唔到既野一樣就夠喇。
」 大佬你咁講我真係好驚喎！！你唔會對我做左d乜架？？
我嚇到係咁摸自己個身，睇下d衫褲有無少到。
大佬我唔想自己寶貴既第一次係自己唔知既情況下無左啊！！
Ellen：「放心啦，我咩都無做喎~~」
聽到「咩都無做」四個字我即刻望實佢。
我：「係咪真架？
」 Ellen：「趁你唔清醒搞你都無意思既~~唔信你咪問下Ellie。」
我將視缐由Ellen轉過去Ellie度，屌兩邊都係一樣樣真係會以為自己飲醉左。
我：「係咪真架Ellie？
」 Ellie：「係啊..我同家姐係今朝先入黎，一入黎就叫醒你，咩都無做過架我地..」
好，我信Ellie。
正當我岩岩定到驚個陣，我聽到有人開門。
Sarah同Yui走左入黎。
Sarah：「早晨吖阿明!咦…
」 Yui：「點解有兩個Ellie小姐既…
」 Ellen：「早晨吖各位!我係Ellen吖！同埋…」
「我係阿明女朋友。」
咦？？
當我load到「女朋友」呢三個字果陣，我個嘴已經俾d野封住左。
仆街Ellen你玩到咁大？？
Ellen佢係Sarah，Yui，Ellie三個人面前錫左落黎我個嘴度。
我覺得自己會有危險，生命上既危險。
當我意識到呢一點果陣，我已經即刻推開佢，但好似始終慢左一步。
Sarah同Yui O哂嘴咁企係度，Ellie更加係雙手掩住自己個嘴。
我：「喂你做乜呀！
」 Ellen：「唔？男女朋友Kiss好平常啫。
」 我：「我幾時做左你男朋友！
」 Ellen：「就係頭先囉~
」 呢個人真係…
我：「嗱，我好老實同你講..」
Sarah：「乜Ellen你都鐘意阿明架！真係估唔到喎！
」 Ellen：「嗯！佢係唯一一個夠膽鬧我同埋夠膽同我作對既人，不經不覺就..
」 喂你唔好係呢個時候先扮怕羞喎，係度扭扭擰擰。
鬧你就鐘意左我？你M屬性黎架？
Ellen：「唔止我架，Ellie尋晚同我講左話佢都好似鐘意左阿明。」
Ellie：「家姐！！
」 吓連Ellie都係？
Sarah：「Ellie我一早就知啦~
由果晚肯俾個初吻阿明我就知啦！」 Sarah你做乜好似一d都唔care咁，仲好似好接受到咁既…
而家講緊你男朋友可能會俾人分，甚至被人搶走喎..
Yui：「阿明..
」 Yui唔知幾時走左埋黎捉住我隻手。
呢d先係正常反應黎架嘛。
Ellen：「哈哈咁以後阿明就係我架啦。
」 Sarah：「阿明係我地大家一齊擁有架，無人可以一個人霸住。
」 唔好意思呀，可唔可以唔好將我形容到好似d一齊養既狗仔咁呀？我個心好唔舒服。
Ellen：「好吖無問題吖，一個人霸哂反而無乜意思，反正Ellie佢要我學返分享。
」 小姐你係咪撞親個頭？
對呢種女仔我果然係完全唔識應付啊..
我：「Ellie，你家姐以前係咁架？」
Ellie：「係吖，就好似而家咁。」
我注意到Ellie對眼有少少紅，可能係因為覺得以前既家姐終於返左黎啦。
咁就好了。
我同時拍拍Yui同Ellie隻手，然後落左床。
我：「好啦唔好講咁多啦，我肚餓啦落去食早餐啦。
」 而家諗起Uncle講既果句野，真係一d都無錯。
要同時處理幾段關係，真係好有難度。
至少我已經感覺到Yui開始有d驚，要做返少少野先得。
飯檯又多左個人，又更加嘈。
其實我仲未接受到Ellen做左我「女朋友」，話哂尋日為止我地都仲係競爭對手。
再加上我同佢本身都唔算傾得埋，直頭可以話唔算熟。
不過，唉，算啦我真係唔識應付呢種女仔。
Ellie就唔同啦，好好多。
所以當Ellen話Ellie都鐘意我果陣，我係幾開心。
食完早餐，我地準備返學，Yui照舊送我地出門口。
所有野都好似同平時一樣，但今日我做多左一樣野。
臨出門口個陣，我走左過去摸下Yui個頭。
我：「好啦我出去喇，今晚見啦我地。」
Yui：「嗯！今晚見！」
佢露出一個好燦爛既笑容歡送我。
始終Yui同我相處既時間比Sarah佢地少，佢有少少擔心之類都係幾正常既事。
所以對佢做多少少野，都係應該既。
我地一行四個人返到學校，又係引黎其他人既注目，我都慣左。
不過今次唔止注目咁簡單，好多人走左埋黎恭喜我。
我好似分到邊d係真心恭喜邊d係想巴結我。
