==
強烈建議
聽以下Background Music睇呢集,氣氛會好好多!

https://www.youtube.com/watch?v=mlTRcMowLkc
==

      James手握電視遙控般的對講機,罕有的皺起眉頭,揭示著事態震撼之程度。

      「喂……喂?」對講機的喇叭持續傳來熟悉的女聲,我卻吭不出聲,只管張口結舌的凝望著那發出綠色淡光的器材。





      是她嗎,真的是她嗎……

      「你係邊個?」James的語氣不徐不疾,如Siri的電子聲般毫無情感可言。

      「頭先係咪天翔把聲啊?」對講機傳來的女聲漸趨急促起來,「係咪啊……求下你應下我……」

      我半信半疑的,環視著黑矇矇的108號病房,無法輕易相信當下的事態。James提著對講機的手僵硬不已,甚至沒有抖動過,反映他正牢牢的聚精會神著。

      然而,靜默數秒,對講機的另一邊卻傳來了陣陣抽泣,女孩柔弱的飲泣聲。





      凌亂的心扉,瞬間注入虐心的色澤。

      「我係隧道等咗你好耐喇……周圍都好黑好凍……我搵咗好耐都見你唔到……你知唔知我有幾擔心你啊……」

      James很自然的將對講機塞給我,擺出一副「這些機會不是屬於我的」、「其實自己一個更開心」的無奈苦笑,可此時此刻我一點也不覺得好笑。

      我啞口無言的,消化著對講機傳來的一波波衝擊,抓緊對講機的手心盡是汗。

      「對唔住啊……係電車發你脾氣係我唔岩……但係點解要拋低我一個……呢度好凍……我跌到周身都係傷口……」女聲飲泣著,說話含糊不清的,若果不細心點也無法聽清楚。





      她……真的是沈芊琴。

      腦海的猶疑匿跡得無影無蹤,隨之而來是擔憂和萬般揪心。

      「對唔住……小……琴……對……」淚逐滴灑在黑色背心,是傾盆的哀傷,把想說出口的一切都堵住了。

      「好掛住你啊……我以為以後見你唔到啊……衰人……」芊琴哭不成聲,似乎忘記了第三者的存在,而此刻James只是搭著我的肩膀,曖昧的笑著不語。

      她的聲音……很好聽……真的很好聽……

      內心泛起攝氏二十餘度的溫柔,轉瞬卻是揪緊的虐痛:「我都係……我……搵咗你好耐喇……從隧道去到霧海,甚至去埋安和醫院,但都搵你唔到……你──」

      「吓……你……你地係安和醫院?」芊琴猝然止住了泣聲,驟然提高的聲調透露著詫異。

      「係啊……你係邊……我地黎搵你……」我拭抹著臉頰的淚,放壞的笑了,那種久別重逢的喜悅只有當事人才懂。





      「芊琴一定係醫院,至少附近,」James終究開口,似乎是因為尷尬的「打情罵俏」已告一段落,「呢款對講機無法作長距離通話,芊琴同我地直線距離最多係100米──」

      「點解你地要黎醫院啊?」芊琴柔弱的聲音變得更為哀傷,彷如再次墮入無底深淵裏,「點解啊……」

      「做咩?發生咩事啊小琴?」內心萌生萬般疑惑,到底芊琴為何會這樣說?她到底在醫院裏遇到什麼事?

      「你地唔應該黎……」芊琴的話伴隨著喘息,「你地……你地一定會死架……」

      什麼?

      「等等,等等,等等,」James插口道,聲音響亮不已,「芊琴你係咪身處醫院?係邊個位置?」

      「你地一定要儘快走……求下你地……」芊琴只管失控的哭崩,「如果唔係……你地靈魂會被侵蝕……」





      「靈魂……被侵蝕?」我打了一個寒顫,電筒從手上跌倒地板,是「啪」的一聲震撼。

      「我唔知啊……但係醫院好似比一道負能量磁牆影響咁……呢度既人都痴曬線……如果係度逗留一段時間,會喪失理智……然後……註定永遠無法離開……」芊琴哭得很淒厲,是入心入骨的悲鬱。

      「點解你會知架?」我竭力的抑制內心的恐懼,James卻按住了我,朝對講機道:「芊琴,你係邊?」

      「我冇得救……我已經……被侵蝕緊……『佢』唔會比我走……」

      「What do you mean by 『佢』?」James緊皺雙眉,我正承受著竄入心扉的悚然,一聲不吭。

      「『佢』……掌管住呢度……如果你地唔走……『佢』一定會殺曬你地……求下你地……唔好理我,快D走……」

      「唔好講埋曬呢D野。」我淡然的道,眼角拼命按捺第二輪的悲感。

      「你地快D走──」





      「我係唔會拋低你架!」我終究對著對講機大喊,皮鞋上沾了更多的哀淚,無可奈何的。

      不可能……我不管什麼侵蝕……不管什麼掌管者……我既然選擇回到夢魘地獄之中,就一定要把小琴救回來……一定要……

      「你講……你係邊……」我靠近傳來飲泣聲的對講機,「就算付出任何代價……我都要搵翻你……」

      對講機另一邊是一陣尷尬的寂默,數秒後方傳來回答:「任何代價?點解你要咁傻……」

      那一刻,我靜默了,世界也仿似要為我停下來似的。

      「因為……你係芊琴,」我一手抹掉臉上的淚,「沈、芊、琴。」

      我倆必定會再見的,因此在再次遇到你前,我必定會牢牢記住。