救爸行動1986(穿越)(愛情)(親情): 3
~「...你...到底係咩人呀?」姑姐唔係質問，
而係用好疑惑嘅語氣問我。
「…er...點解你咁問?」我細細聲咁問佢。
「…阿爸佢地覺得冇問題，但係我覺得唔係咁簡單。
你根本就唔似大陸人，而且廣東話仲要咁流利...大陸人點可能吖。」
姑姐神探伽利略上身咁...指住我講，其實我一向同姑姐都幾好感情，
因為姑姐份人一向都好開通，而且仲接受好多新事物，
阿爸未失蹤之前仲會成日帶我去玩添。
「...er...咁你覺得呢?」我反問。
「...我覺得牙...，er...係咪屋企逼婚?」姑姐諗左一諗之後講。
「...唔係...。」我答。
「...er...唔通係大小姐離家出走?」姑姐可能睇得粵語長片多...咁好想像力嘅...。
「...er...唔係依啲呀。」我答。
「…咁係邊啲姐!」姑姐有啲唔耐煩。
「…我講比你知都得，但係你要保守秘密喎。」其實我咁講都真架好戇居，
到時姑姐反口我都吹佢唔脹架啦，嘻嘻...但係我又真係好想講比佢知喎。
「…好...你講啦。」姑姐諗都唔諗就應承左。
「...er...你有冇諗過你嘅將來呀?」我問。
「…吓...冇喎，咪結婚生仔囉。」以前啲人諗野真係簡單。
「...你冇夢想架咩?」我再問。
「…我地啲女人，書又唔係讀得多學咩人講夢想吖，只要有個男人對我好有個幸福家庭就夠架啦。」
姑姐少女含春咁嘅樣...邊講邊笑咁...，放心啦...姑姐，你會好幸福，而且仲會有兩個女添。
「…喂...點解會變左你問我架，快啲講啦。」姑姐突然諗返起...又開始追問我啦。
「...係啦係啦，...er...有冇睇過(回到未來)呀?」我問。
「…緊係有啦...，上年一上畫我就孖啲朋友去左睇啦。」姑姐講。
「…你覺得套戲點?」我問。
「…幾果引吖...主角帶住啲咁新嘅科技返去30年前喎，咁都比個導演諗到。」姑姐講。
「…其實套戲未完架，會有三集。」我講。
「...我都估到架啦，最尾果度話要去未來救個仔吖嘛。」姑姐講。
「…如果話我就係主角你覺得有冇可能呢?」姑姐唔知點諗呢...。
「…主角係男仔離架喎，你點會係呀。」姑姐睇離gag唔到。
「...我係話...我好似主角咁回到未來呀。」我大聲講，之後姑姐靜左幾秒消化緊我嘅說話。
「...你係話你喺未來離嘅???」姑姐開口問。
「…嗯...。」我點一點頭，唔知姑姐信唔信呢，其實都真係幾難以至信。
「...咩野年份呀?」姑姐竟然冇懷疑，而且仲好認真咁問我。
「…2...0...1...6。」我細細聲喺佢耳邊講。
「...咁...到時係咪成街都飛天車架???」姑姐好好奇咁問。
「...吓...冇喎。」我答。
「…吓...咁係點架?」姑姐再問。
「…唔識點講...不如你想知咩我講咩仲好啦。」我講。
「…咁牙...張國榮仲係咪度呀?」姑姐好興奮咁問。
「…er...唔係度啦。」我答。
「…吓...但係佢依家好紅架喎。」姑姐講。
「...佢係好紅呀，我講果啲唔係度唔係指佢唔紅。」我好隱晦咁講。
「…死左???」姑姐好緊張咁問。
「…係。」我答。
「...咁後生...。」姑姐有啲唔開心咁，鬼咩姑姐係哥哥fan屎離架嗎...，
諗諗吓係咪唔應該話佢知呢。
就係咁，姑姐就問題少女上身咁，成晚不停咁問左我好多問題，
都係啲無聊野...例如邊個明星同邊個結婚呀，回歸之後會點果啲，
姑姐真係好單純...一啲都冇懷疑，不過我此終都冇講到我嘅身世比姑姐知，
費是佢問一啲關於自己嘅野啦。
之後姑姐仲拎左套佢嘅訓覺衫褲比我換添，因為我啲衫褲都幾污糟吓，
所以姑姐陪我一邊洗一邊傾...，洗完仲幫我涼起佢添...。
因為真係傾到好夜嘅關係，所以到第二朝我差唔多訓到中午先醒...。
訓醒果陣周圍啲人都唔見哂，就連本身同我一齊訓嘅姑姐都唔知走左去邊，
成個漁排空無一人咁，我開始四圍搵，但係無論行到去邊，此終都唔見有人。
「...喂...有冇人呀???」我開始驚，起勢咁大叫，但係叫在幾分鐘...此終都係冇人應我，
就連隔離漁排都一樣係人影都冇隻，唔...唔通...我琴日係發夢...根本就冇返到1986???
