Heidi原來都有咁既經歷。唔怪得個人跳制咁

我:「係,我地要過伴侶屋企人個一關,好難 除非伴侶都有殘疾,咁就容易入門。」

Tiffany:「哈哈,你係男仔,就唔係入門呀

我:「入贅我都唔介意咖,如果我鐘意個個女仔

Tiffany:「係呢,Heidi有冇問你傾計,教下你



我:「仲食大餐添……lunch time

Tiffany:「咁就好 好啦,我要上返去office,準備收工。」

我:「你住邊咖?」

Tiffany:「奧海城。」

我:「你一個人住?」



Tiffany:「係呀。」

我:「我送你返屋企呀,順便參觀下你屋企呀 其實我真係好鐘意參觀私樓,每一間私樓就好似係獨一無二既藝術品,我可以摸下地板,我已經心滿意足。」

Tiffany:「你屋企都係私樓黎wor

我:「廣福道個d 19樓,算鳩數啦,我等緊外國導彈炸錯大使館咁炸錯我屋企,咁我就可以獲得賠款而搬走。」

Tiffany:「 咁你要扶住我啦,我行得好慢。」



我:「得,唔使講咁多,有你有我

奧海城,正呀 雖不及康樂園,但勝在高樓大廈,個名又靚,點都要去參觀下既,人一世物一世,冇唔起個度既樓,都叫做到此一遊呀


Tiffany:「有你有我 呢句對白好似係走投有路張家輝既對白

我:「如果我話我係研究港產片既學者,你信唔信?

Tiffany:「唔怪得你有咁多鬼靈精怪既對白

我:「如果你唔嫌棄,我可以借個膊頭俾你

Tiffany:「邊部電影?



我:「奧斯卡最佳電影:A Love Story About Hand Angel

Tiffany:「Hand Angel

我:「哈哈,講笑啦,我意思係你可以搭我膊頭,我陪住你嘔……唔係,係我陪著你走

Tiffany:「上office執埋d野,call定的士

我:「我孭你上去?」我作裝踎低

Tiffany:「行上去啦。」

我:「孭你快d wor」我仲喺度講笑,Tiffany身子一個前傾,竟然趴上黎我背脊。

Tiffany:「咦,呢部lift都幾可靠wor。」



我:「咩lift呀,我係雅輝號火箭 」我慢慢起身,拎埋支拐杖,步出門口。原本一句玩笑,竟然變成現實,孭女仔行樓梯。

我:「The next station is Office……下一站係,辦公室……下一站是,辦公室。」

真係估唔到Tiffany咁輕,孭佢好容易咁行上樓梯。


孭女仔呢招橋段,我當綵排一次,星期六用黎冧芹芹,掂呀喂,諗起都興奮

原來女仔咁輕咖咋,芹芹同Tiffany差唔多身型 女仔對波疊埋黎背脊,真係好舒服 忽然諗起呀Jim佢地講過什麼波推,我以前心諗用對波黎按摩咁on9咖,原來on9個個一直係我

我:「到啦 我數1 2 3 ,放你落黎。

Tiffany:「唔該曬



於是我對手托住Tiffany腰,扶佢落黎,異性之間既掂碰,始終係有一種令人觸電既感覺。我唔知Tiffany係咪會有呢種感覺,但我真係好Enjoy1 sorry,我認我又鹹濕咗



Tiffany坐低整理文件,我就揸住佢電話call的士,葵青去奧海城。

我:「咦,的士佬話奧海城係大角咀既?乜奧海城唔係太子咩

Tiffany:「奧海城又點會係太子呀

我:「咁你之前話你住太子呀嘛。」

Tiffany:「太子係我爹地媽咪既屋企,奧海城係我自己住咖



我:「sorry·,原來我一直唔知奧海城係大角咀,我係大埔地膽黎,行出大埔會蕩失路

Tiffany:「咁你又話奧海城好靚

我:「睇電視聽過呢個名,有一次隱約記得佢話將軍澳奧海城

Tiffany:「haha。我搞掂啦,我地落去等車喇

我:「孭唔孭?」

Tiffany:「辛苦你wor,又咗我私家lift


於是我又孭住Tiffany搭lift落去,10分鐘後,我地一齊上咗個的士。


好興奮,又去人地屋企,唔知Tiffany屋企係點咖呢

我唔記得邊個講過,如果你買唔起某棟好靚好貴既樓,就要把握機會去參觀下感受下,當沾下有錢人既福氣又好,當增長見識都好,去人地屋企參觀本身就係一種開 心野。到底入面既佈置會係點呢?是那有條理而不繁瑣既美式風情,還是那令人溫馨又放鬆既北歐風情?是那精緻優雅的英式風情,還是自然大方的南洋風情?是那 古典既西班牙風情,還是令人摸不著頭腦既中西fution風情?

未開門之前,我都仲係滿心期待。一開門,乜野幻想都冇曬。我諗眼前既空蕩已經談不上簡約主義,而係隱形主義,成個客廳得一部電腦檯,一張sofa,同好多書既書櫃 墻壁都仲未鋪滿墻紙 唔可以話凌亂既,但我廣福道舊樓仲靚過此時此刻眼前呢個奧海城

Tiffany:「sorry,好亂,係咪嚇親你

我:「唔會,幾特別既室內設計,令人眼前一亮,好fresh既感覺

Tiffany:「我拎d野俾你飲啦,你坐陣
.
我:「唔使啦,一係你話比我聽邊度有雪櫃,我自己去拎,你坐下。」

Tiffany:「冇雪櫃咖,我諗住入廚房拎d檸檬茶咋,個度。」Tiffany指住廚房既位置,我行過去,廚房都可以令人震驚 除咗d即食麵呀飲品呀等等,成個廚房連爐具都未set



 
已有 0 人追稿