Welcome To Knot ~ Season1: #15

同強哥打咗聲招呼，我就上咗樓上搵啫喱。
 
佢嗰到嘅格局基本上同我嗰邊差唔多。
只不過樓上唔係做民宿，而係做佢嘅實驗室。
啫喱最鍾意就係得閒研究下啲新搞作，所以樓上一半係起居室，另一半係蛋糕甜品實驗室。
 
我推開咗佢起居室嘅門，放底咗杯茶係飯枱上。
而喺開放式嘅設計下，我係屏風後面嘅床上搵到瞓著咗嘅佢。
 
我正想轉身走開，唔想阻住佢休息嘅時候…


「Sky~」我身後傳嚟微弱嘅聲音。
我再次轉身，坐咗係佢貼地嘅床褥上，望住佢「啫喱？你叫我？」
 
「Sky~」啫喱好似…唔係有意識咁叫我。我伸手摸一摸佢額頭，再摸一摸佢塊面，好熱，佢發燒？
 
啫喱突然捉住我隻手，將我…