因為有部分人以前係不斷踩我，話我垃圾窮撚之類，將我踩到一文不值。
而家佢地就笑到成隻狗咁，真係見到都想嘔。
Ellen：「係咁架啦，佢地仲未搣甩到阿偉個陣既事。」
我：「係，我都明白，只係始終都唔鐘意咁。」
Ellie：「俾d時間佢地啦阿明，佢地應該可以改既。」
Anna：「阿明。」
噢係Anna。
我：「早晨吖Anna姐。」
Anna：「早晨，有野想同你地講，關於一陣交接既事。」
Ellen：「咁我洗唔洗行開先啊哈哈。」
Anna：「唔洗，Ellen其實我仲想邀請你加入我地Knight添。」
吓？Anna你諗乜架？？
我：「喂Anna姐..」
Anna：「我諗過架啦，只係靠我地Knight八個人係唔夠架。」
「就算阿明有李氏主席支持，都係會有人唔服佢。」
「若然你都加入我地，我相信之前投你既人都會肯支持阿明。」
Ellen：「所以你係希望其他人支持阿明，而唔係支持你地Knight囉？
」 Ellen一句說話令全場人都凍結左，無人敢出聲。
Ellen：「哈哈我講下笑啫，無問題吖如果係為左阿明的話。
」 無人笑，仲係deadair，我仲見到Anna塊臉黑黑地。
Anna：「咁一陣等我講啦，阿明你咩都唔洗做。」
我：「知道Anna姐。」
Ellen：「點得呢，阿明先係主席黎架嘛，應該由阿明自己宣布。」
救命啊你出少句聲啦好無。
Anna：「阿明你想自己宣布？
」 我：「eh…其實我無乜所謂。
」 Anna：「唔好話無所謂，呢D野唔可以無所謂。
」 Anna一定係嬲了，開始有種壓迫感，因為我係新人類，所以我感覺到。
我：「咁都係你講啦，話哂你係內務副主席。」
Anna：「阿明都咁講，Ellen你無異議啦？我去準備啦咁。」
Anna講完就轉身走左去。
佢果然係嬲緊呀…最衰都係Ellen啦。
之後早會就好似之前講既咁，係交接儀式，上屆學生會既人逐個逐個咁將學生會既徽章交俾我地。
由於我地Knight比較少人，所以D徽章仲有幾個剩。
MC：「咁而家有請現屆Knight既主席同我地講幾句。」
吓又要我講？
Anna：「你求其多謝兩句之後就話有野要內務副主席宣布就得啦。」
我：「知道Anna姐。」
求其…
我：「好多謝各位同學對我地Knight既支持令我地可以成功當選，係往後既日子Knight一定會盡心盡力服務各位同學，多謝。」
「跟住有件事我想交由我地Knight既內務副主席江同學宣布。」
我講完就九秒九衝返落台，嘩緊張到死。
之後Anna就好優雅咁行上台，同頭先既我差天共地。
Anna：「校長，各位老師，各位同學大家好，我係Knight既內務副主席Anna。」
「我地Knight好榮幸可以係接下來既時間服務各位同學，在此我先要去各位支持我地既同學講聲多謝。」
「同時我亦要向無投我地既同學講聲多謝，因為你地令我地意識到Knight仲有可進步既空間。」
「為左可以盡量做到完美，我地Knight好榮幸請到Light既Ellen同學加入我地成為外務副主席。」
「有請Ellen同學上台。」
唔知點解聽到Ellen呢個名，早會既人羣就好自然咁拍手。
Ellen好似頭先Anna咁好優雅咁上台，仲向台下揮手，好似係佢演唱會咁。
Ellen：「校長，各位老師，各位同學大家好，我係Ellen，好開心Knight既各位俾左個機會我，等我都可以為各位做事。」
Ellen：「雖然尋日我地仲係競爭對手，但由今日起我地就會同心協力咁去服務同學，希望大家繼續支持我地Knight。」
佢一講完「希望大家繼續支持我地」呢句，全場拍爛手掌。
佢兩個果然係演說既人才。
之後早會好快就結束，原學生會既人帶左我地九個人去學生會房。
一入到去，我既腦只有一個反應。
屌你咁撚大既…
Ellen：「校長，各位老師，各位同學大家好，我係Ellen，好開心Knight既各位俾左個機會我，等我都可以為各位做事。」
Ellen：「雖然尋日我地仲係競爭對手，但由今日起我地就會同心協力咁去服務同學，希望大家繼續支持我地Knight。」
佢一講完「希望大家繼續支持我地」呢句，全場拍爛手掌。
佢兩個果然係演說既人才。
之後早會好快就結束，原學生會既人帶左我地九個人去學生會房。
一入到去，我既腦只有一個反應。
屌你咁撚大既…