Welcome To Knot ~ Season1: #31. 啫喱

Sky 主動咁錫我。
我扶住佢條腰，同佢一邊kiss一邊係房跌跌撞撞。
就係跌落床嘅一刻，我分咗一下心用手同臂護住佢個頭同腰。
 
Sky 瞓咗係我右手臂上。
我哋側身對望，四目交投。
有種心靈相通嘅感覺。
我伸出左手輕撫Sky嘅臉。
佢合埋眼去感受我嘅觸碰。
一滴眼淚沿自佢眼角流出嚟，滑過佢鼻樑、流經另一眼簾，滴落我手臂上。


 
我用拇指輕輕畫過淚痕，再將眼前人一擁入懷。
「Sky，對唔住。」我撫摸住佢嘅頭髮，吻一吻佢額頭「係我衝動咗。我知…心結唔會係咁話解就解。我明白架。我會等架，等你真係ready先。」
 
懷中嘅Sky抬頭望住我：「對唔住…啫喱…對唔住。」眼淚將我件衫胸口部位整到濕咗。
 
「傻豬，講咩對唔住？唔好喊啦，我會心痛架！」
「啫喱…點解要對我咁好？」
「因為你值得！傻瓜，唔好喊。我應承你，我會一直係你身邊，陪住你。有咩事我都一定係到，唔會丟底你一個。」我望一望眼前呢個好似受咗傷嘅小白兔「直到你真係ready，我哋先…繼續今晚未完嘅事，好冇？」
 


Sky「嘻」一聲笑咗出嚟。
「咸濕仔！」見到Sky破涕為笑，呢個「咸濕」稱號我唔介意要。
 
「啫喱！」Sky 望住我，呢個姿勢加眼神，真係令我好有衝動「多謝你。我會努力架！」
佢講完，將臉埋入我胸前。
 
我吻一吻佢頭頂：「我可唔可以有一個要求？」
「嗯？」Sky嘅聲音係我胸口捂著。
「今晚…我可唔可以攬住你瞓？」我紅住面，大膽咁提出要求。「齋瞓！我咩都唔會做！」




Sky 掙脫咗我嘅懷抱！
唉…我都知要求係過份。
點知Sky係衣櫃令咗件衫同短褲俾我。
「沖過涼，先瞓啦。」
佢甜甜一笑，好似預言咗今晚我哋都可以發個好夢。