「官商鄉黑警」




第三回: 朱HI敵








中秋節, 晚上十二時, 滿月躲於雲霧後。




金毛經過了瘋狂的一天, 搭了幾個小時的私人飛機後, 他被一班穿着黑色西裝, 架上黑色太陽眼鏡的男人, 掉進另一部直昇機內, 期間, 他聽到這些人用日本語溝通。








本來被一班奇怪的人強行帶走, 是應該害怕的, 但發覺教主剛才也沒有傷害他的打算, 總算放心了一些。




又飛了一會, 他發現直昇機在空中停頓了, 開始垂直下降, 應覺是到達目的地了。他偷看了一下, 在漆黑一片中, 看到地上有數顆紅色的暗燈在一閃一閃, 應該是下降的指標。








他再睜大眼, 總算看得比剛才清楚一些, 但卻不敢相信自己的眼睛: 有一個鎖匙洞在地上, 但這是一個極大的鎖匙洞, 由上至下, 少說最少有五個足球場這麼大。




直昇機下降了不少, 又在半空中止住。金毛身邊的西裝友扣上了好像安全帶的東西, 向他笑了笑, 便伸手把金毛夾在腋下, 跳出機外。




這是他今天第二次跳機了, 他還是十分害怕。








金毛把雙眼閉上, 他感到自己墮進了鎖匙洞之中, 但又穿過了一些樹木, 西裝友便和他安全着陸。




「GOOD JOB!」 西裝友笑着拍拍他的肩, 便把他掉給在地上等侯的另一人, 金毛還未來得及看這人的模樣, 便好像勝騰雲駕霧一樣在樹林中飛馳, 跑了一段路後, 這人突然停步。




「哈....哈佬.....How are ……」








金毛感到自己突然又下墮了:「救命呀~」他肯定自己被掉進了一個深坑之中。 下降了好久, 背部落地, 心想這次死定了。




但他卻感覺不到痛楚, 他不禁想, 是不自已經去了天堂呢?




他張開雙眼, 只見眼前很遠的地方有一點白色的光, 在微弱的光線下, 他看到自己躺在一個十分窄的密室內, 理性告訴他, 這是一個井底。








金毛在自己身上四周摸了幾遍, 發覺四肢仍健在, 不禁大喜:「我無死, 我無死到呀! 呀哈哈哈哈!」




「你無跌死要多謝我啦。」




金毛突然無料身邊有人, 他大驚跳起, 叫道:「鬼呀!」








這是他才發現, 自己落地的地方, 有一個人背脊向天, 相信是以自己的身體來墊着他。




「你...你用個身黎墊住我?」




這人背着金毛緩緩站起, 穿着一件殘舊不堪的綠色背心, 露出的一身背肌, 比金毛看過阿諾舒華辛力嘉的更厚更粗大。他紮起了的馬尾長至且要間, 金毛隱約看到他一頭金髮裡夾雜了不少白髮。這人轉過身對金毛說:「仲唔多謝我?」金毛看到他臉上有一條長長的刀疤, 由額頭穿過左眼直至臉頰, 十分嚇人。




「多謝你呀大佬.…」




「講廣東話喎, 即係自己人啦, 叫咩名?」




金毛面對一個全然陌生的人, 當然不會將真名告訴對方, 便隨便將腦裡第一個想到的人的名字說出來:「我叫朱...朱凱敵呀。」




「朱HI敵?」




「凱呀, 凱撒大帝個凱。」




「邊撚個凱撒大帝呀? 阿叔讀得書少, 凱撒桑拿我以前就成日去。喂, 而家果度D女仲得唔得?」




「係咪荃灣果間呀? 聽聞正骨水黎喎。」




「你阿叔我以前成日去幫襯, 留底不少鳩毛架, 哈哈哈! 個紅牌GIGI見親我都唔收我代支幫我起機。」




「咁正? 阿叔你梗係好靚仔又大條喇。」金毛心諗:「菜檔個阿姐次次都讚我靚仔架啦。」




阿叔可能見金毛啱傾, 便拉着他的手坐下:「細佬, 過黎坐低同阿叔慢慢傾下計, 大把時間。」




「好呀好呀!」 兩人開始吹起江湖事來, 剛好是金毛最會吹噓的事情, 他覺得自己又幸運地逃過了一劫。







教主從萬佛寺離開後, 便坐直昇機回到他在荃灣的私人大宅裡(他直接從直昇機跌到屋頂), 這座三層大宅躲在圍村與樹林之間, 一直以來都只有行山人仕知道這間大宅的存在。




教主直奔沖涼房, 將房門重重的鎖上。確定外面無法打開後, 他將獠牙面具脫下, 隨手便丟在馬桶的水箱蓋上。




脫光了衣服, 再將他的金毛假髮脫去, 真正的教主, 是一個蓄黑色長髮的中年人, 他眉宇間有的是英氣, 但隱現衷傷; 雖然滿身是肌肉, 但雙腿肌肉的過份強壯, 使得與其他部份看起來不成正比。




洗澡過後, 馬上將假髮及面具戴上, 便通過內線電話, 叫在外等待的人進房來。




首先進來的是一名三十多歲的年青人, 有五名衣着性感的少女也跟隨他進來。




「教主, 我係新任既香港分部主管, 我叫鄺.…」




「嗯, 得喇。」教主示意他住嘴。




之後, 一名四眼, 帶着草帽, 着涼鞋的阿叔, 手持一本筆記進來。教主揚手叫他:「雲兄, 好耐無見, 過黎呢邊坐。」示意他坐在自己身邊, 看得出教主對他十分看重。雲兄坐下來, 除下草帽, 露出了光秃的頭頂。




