「續寫」無啦啦多左幾個家姐同阿妺: 「一敗塗地」

「無乜事既隻腳，不過要休息一下囉，短時間內唔好做劇烈運動啦都係。

」

醫務室個醫生咁講。

唉，我都估到會係咁。

我：「唔該你。」

我打算企起身，點知隻右腳一踩落地就痛到不得了，幾乎仆左落地，好彩有人扶一扶我。

我擰轉頭望一望，原來扶我既人係Sarah。

原來佢仲係度，我以為佢已經走左添。

Sarah：「你無事吖嘛…」

由語氣去判斷，佢應該仲係好內疚，認為我出事係同佢有關。

算喇，而家去諗關邊個事已經太遲喇，都已經無補於事。

我已經輸左。

輸左比邊個？我輸左比仆街偉，我仲輸左比自己，我已經無辦法拎個全場總冠軍比Anna。

我嘆左一口氣。

我：「係有少少痛囉，不過應該無乜事既，頭先醫生都係咁講。」

Sarah：「咁我扶你去看台坐啦，我已經打左電話俾家姐佢地，佢地黎緊架啦。」

通知左佢地…？係幾時既事？

唉，算喇，我而家咩都唔想諗，要保持平靜已經令我好攰。

Sarah一步一步咁扶住我行出醫療室，一出去就見到Ellen，仲有頭先我撞到果個女仔。

個女仔一見到我就90度躹躬，係咁say sorry。

Ellen：「阿明，佢死都唔認係阿偉指使佢，你想點處理。」

認左又點吖…唔通你想食左人咩..

我：「算啦由佢啦，都過左去咯，你無乜事吖嘛？

」

我一直望住果個女仔咁講。

女：「我…我無乜事，真係好對唔住…」

可能佢被我突如其來既慰問嚇親，講野有少少lag機。

我：「嗯，無事就好啦，下次小心D呀。」

「Sarah，行啦我地。」

我夾硬迫左個笑容出黎講野，之後就轉身走人。

我同Sarah慢慢咁行上看台坐低，沿途有好多人望住。

我應該要覺得自豪，但我真係笑唔出。

我同佢坐係看台既笫一排，睇住一場又一場既賽事上演。

大家都跑得好快。

我不禁用力捉住自己隻右腳一下。

我真係無用。

Sarah：「阿明…你真係唔嬲頭先個女仔？」

Sarah一句說話將我既注意力從賽道上移開。

我：「有乜好嬲吖，佢應該都只係身不由己架啫。」

Sarah：「真係好溫柔呢你。」

我聽到忍唔住笑左一笑，繼續望住自己隻腳。

單靠溫柔又可以做到D乜…

Sarah：「阿明。」

一聽到佢叫我個名我就下意識咁擰轉頭望住佢，見到佢係咁吞口水，好似好緊張咁。

「阿明，我…