27/7/2013

      茹霜最喜歡爸爸了,爸爸待茹霜最好,不介意我有失憶症、貧血,亦包容我有白化症。其他鄰居都經常說我很醜,唯獨爸爸不會笑我的蒼白皮膚,蒼白頭髮。爸爸還說叫我改茹霜這名字是想我如霜雪般純潔無暇,做一個有愛心的女孩。

      我答應爸爸,一定會做愛人如己的天使,爸爸笑了。

3/8/2013

      今天終於可離開最窒息的白色病房了,爸爸來了醫院接送我,帶我乘搭電車看風景。





      我最喜歡乘搭電車了,因為可以在車上觀察路人的行為,想像路上每個人的精彩生活。然後可以鼓勵自己,康復後的我也會像這些人一樣自由自在。

      我想,一定很快樂呢。

      「原來呢個叫茹霜既女仔……係有白化症,唔怪得皮膚咁白……」我詫異的擱下所有日記紙張,思緒混亂到極致,無法整理成一個完整圖像。

      「唔只呢樣……」千琳倏然從口袋裏掏出了一個迷你扭計骰,而且是5x5的,並且肆無忌憚的把玩起來,我第一時間錯愕的問:「你幾時……袋住咗個扭計骰?」

      「嗯?啊Sorry啊,我平時寫懸疑小說一冇Idea就會攞扭計骰出黎玩,玩到有Idea為止。」千琳尷尬的傻笑著,摸著自己的頭。我以前從沒目睹過千琳玩扭計骰,或許是因為我沒看過她寫小說罷了。





      「你地覺唔覺得好奇怪……日記話個女仔……即係茹霜,佢住過醫院,然後又鍾意搭電車……好似……」芊琴欲言又止的,可我立刻明白了她的話,渾身注滿了悚然。

      「醫院」和「電車」這兩個元素,不是正好跟我們所在的地獄空間相符嗎?這是巧合,抑或有著什麼啟示?

      「我有個天馬行空既猜測……唔知會唔會比你地話痴線……」千琳繼續把玩著5x5的迷你扭計骰,卻含羞答答的掃視著我們,再次揭露了她缺乏自信的一面。

      其實,以千琳不遜的外表及裝扮,加上她的寫作塑造的氣質,又何必如此自卑呢?

      「其實,依家呢個情況,發生咩事都唔出奇。」我苦笑,小穎笑著道:「何況翔哥哥本身都係痴線佬,唔會介意既。」





      「嗯……我係話如果……呢個世界係由呢個叫茹霜既白化症女仔,透過精神念力建構架呢……」千琳集中精神盯著手上的扭計骰,「而透過某手段,將我地拉咗入去佢既精神世界……」

      眾人迎來半分鐘的死靜,的確那是很誇張的論述。

      「但係,根據日記內容而言,茹霜似乎係正常人一個,又點會有咁既……超自然力量做到呢樣野?」我相信自己道出了最關鍵的問題。之前我相信,Creator應該是一些超逾正常人的存在,才能建立如此一個異讀空間。

      「嗯,所以我有一個好大膽既假設,」千琳咬著下唇,臉色略顯蒼白,「茹霜……係現實世界已經死咗。」

      我屏住氣息,接著聽到芊琴和小穎的驚呼聲。

      「我唔係憑空咁講……《嗜血異度》作者垂澤明日哉其實有一套1999年既成名作叫《怨之駅》,係日本靈異漫畫界數一數二,佢講既就係一個人死後因為怨念太深,殘存既靈魂精神力就創建咗一個回憶空間,空間入面所有野都同埋佢既創傷回憶有關係……」千琳停止把玩扭計骰,咳了一下,「如果使用Jame仔既論述,可能──」

      「茹霜係現實死咗,而我地身處既……係佢既精神世界?」我也不敢相信自己會說出如此荒唐的話,「如果係咁,似乎佢想將我地趕盡殺絕,佢之前差D殺咗我。」

      「其實……我聽媽媽講,人死後若果積怨深,死魂係會透過某種方式繼續存在……有好多日本故事都有講……」小穎面青口唇白的道,我這才憶起她的母親是日本人。





      突然,好像感覺我們離現實近了一點……

      「其實我都冇根冇據,我地根本唔知茹霜是生是死。」千琳勉強擠出笑容,「不過,假設真係咁,我地似乎要繼續瞭解呢個白髮女妖既背景……先可以知道點離開呢個世界……我地知道得太少喇……」

      「呢度只係佢本日記一小部分,」我皺起眉頭,「可能佢日記其他部分會有更多有用資料……」

      「至少我地目標明確翻。」芊琴莞爾一笑,「你地好犀利啊。」

      「嗯……」千琳緩緩站起來,明顯地雙腿痲痹了,「不過我地搵翻Jame仔佢地先……佢地應該都搵緊我地……」

      我恍然驚覺,連忙察看手錶:21:19。

      我們已經和James、文杰及韻初失散超過一小時了……怎麼他們沒有到西翼找我們呢……他們現在怎樣了?