「…~咇...咇...咇...咇...咇!~」就喺我唔知點算，
成個人方哂嘅時候，遠處突然傳離響按聲。
我自然反應向住響聲嘅方向街左過去，果然...有艘船駛緊埋離，
而且我認得...艘船...就係阿爺果艘...。
離遠已經見到阿爸行左出離，準備將船纜拋向漁排泊船...，
而我...就為有企定定咁企喺度等佢地埋離...。
等左幾分鐘...隻船終於都泊好...，所有人落船...
而我就緊係第一時間衝左埋阿爸度啦。
「…咦...醒左拿...阿宜。」阿爸一見到我就叫我。
「...爸...er...daddy...你地去哂邊喎，一個人都冇...嚇死人咩!」
我想叫阿爸，但係姑姐成個幢左喺度，所以改口叫daddy...，
姑姐冇咩點讀過書...應該未必聽得明嘅...。
「...哦...天后誕吖嘛，附近所有漁民都去哂天后廟度拜神呀...，
場面幾熱鬧呀。」阿爸好興奮咁講。
「…又唔叫人喎...。」我嬲爆爆咁講。
「…吓...er...係阿爸話唔好叫你架...，話你此終都唔係家人...拜神依啲野唔係咁好吖嘛。」
阿爸口窒窒咁講，過份呀...我明明就係你地家人...點解我唔去得喎，
阿爺花名仲要叫(開明佬)喎...一啲都唔開明囉...!!!
「...拿...請你食啦。」阿爸見到我嬲爆爆咁即刻遞左串紅色嘅埋離。
「...咩離架?」我問。
「...冰糖葫蘆囉...天后廟果啲特別正斗架。」阿爸好興奮咁講。
「...咩係冰糖葫蘆???」我接過串野之後，繼續十萬個為什麼咁...。
「…er...我都唔知喎，總之就好食啦...。」阿爸拗哂頭咁答我。
返離之後...阿嫲又開始煮飯，而其他人呢...又係好似琴日咁...
各有各忙，而姑姐就捉左我入房繼續問話啦...。
「...喂...阿宜牙，你頭先叫我阿哥做咩話??」一入到房姑媽就問我。
「...er...果個係我同你阿哥改嘅英文名離嘅...。」我口窒窒咁答。
「…哦...咁架勢架...，乜你識英文架咩...，你讀書讀到好高級架?」姑姐好奇問。
「...er...讀緊中六...。」我答。
「…嘩...我連小六都冇讀過呀，讀到四年班就冇讀啦，
阿爸話女仔唔洗讀咁多書喎...。」姑姐講。
「…咁你讀完之後...做啲咩呀?」我問。
「…冇呀...咪喺漁排幫手囉...，阿爸話屋企有錢喎...唔洗我地出去打工。」
唉...真係好呀...有唔洗交租又唔洗打工，2016簡直係夢想生活啦。
「...咁...咁你大哥呢...?」我問。
「…大哥...，讀到中三，之後都係喺漁排幫手...到依家囉。」姑媽諗一諗之前答我。
「...哦...原來係咁。」我呆呆地咁答。
「…阿宜...你...唔通...鍾意我大哥?」姑姐笑淫淫咁望住我問。