眼前人一路講一路震。
雖然我好有衝動想上前攬實佢,叫佢唔駛驚唔駛再怕,因為有我係到,但同時我都知,佢係儲咗好耐勇氣先可以係我面前再將件事講出嚟。
我唔想打亂佢思路。所以我一直耐心咁聽同忍。
 
直到Sky抬起頭,好似豆咁大嘅眼淚仍然係咁流落嚟。
佢要我應承唔可以同人講。
 
「點解肯話我知?」我一邊攬住佢,一邊問。
 
「因為我好想解開呢嗰結。」Sky抬頭望住咗我「我好想呢個人係你。」


明明呢句說話應該係好sweet,但呢刻,我個心好痛。
 
我唔知我可以做啲咩去幫Sky。
我只係知我要好好保護佢,唔可以再俾佢受到任何傷害。
 
可能係佢嘅眼淚,引發到我嘅英雄感。
我低頭鍚咗落Sky嘅額頭,再慢慢沿住佢嘅淚痕鍚落去…
直到呢片我幻想過好多次嘅咀。
我鼓起勇氣,決定咀落去。
 


5…6…7…8…
我足足定咗8秒冇郁。
好彩嘅係,Sky並未避開。 
 
我開始試下郁動自己嘅咀唇,開始輕輕吻佢。
Sky佢…回應我!!!!!
 
我開始想放膽一試。
我想要更多。