教主問年輕主管:「咁夜黎, 係唔係有咩特別嘢要報告?」




「教主, 屬下係希望可以親身拜會下你老人家。教主路上辛苦喇, 帶左幾個下人黎服待你, 可以消除疲勞架。」




教主轉頭望向雲兄, 手向後一揚, 打出一式如來神掌, 年輕主管完全來不及反應, 胸口中了一掌, 吐血身亡, 嚇得眾少女大聲驚呼。




教主說:「我最憎人靠使手段上位, 無實力就罪加一等。」




雲兄說:「教主體諒下啦, 而家普遍年輕人係咁, 但其實好極端, 差既變得好差, 剩低少數好既, 真係好有理想好有實力, 比我地果個年代更進取。」




「你講香港人?」




「係!」




「哈哈, 雲兄, 請問一下份名單.…」




「準備好喇教主, 請你過目。」




「辛苦你喇。」教主接過雲兄手上的筆記閱讀起來。




雲兄向教主解說:「教主, 你離開左香港咁多年, 呢度變得好快, 幫會要搵真銀, 甘心接受共產黨統戰, 所以而家真係有實力既江湖人士得返不下十個, 但社團人數都唔少既, 詳細資料可以睇呢一頁....」




教主心想:「嗯, 真係懷念以前我地班兄弟, 逐個區去打低惡霸既年代…」




「教主, 有趣既係, 惡勢力越黎越弱, 不等於香港越黎越安全喎。由於政府施政嚴重失效, 所以近年出現左為數不少既小型社團, 去反對政府, 呢班人識得利用媒體去發聲, 所以政府都好頭痛, 唯有不斷咁加強武力去壓制。」




「越壓制, 反對聲音會越大。」




「絕對係, 所以搞到而家七國咁亂。」




教主搖了搖頭:「唔亂, 又點撈到油水呢。睇黎搞事既人, 同我呢個老野諗既嘢差不多, 但班後生仔睇唔透。雲兄, 多謝你既安排。」指一指房內受驚的少女們:「呢班女點處理就交俾你喇, 今晚你就係度休息啦, 聽朝請你負責帶隊行事。」




「係既教主, 多謝教主。」







在井底之內, 金毛將今晚在圍村內, 發生的不可思議事件全盤告訴了阿叔。阿叔邊聽邊搖頭。




「嗯, 一切都係命運既安排。」 阿叔嘆了一口氣:「可惜, 可惜, 一個國際大都會, 東方之珠, 只被幾個人就搞到亂七八糟, 都係英國佬睇果陣好。」




金毛說:「可惜我本人就未體會過。」




「你幾多歲呀?」




「十八。」




「哦, 咁你老豆老母經歷過囉。」




「點知, 我都無老豆老母既, 我出左世無耐就死哂咯。」




「哦, 咁你得到我師兄傳授你降龍掌, 你都幾生修道啦。」




「道友強係你師兄?」




「嗯, 我尊稱佢做師兄啫, 世上只有佢識降龍掌。後生果陣佢學壞左, 出黎行同吸過毒, 後來重遇返佢失散多年既細佬, 就成功戒左, 後來我有三個D事分開左, 我就中左暗算被困係呢度直至而家。」




金毛數一數手指:「你被困係呢度16年? 日日有人黎餵你架?咁你大小二便.…」




「靚仔, 真係要感謝耶穌加埋佛祖同事頭婆呀, 我係度餓到幾乎死果陣, 終於俾我參透左點樣以<吸風飲露>維生, 我十幾年無食過嘢喇。」




「屌, 吹水啦你。」




「等阿叔示範你睇。」只見他將身上衣服脫光, 雙手雙腳張開, 頭仰天緊閉起雙眼。金毛感到身邊的空氣突然變得很寒冷, 他覺得唇乾舌燥, 身體內的水份突然被抽出, 十分難受。




只過了一會, 阿叔收回雙手, 回過頭來看着金毛說:「搞掂, 又一餐。」金毛見他突然張出了滿臉的鬍鬚, 指甲也長了不少。




「嘩....」金毛無法言語:「真係乜都有, 我信你喇, 但係點解你會突然生鬚既呢?」




「哦咁我又唔知喎。」說着阿叔運起內力, 用手往臉上一抹, 竟將所有鬍鬚除掉。




金毛不禁拍起手掌來:「教我得嘛?」




「得, 但等我去埋廁所先, 呢種功夫既副作用就係散左功, 即係吸收完, 要即刻痾。」他蹲下往井內的另一個方向爬行, 原來那裡有一個小洞, 剛好夠一個人爬進去, 金毛在黑暗中並沒察覺到。




因為他也想去小解, 便跟隨阿叔也爬進洞裡, 在微弱的光線下, 他見到阿叔蹲在一個如單人床大小的盒子邊陲上, 正在大解。金毛也不客氣了, 便在另一邊小解,累積了這麼多年的大小二便, 實在是奇臭無比。




完成, 阿叔將放在一邊的板子蓋回盒子上, 大小剛好。只輕輕發出了石頭的碰撞聲, 可見阿叔神力。




阿叔說:「教你都得, 但係你要幫我手出去。」




「呢度咁高點出呀? 你知道有出口咩?」




「唯一既出口就係你入黎果度。」




「唓, 咁除非你識飛啫。唔通你真係識?」




「你都癲既, 以為我係超人呀?。嗱, 聽住喇。」金毛心想:「你連吸風飲露都識, 仲唔係超人?」阿叔手腳並用地向金毛解釋了一會。




金毛:「睇黎真係有機會得喎。」




「信我, 一定得, 所以你要即刻開始修練。」







待續....





請LIKE我的FACEBOOK: https://www.facebook.com/touchpat2014/