「香蕉!好橙唔想做數呀蘋果!」啊紙對住題數講左堆生果出黎。
響我過濾之下,
佢講既係, 
仆街!好撚唔想做數呀屌你!
講粗口咪講粗口囉...
又要嘥我啲腦力去過濾。
「好地地噏生果籃出黎做乜。」我極無奈咁回應佢。
「你唔覺得用生果代替粗口,入面粗俗得黎又帶點文雅,同埋都好健康。」屌又鳩噏。
「唔覺。」我狠狠咁拒絕左佢。
「你試下先啦。」佢開始唆使我,跟佢講生果籃。




我知道以啊紙既性格,
我一日唔講,佢就煩足我一世。
最後,我又屈服於佢口中「收嗲啦香蕉。」
...
..
.
「感覺點呀?」急切想知道我感覺既佢問。
的確文雅得黎又帶點粗俗。
好似幾好玩。





於是我就真係同佢癲,
「我好橙急wewe*(1)。」試下用生果講出自己既心聲。*(1):尿
「miss!啊千話好急wewe喎!」我屌!又報我串?!
我驚訝咁望住啊紙,
眼神既意思係 你冇撚野呀?
佢既回應係 打我呀笨

唉我已經唔知講咩好...

「又點呀你兩個?」miss對於我地兩個成日響佢堂搞事,已經開始不滿「係咪急呀,去啦。」




成塊面紅曬既我,
羞澀咁笑住行出門口,
而啊紙就一直對住我笑。

呢一刻既我,
真係想一手扔佢去堆田區,
媽呀...
我到底邊到黎啲咁狗既朋友架?
已有 0 人追稿