一句

"禁你有幾愛佢
你係咪真係愛佢
定只係一時既好感
你為佢做過咩"

可能好多人都講愛過，但係有幾多個真係愛過
可能你笑我憨鴆，問我"你愛過?"

我冇，我係大部分人既其中一個角落
我講過但冇愛過。



我冇實踐到自己份愛，我諗過
但我冇做過。

如果比多你地一次重新黎過既機會，
你地既選擇都會係一樣。

因為驚失敗，因為驚衰。
因為驚衰完連關心人都唔夠膽。



冇錯，我都係。
所以我保持原狀。

可能你會話默默關心就夠？
收皮拉！你以為咁做好偉大。

講慘小小，仲低級過做兵。

兵都肯主動，你連戈步都做唔到
兵有邊個唔知自己做緊兵


佢地比人笑，但佢地會去堅持。

可能你地比人講一兩句，
就話自己冇可能，點會溝到。

你試過未，都未試過你又知唔得
咪自己收自己皮。

人唔可以過分自信，
但唔係叫你唔可以有自信。

你未必唔夠人砌，可能佢都冧你呢
但係你一直唔出手就比人搶走。

到時又話自己冇機，


人地一直比機會你，
但係你乜都冇做過。

你驚衰唔係你既錯，
大家都會驚，我到依家都係驚緊。

大家可以比一次勇敢既機會自己，
真係好好把握你愛既人。

衰過唔等於冇愛過，
但愛過一定唔等於冇行動過。

所以一句講曬，
"我地唔係唔夠班，只係唔夠勇氣面對。"