返到去見到強哥,先知原來已經5點。
頭好重,嗱嗱淋拜託咗強哥晏啲幫我送貨去Knot,就上咗樓去休息下。
 
發咗好多夢,夢中好亂、好多人、面包、酒、party…
但係人堆中,我搵到Sky。
我見到Sky同一個B一齊,佢哋係海邊,話要去玩滑浪…
 
我叫住Sky,叫佢唔好去。
我一直叫,我個心好驚,覺得佢出咗海,就唔會再返嚟。
好彩,我叫咗幾次,Sky就望返轉頭,行咗嚟我前面。


 
跟住,鏡頭變咗SOFT鏡,我見到佢對眼,媚眼半張;佢個咀,半開半合好誘惑。佢講嘢:「啫喱~」
佢用手輕輕摸我塊面。
我忍唔住,一手捉住咗佢,將佢拉埋嚟我懷抱中,再深深吻住我渴望咗好耐嘅咀唇。
咀同利賣力地同佢糾纏,雙手亦緊緊抱實佢。
 
既然係夢,我決定放肆啲。
我空出右手,開始撫摸佢嘅頭髮,沿住落去,摸到佢耳珠、面珠、頸、肩膀…
懷中嘅佢好激烈咁郁動。
我繼續努力吸吮佢雙唇嘅同時,右手再隔住衫摸到落佢大小適中,非常軟柔嘅胸;佢動作變得微弱咗。


 
呢個夢,感覺真係好!