佢既生日,竟然變成佢既死忌。我真係冇諗過一個人可以干玻璃心,就走去自殺。我第二朝訓醒收到Tiffany whatsapp先知道原來阿Yan死咗

本來呢單野我都係唔開心咗幾日,但最唔開心係兩日後返到屋企,我收到一封信,抬頭寫住 林雅輝(收)劉美欣 (寄)

我承認我係嚇咗一跳 睇完封信,我潸然淚下。


「雅輝,我諗你收到呢封信既時候,我已經離開咗呢個人世。我係生日個日寄信俾你,唔係想你唔開心,只係想講我已經生無可戀。好感謝能夠認識你,就算你喺我生日個日陪我,我都會選擇呢一條路,不過分別在於係帶住微笑跳樓,定係喊住咁跳樓。




我其實冇乜朋友。細個已經體弱多病,除咗弱視,我仲有心漏病,呢個病折磨咗我20幾年,亦令我屋企開支大增,仲有我成日發燒,好辛苦。以前再苦再 難受,我都可以撐落去,因為我有屋企人既關懷。但自從五年前我老豆借咗一筆大耳窿,我地屋企就開始家無寧日,我老豆成日俾人上門追數,我媽咪就成日飲醉 酒,而我,根本冇辦法去挽救呢頭家。直到我出黎做野,我有俾家用,我先發覺屋企安寧咗。但老豆已經搬走咗,媽咪又好似精神恍惚咁,我每日返到屋企都好似對 住四面墻咁,冇曬家庭溫暖。


試過識男朋友,2個都係衰人黎,呃完我蝦條,玩厭我就飛我。原來,肥妹都有market,係因為肥妹好好屌咋,我仲on9到以為自己得到愛情添,人地當我洩慾工具。

自從我認識你,係我咁大個女最開心既一次。好多謝你陪過我,你好幽默好盞鬼,希望你同你女朋友幸福。

雅輝,我走啦,唔好為我傷心,好多人揀得呢條路,係整定既。我唔想再活在痛苦當中,我好辛苦,再講啦,心漏病本身就係一種極度難挨既病,我宜家走,都算係解脫。

所以你唔好為我傷心,更加唔好怪我脆弱。



好啦,唔好意思,突然寫信俾你,希望你唔好介意啦,我真係當你係好朋友咖。





我喊,係因為封信勾起我既惻隱之心,我同情呀Yan既身世,而唔係因為呀yan自殺而喊。好耐之前我已經明白,死亡只不過係呢個世界通往另一個世界既橋 樑。就算我一早知道Yan既身世,出力安慰佢都冇用,人始終係由佢自己去決定去留,冇可能因為別人安慰而輕易放低決定。當然我都唔希望呢個世界咁多人自 殺,能夠做到既,咪安慰下別人,關心下別人。




就算冇病冇痛冇悲涼既遭遇,人始終都會死,生老病死,當然好多人為到老已經死咗。衰d講句,過馬路綠燈先行,遇到醉駕司機轉彎車埋黎,都係要意外致死。或者行去馬會買六合彩,樓上有個花盆憾穿個頭致死;又或者叫雞戴齊套都中到愛滋。

妖,根本好多野整定,避無可避,就不如唔好避。順其自然。


所以我習慣將每一日都當成係世界末日,例如入睡後再也起唔到身,所以我每一日我都會出下文打下FIFA同踢下波(屋企都會拎個西瓜波咁踢)。

我諗我遲早都會見返呀Yan同我既中學同學既,希望佢地喺未見到我之前,佢地都過得好,見到我之後會過得更加好。


當然,呢單野我就冇同永芹講,費事佢唔開心啦。

我諗我黎到呢個世界既職責與任務,就係令到永芹開心,永芹開心,我自然開心,因為我愛佢




本來約咗Ivy星期一翻大陸,諗諗下,都係唔好啦,等芹芹去咗美國,我先返大陸,咁就唔使解釋我點解忽然走開啦

只曾喺whatsapp icon見過Ivy既側面,估唔多約出黎M記見下面,我竟然見到眼前呢個女仔靚得太過份。

瞬間令自卑既我更加自卑。

Ivy:「呀臣,點解你唔多出聲既 whatsapp度你好活潑咖wor」

我:「估唔到沉迷FIFA既宅女,竟然都咁靚,要我呢d肥毒柒情何以堪呀?」

Ivy:「你唔Seven呀,幾得意呀,係有少少肥,同少少Kai

我(忽然有返自信,聲音都大返):「咁下個禮拜一,上水等,一齊搭返去深圳再轉乘和諧號好冇?」

Ivy:「冇問題呀!



我:「乜你唔驚咖咩?」

Ivt:「驚咖,你上高登咁搞笑咁寸咀,但見完面之後對你100%信任,所以唔驚lu」

我:「女仔黎講你都算大膽……」

Ivy:「你都唔知你個樣幾咁正經同老實,如果衰喺你手我認命啦。」

我:「我係好人黎 如果唔係逼于無奈,都唔會出此下策,咁唯有委屈你啦。」

Ivy:「記得找數呀

我:「先過數都ok。」



Ivy:「我意思係你退出高登呀 哈哈講笑」

一個月後,果然芹芹就飛咗去美國,而我就買咗幾罐老人奶粉同藥,約Ivy返廣州黃埔區

羅湖火車站果然人來人往嚇死人。我拖住一個行李箱,孭住個書包,論論盡盡,以至於Ivy笑住問我使唔使幫手。

「唔使啦,有你係身邊已經足夠」

當然咁肉麻既對白我梗係唔會講出黎,因為曲終人便散,不應該太過煽情。只係Ivy提早對我超出咗做戲既範疇。

讓我幾受落。

臨上火車前我仲特登停步,望住Ivy,輕輕扯扯佢衣袖。

我:「真係唔後悔?唔驚我係拐子佬拐走你?」



Ivy:「你唔好不辭而別就得啦,帶我黎,帶我返去就得

我:「點解你咁信任我?」

Ivt:「因為我睇過你寫既故,我好肯定你係一個好人,你唔會呃人。」

我:「成個高登都當我係垃圾。」

Ivy:「好多人都知道你唔係垃圾,好多人都支持你咖,包括我。」

我:「多謝呀。」

好感動。原來我仲有人支持
已有 0 人追稿