我:「你,竟然有睇我blog……你都冇同我提及過。」

Tiffany:「我係你讀者黎咖 我記得你有篇文講中年婦女同外傭都需要性愛,佢地都唔應該只淪為勞動力一日到黑做家務,佢地都需要性愛既慰藉。我雖然只讀冇回冇俾like,但呢篇文我真 心覺得你寫得好好。文章既價值唔係鬥Likes數,而係睇有冇傳達出不一樣既信息,去喚起大眾既關注。鄺議員日日怕痕怕痛是但出篇文都咁多人睇,但係佢d 文章毫無營養,呢d咪就係負面例子。同樣地,我地殘聯會只不過係一個好細既組織,唔可以好似民x聯工x會個d咁,得閒冇事就請人食飯旅遊出國深造,但我覺 得我地做既野有意義過佢地好多,呢就係我地存在既價值。」

我:「呵呵,篇文都係有感而發,實際上我都幫唔到佢地。

Tiffany:「咁你家陣咪幫緊殘疾人 好多野你堅持去做,就會有回報。當初殘聯會都係得我一個發起,手天使呢個部門係我第一個做,家下咪都叫起步中,雖然未及台灣甚至外國咁成熟,但我地只要努力,我地一定可以做得更好。咁你喺度做起,以後都可以去實踐你其他理想。

我:「你啱。多謝你,Tiffany



Tiffany:「應承我,唔好再同我講辭職。 」

我:「好,既然反正Heidi都返咗黎,不如俾我過隔離試下。你都講過,手天使係其中一個部門,咁俾我去其他部門試下,你當俾我學下野黎。我入職個時你都講過有個部門係協助殘疾人工作既。」

Tiffany:「你果然係好有heart。 」

我:「得唔得?」

Tiffany:「梗係可以啦




講wor,邊個唔識講?大愛呀嘛,但連續幾日遇到D騎呢經歷,我都需要Take a break,過隔離抖順條氣。

於是我就過咗去隔離,冇諗到,又係一次畢生難忘既經歷。

我:「起花名點可以用個狗字,你地仲要覺得冇問題?你地係咪歧視呀?」

主管:「佢地監護人都知道,佢地監護人都冇話有問題,你真係一d幽默感都冇咖。」

在場既同事都幫口話我太認真。



我:「嗌返真名唔得?」

主管:「佢地都唔介意,你介意乜野?你睇下,佢地笑得幾開心。」

我:「佢地係弱智,梗係唔知道狗字花名有幾大件事啦

主管:「你呢d咪歧視lor,開口埋口話人弱智,我地叫佢地做狗狗咪幾好,大家有講有笑。1111」

我:「咁你有冇花名呀?你又係咩狗呀?屌你老母!


嬲到轉身就走,仆你個臭街,係協助弱智人士,定玩鳩弱智人士,當睇馬騮戲呀

真係嬲到我呀



我嬲到即刻跑返去office,怒氣沖沖咁走去搵Tiffany。

我:「Tiffany,你知唔知我頭先見到乜野?」

Tiffany:「嗯?你睇落好嬲咁我就知。」

我:「頭先我入到去,發覺個主管竟然叫班殘疾朋友做狗,每一個都有個狗字花名。你唔知?」

Tiffany:「知。」

我:「你唔覺得好有問題?」

Tiffany:「你唔好咁激動先。唔同部門有唔同既管理方式,我都冇辦法干預其他部門既運作,我只係呢個部門既主管咋。」



我:「頂,點解殘聯會會有班咁仆街既人咖……」

Tiffany:「樹大有枯枝,殘聯會話大唔大,話細唔細,有部門係咁,冇辦法。」

我:「點解你可以咁淡定咁?你唔嬲咖?

Tiffany:「如果嬲係有用,咁你已經改變咗現況啦。」

我:「睇黎你乜都知道,你仲由得我去個度?」

Tiffany:「雅輝,我就係想話俾你聽,家下殘聯會有唔少唔好既文化,有好多淤血,我地需要一班新血入黎,幫手清走個班淤血。你明唔明我意思?」

我:「點解你講到好似權力鬥爭咁既?

Tiffany:「再偉大既組織都會出現敗類,再邪惡既組織都會出現好人,你要改變,就要努力儲定子彈,去鬥爭。所以我需要你。」



我:「係咪做起手天使,我地就可以喺殘聯會有更大話事權?」

Tiffany:「唔係咁簡單既。但你首先要喺殘聯會做出成績先,先可以實現你理想。畢竟咁多個部門,咁多人,單靠你同我,係冇可能對抗佢地。」

我:「咁我返黎呢度做,我以後唔會走。」

Tiffany滿意地點點頭。


聽君一席話,勝讀十年書,真係估唔到Tiffany如此成熟 而我都覺得Tiffany呢個女仔真係非常唔簡單
離開辦公室,由於一邊諗緊Tiffany頭先講既野,一邊行,結果行咗去地鐵站,於是先決定搭地鐵返大埔,

每逢收工時間,人就多,我份人不嬲唔鐘意周圍望,我會選擇dup低頭睇FB睇下各大名人作家寫乜,除咗因為我怕醜,我覺得如果一直望住人地係一件冇禮貌既事情,尤其對方係女仔,我唔想俾人覺得好咸濕。



我不嬲靠住座位塊板,方便有個位挨下,而地鐵陸續多人上黎,期間有對MK情侶就企喺我右邊打情罵俏,男既一睇就知道係不可一世,有女朋友就恨不得向成個車廂宣佈咁,而個件MK妹既著短裙又露波咁,兩條友喺我隔離煙韌攬攬,扭黎扭去,係差在冇掂到我。



對於呢種人,我不嬲無視,專心上FB算數,講真,如果佢地喺我隔離打茄輪我都唔會理,我但求快d到太子轉車。


好啦,個個MK仔突然同條MK妹,話我目及佢對波,我一聽到,都覺得尷尬 但故作鎮定,扮聽唔到。而個個MK仔突然伸埋頭黎望我手機,於是我望住佢,佢怒啤我。

我:「咩事?」

MK仔:「四眼仔,你偷目及我條女對波。」1

呢個時候,成個車廂d人好似發現有花生食,個個聚焦喺我地三人身上。

我:「我冇

MK仔:「我望左你幾分鐘,你對眼一直望住我女朋友對波wor。」

我:「都話冇lor

呢個時候,MK妹拎出電話影住我,MK仔繼續屌柒我。

MK仔:「冇錢去叫雞?睇望人咁低莊,咪俾我睇死你啦,你呢d死毒撚咪成世打飛機。」

我想走,但俾佢攔住我。

我:「我再講多一次,我冇望你女朋友,你咪屈我。 」

MK仔應該留意到我有少少鬥雞,於是大大聲恥笑我。

MK仔:「唔怪得啦,斜視佬 ,咁你咪好著數,次次偷目及完就扮對眼有事

我:「我希望你尊重下人。」

趁到咗荔枝角站,我即刻衝出去,而我能夠做既,就係出閘行去荔枝角廣場廁所,喊咗出黎。


已經唔係第一次,我真係冇偷目及女仔,但有時候會俾隔離人誤會我望住佢,真係好冤枉。

個右眼球係唔受控制向右望,而我根本望唔清楚右邊狀況。

但就係咁,俾人誤會,唔通我大大聲話我自己斜視咩,越解釋,d人咪越歧視得犀利,恥笑得越大聲
已有 0 人追稿