《千萬不要乘往堅尼地城的137號死亡電車》－實體書現已出版，感謝支持！: 第30話：《嗜血祝福》（4）

      「呢個都市傳說係台灣果邊，香港呢邊冇咩迴響，而且……」千琳苦笑著，「試問呢D咁無聊不合理既小朋友咒語，又有幾多人會相信呢？」

      「咁『祝福三遍』到底係咩？」我向千琳遞了一支COLD蒸餾水，「你介唔介意講出黎……」

      千琳取過水樽，深吸一口氣道：「『祝福三遍』係一個來源不明，毫無理據支持既『祝福咒語』。既作用就係可以選擇對身邊三個人進行『祝福』，而被『祝福』既對象就會得到幸福。」

      「祝福既方式好簡單，就係同靈界交易，以自己靈魂換取三次祝福機會。首先，選擇一樣喜愛既物品，然後搵夠三個同樣既物品進行既定既儀式，靈界就會將佢轉化為『祝福物』。網上所講，『祝福物』係咩都得，大則如音樂盒，小則如戒指都可。獲得『祝福物』後，你就可以將佢分別送比三位對象。如果對象將祝福物攜帶身邊三日，咁靈界就會令所選對象永遠獲得幸福。」

      「呢D所謂咒語……係我地女仔圈子好常見架姐。」小穎嘟嘴道，並不因而受驚，「就好似聽講隔離女校有個習慣，大家畢業會交換底衫作為紀念，咁樣就會令雙方友誼永固架──」





      「咩話？底衫？」我傻眼的苦笑道，怎麼會有人相信這種變態的惡趣味？

      「『祝福三遍』絕對同其他學校既無聊傳說唔同，」千琳一本正經的盯著小穎，「幾年前，我打算搵一個靈異小說既題材，然後係Googe Search到『祝福三遍』。起初我仲以為係千篇一律既無聊野，但唔覺意Search到一個網址，係介紹呢個都市傳說既背景。」

      「『祝福三遍』表面充滿歡樂、美好，實質其實暗示緊一個概念：信任與背叛。網址提到，『祝福三遍』既然係同靈界交易，就唔係單方面祝福別人咁簡單，進行祝福都涉及好大既風險。如果祝福對象真係將『祝福物』攜帶係身邊三日，咁祝福就會成功，靈界交易都會完成。但係，如果對象冇咁做，不論原因為何，祝福都會失敗。」

      如果是這樣的話，那麼祝福成功與否就取決於對象的選擇，而非自己。那麼，一切就是建基於信任。

      「失敗……咁會點？對象得唔到幸福？」芊琴竟聽得入神，我卻仍抱持觀望態度，只因這所謂咒語……實在太像小說、電影裏的情節了……





      千琳續道：「對象得唔到幸福只係第一樣。如果佢違背交易規則，三日內丟棄咗呢個『祝福物』，咁你就必須係果三日裏面取回『祝福物』。如果你成功取回『祝福物』，咁就唔會有後果，你只會失去一次祝福既機會。但如果你取唔翻……」

      「會點？」咸爺急不及待的問道。

      「真係要講？嗯……」千琳害羞的道，似乎一直很怕被我們嘲笑似的「同靈界既交易會失敗……然後……」

      「因為你係同靈界以自己靈魂交換三次祝福機會。祝福物就象徵咗你既靈魂，如果祝福失敗，你既靈魂會被魔鬼……」千琳吞吞吐吐，臉色慘白如紙，「扯、入、陰、間。」

      聽罷，眾人再次陷入沉默，而我看穿了每人心底的恐懼，包括我自己。





      「所以，如你所講……」芊琴消化著千琳的話，「茹霜會唔會就係進行咗『祝福三遍』既交易，然後失敗咗，就死咗……然後被扯入……」

      「雖然好似太荒謬……」千琳的牙齒隨不安而顫動，「但如果據此思路……我地好可能……就係比茹霜既靈魂扯咗入陰間……」

      「陰間」這一字，隨即使周遭溫度驟降數十度。