請先讓乘客落車 please let passengers alight first!(至第廿六章): 第十三章

「請先讓乘客落車 please let passengers alight first!」（第十三章）
 
 我追上第一卡嘅同時，腦入面有幾個問題纏繞著我。第一，係邊個殺死除哥？
 
係咪隻機械蜘蛛？ 第二，如果相入面果個真係除哥嘅話，咁點解佢會識阿雪媽
 
咪？ 第三，黑頭盔人佢地點解要喺依度停車？？
 
第一至十二章: http://bit.ly/2aTgRST
 




********************************************************
 
我黎到第一卡嘅時候，黑頭盔人已經唔喺度。見到車長室度門開左少少，我推
 
門入去，入面已經冇哂人， 就連Benny都唔喺度。不過， 度緊急出口門俾人
 
打開左，相信黑頭盔人已經沿住呢個出口離開左，但而家列車嘅位置正正就喺
 
灣仔同金鐘中間，出面根本就係除左隧道就乜都冇，佢地喺度落車想去邊呢？
 




被推開左嘅緊急車門變成一道橋，放喺路軌上面。我渣住小白慢慢行出去，當我隻腳踏出
 
車門嘅時候，我實在冇辦法相信自己會有機會企喺路軌上面。因為隧道太黑嘅
 
關係，能見度大概得幾米。 我沿住路軌一路行，列車喺我背後，逃生門門口嘅
 
光漸變弱難...
 
「唰」一聲，小白鏡頭突然發光，將自己變成一支電筒。
 




「好在有你JA小白！」依個時候我諗起阿雪…
 
我用小白照住路軌，向住金鐘方向行左30米左右，見到左邊有度鐵門。
 
我行到個門口，門口寫住「EMERGENCY EXIT」…唔通依度門係通去路面?
 
我驚黑頭盔人就喺入面，唔想打草驚蛇，所以我想熄左支電筒嘅燈先，但發覺
 
其實係冇制㩒。
 
「可唔可以熄燈先呀小白? 」 我即管試下有冇反應，點知小白真係熄左燈。
 
我推開門入去，見到係一條往下嘅樓梯，頭頂係一支支殘殘地嘅長光管，樓梯
 
呈四方形， 我向下望， 好似望極都望唔到個底咁。因為只得呢條路，所以我




 
唯有行樓梯落去。
 
唔行唔都唔知原來灣仔金鐘之間有個咁嘅出口，究竟下面係咩地方？ 點解黑頭
 
盔人要去依度？
 
我大概行左三個四方形，即係大概六層樓深左右，聽到呢堆聲...
 
「$@～¥#*^=&」
「：$@*+^%+」
「。$@/！+¥&=#」
 
應該係黑頭盔人對話緊，我將腳步放慢，再探個頭望落去，大概兩層樓距離，
 




相信係最底果層，隱約見到三個黑頭盔人，組成一個三角形。中間在左個人，
 
雙手上鎖，頭向下，似係暈左。 我再聽聽下，佢地唔似喺度傾計，反而似係念
 
緊咒語咁，係向住中間坐喺度嘅人不斷咁念咒語！
 
「$@～¥#*^=&」
「：$@*+^%+」
「。$@/！+¥&=#」
 
然後三個黑頭盔人跪喺地下指手畫腳咁 突然中間個人凳底有道強光射上黎，佢
 
成個人慢慢飄起左，凌空喺張凳上面...
 
「AH！！！！！」中間個人抹大隻眼抬起頭咆哮...




 
我終於望清楚佢個樣，竟然係佢...??!!!
 
 第十三章 完。待續...
 
*********************************************************************
 
如想知道最新故事發展, 可以輕輕like下 小弟 Facebook page~
Facebook: https://www.facebook.com/peoplelaughmetoocrazy/

同步連載:
紙言：http://bit.ly/2b1ZCRp
Discuss: http://bit.ly/2bLNrYy
Penana: http://bit.ly/2bX5tay