我:「Hello,淑芬,今日又黎按摩呀?

淑芬:「按摩你個頭 我特登黎搵你咖。」

我:「搵我係按摩定鋤大dee?

淑芬:「如果我話我掛住你,你信唔信?」

我:「你係今日第31個女仔話掛住我 我都好掛住你地呀



淑芬:「星期六你黎我屋企陪我一日,得唔得?

我:「但我要返工,收工後都約咗人。」

淑芬:「oh,咁由佢啦。」

我:「做乜咁灰呀?又會搵我陪你既?」

淑芬:「冇乜野。係呢,你今日可以陪我傾下計,食下野?」



我:「你講呢度呀? 得,點會唔得?

淑芬:「好,咁你陪下我。」

我:「咁……我地,幾時,咩咩?」

淑芬:「今日唔咩咩,我只想有人陪下我傾計。因為星期日,我要飛去美國,以後未必返黎香港。」

說罷,淑芬上前攬住我,令我措手不及,而佢亦喊咗起黎。



做乜鬼又喊咗,唔通我又講錯野?

我:「淑芬,做乜喊呀?唔好咁啦。 」我輕輕拍拍淑芬背脊,只見到佢淚如泉湧咁繼續喊。

於是我暗自重組對白:
1:「搵我係按摩定鋤大dee?
2:「你係今日第31個女仔話掛住我 我都好掛住你地呀
3:「但我要返工,收工後都約咗人。」
4:「做乜咁灰呀?又會搵我陪你既?」
5:「你講呢度呀? 得,點會唔得?
6:「咁……我地,幾時,咩咩?」


睇個勢,第1句第3句嫌疑最撚大。呢兩句搞喊佢機率最大,第1句提及到鋤大dee,淑芬都冇手掌點鋤大dee?第3句就係直接拒絕人,我諗都係搞喊既佢既主因。我唔做編劇真係嘥料,6句就搞喊人。淑芬唔去做演員都嘥曬,d眼淚話黎就黎,好犀利。




我:「唔好喊啦,好冇?最多我扮牛仔俾你騎牛牛啦。」

我:「唔好喊啦,乖啦,我請你食 哈根達斯 雪糕好冇?」

我:「蝦餃,燒賣,小籠包,我買曬返黎好冇,餵你食!」

我:「喂呀,唔好喊啦,我d對白冇曬啦,點先唔喊呀

企喺度喊咗幾分鐘,淑芬終於收窄降淚量,而我就開始帶佢去sofa坐,再拎d直接幫佢抹眼淚。


我: 「唔好喊啦,係咪我激嬲你呀

淑芬冇回應,不過已經停止淚溝決堤。


過多幾分鐘,我望住眼都紅埋既淑芬,用紙巾繼續喺佢眼附近掃走d淚水。

淑芬:「係咪真係有燒賣,蝦餃,小籠包?」

我:「係呀,即刻落去買呀。」

淑芬:「咁你買俾我食啦」

我:「我喺度等我,我即刻返黎。」

嘩,終於唔喊啦,要我去深井買燒鵝都得啦


但係我仲喺度諗緊自己邊句對白整喊佢,1定3呢 又唔似係我wor



見係淑芬我先咁有耐心,換轉係公司個件死肥妹,我即刻call 漁務署拖走佢。

蝦餃,燒賣,小籠包,梗係唔少得鳳爪吮兩吮,咪住,鳳爪,又係敏感野,淑芬見到可能又喊咖啦,轉牛肉丸啦……我發覺我見到食物就會情不自禁叫多好多,次次埋單都好疏爽

正好,頭先早餐我都食得唔多,又開餐。

上到去,淑芬坐喺度,抖順咗條氣,平伏咗好多。


我: 「睇下,我買咗好多野食呀,嘻嘻。」急不及待,show俾淑芬睇,而淑芬終於擠出笑容黎。

我: 「拿,咁既,蝦餃呢,你一粒我一粒,第三粒就俾你食,食多d,肥肥白白過美國 」口講手唔停,拎起筷子餵淑芬,我發覺我真係好適合做人男朋友,邊有我咁體貼咖。

我:「熱呀,慢慢食呀,我斟啖水俾你飲呀。」一邊兼顧氣氛,一邊又要服侍淑芬,咀唔停,手唔停。




淑芬:「你都食啦,咪俾曬我食


我:「你食先啦,我食野鯨吞咖 暴力美學

淑芬:「頭先sorry呀,我突然好想喊,sorry呀。」

我:「哦,唔緊要,黎啦,食啖牛肉丸 」我夾起牛肉丸俾淑芬食。

淑芬:「我男朋友都好鐘意食牛肉丸咖




嘩,你拋個地雷出黎,我唔敢踩啦,容乜易問起你男朋友你又喊咖

我:「黎啦,食啖燒賣啦

淑芬:「你唔問我,點解會喊既?」

我:「唔係我激嬲你掛?」

淑芬:「唔係。」

我:「咁由佢啦,我地開開心心食野啦。


 
已有 0 人追稿