「官商鄉黑警」




第六回: A380








中秋翌日, 晚上七時, 香港國際機場停機坪。




隨從右手出擊, 將雙截棍向CK面門擊去, CK反應不及被打中後覺得頭昏腦脹, 沒法反應之下, 被隨從以快打慢連擊數次, 四眼見狀, 從他的坐駕掏出兩把飛刀擲向隨從, 竟也被他以空手入白刄接着, 沒收了雙刀。








正在駕車的光頭見狀, 知道此人功夫厲害, 自己師兄弟三人和他單打獨鬥都絕無勝算, 便將車加速, 扭轉方向和金毛的車並排, 叫道:「CK, 金毛, 準備出大絕!」




「收到!」 CK和四眼同時回應, 並跳回光頭的開蓬機場維修車上。








這時, A380已在跑道上加速滑行了好一陣子, 看來隨時可以起飛。隨從見真教主阿龍已從飛機機輪爬進了機內, 向金毛叫道:「金毛, 將車駛到機輸前面!」




金毛加速將機場維修車駛到機輸前, 他覺得自己被巨輸追趕着, 有點懼怕, 不其然將車再加速, 使兩者距離拉遠了一些, 同時間, 光頭三人的車也追至, 兩車又並排在一起, 相隔不到一英呎。




CK跳到起, 兩腿橫跨同時踏着兩車的車頭, 用自己的腰帶將兩車綑在一起後, 便向光頭點頭示意。








光頭向隨從大叫:「看招! 三! 絕! 掌!」雖說是三掌, 但其實是三人各使出兩掌, 共六掌將隨從完全包圍。




隨從此時感到, 掌勢雖然緩慢, 但每掌都注滿了內力, 是貨實價實, 失傳了幾百年的真功夫, 此時方知道太小看了三人。




在硬擋任何一掌, 都會身中餘下五掌的情況下, 隨從唯一的選擇就是打出一個缺口, 他將雙截棍接上, 轉了一下, 使雙截棍變成一枝槍, 向看來掌力最猛的光頭開槍。








光頭馬上放棄出掌伏下, 隨從立刻從這缺口躍出, 可惜無法完全脫身, 慘中了四眼及CK的四掌, 登時被打至橫飛, 但他在空中仍借勢轉手, 將雙截棍飛射至CK的面額, CK登時被他打飛, 從奔馳中的維修車墮至地面, 消失在機輪後。




金毛:「YEAH! 搞掂一件, 勁呀!」 隨從目無表情望向他, 嘔出一大口鮮血, 白色的上衣全被染紅。




「CK!!」 四眼望着正在收起的飛機滑輪:「光頭, 黎多次啦!」








光頭點頭示意:「為左師父!」




「為左師父!」 四眼躍至空中, 光頭低抄, 兩人使出四掌擊向隨從, 缺少了兩掌, 令二人少了守勢, 但掌力比剛才更強, 是同歸於盡的招數。




身受重傷的隨從處變不驚, 他運勁將金毛由駕駛座抽到半空中, 說:「去幫教主!」轉了一圈並將金毛丟到飛機滑輪上, 滑輪的蓋子剛好合上, 金毛也剛好能進到飛機之內。隨從從車上躍起再跳離車子, 騰空時再轉身, 雙手掏出四眼剛才擲向他的兩柄飛刀, 注入內力, 反擲向四眼及光頭的面門。








兩人犠牲自我的主意已決, 目的旨在要擊中對手, 兩柄飛刀都插進了二人的咽喉, 在他們距離死亡的謹餘的一瞬間, 四掌擊中了隨從的兩手, 掌勁貫穿了隨從的雙臂, 骨, 血和肉登時爆開, 化為血水, 隨從失去兩臂墮地, 鮮血不斷從雙肩噴出, 倒卧於血泊之中。光頭和四眼咽喉被刺破, 回天乏術。




A380終於順利起飛, 龍哥從機輪爬進行李倉, 再進入了坐滿了正在逃難的政府官員的乘客經濟倉, 官員們見起飛中有一名金髮老者在機倉中行走, 感到十分奇怪, 但所有人都乖乖的縛上安全帶坐着, 沒有任何人要阻止他, 畢竟大家都正在逃難, 多一事不如少一事吧。




由於A380是一部十分巨型的客機, 龍哥花了一點時間才能行完經濟倉, 他有預感, 要找的人就在機長控制室。




「找對了!」當龍哥走到機長控制室門前, 一人筆直的站立着, 雙手放在腰後, 氣度不凡, 此人正是今天在龍眼圍村, 帶領光頭, 四眼及CK三人與黑警對抗, 及鼓動市民去包圍警局的那位大叔。




他向龍哥說:「恭喜你成功出到黎。」




「虎, 做咩唔帶返個面具呀?」 原來這位大叔叫阿虎。




「會喇, 你等我做埋少少手尾先。」




「好。你有咩遺言而家可以諗定, 我幫你帶埋啦。」




「多謝你, 阿龍。」




「兩兄弟, 客咩氣呀...…」




阿虎從他的背包掏出一部手提電話, 他跑到乘客倉, 啟動了攝錄機, 一邊拍攝在機上的各乘客, 一邊介紹:




「各位親愛既香港人兄弟姊妹們, 我而家就係呢架包機度, 飛緊去北京架, 在坐既乘客有: 特首啦, 特首夫人同埋佢既家人啦, 仲有呢位, 政務司司長呀, HELLO, 後面就係局長啦, 阿一啦, 仲有下一層呢就坐滿哂其他局長呀, 仲有…」




此時警務署署長和其餘十幾人, 一擁而上將阿虎撲倒, 想阻止他繼續拍攝。被撲倒在地的阿虎, 不慌不忙地, 將影片成功發送至各大傳媒。




阿虎倒卧在地上, 任由眾人搶去他的手提電話, 想阻止影片發送出去, 但已太遲了。他一手搶回手提電話, 用五指梳理一下長長的黑髮, 向他們說:「各位, 架飛機而家起飛緊, 你地唔坐返埋位, 好危險架, 你知道你地係達官貴人黎架嘛。」




警務署署長不知在哪裡取來了滅火筒, 向阿虎擲去:「人你老母!」




阿虎跳開, 一下飛坐進警務署署長的坐位, 拿起坐在旁邊署長夫人的左手, 運勁一拗, 硬生生的將署長夫人的左手扭斷, 並撕了出來。署長夫人看了一下自己被扯斷的左手突然後, 劇痛才傳達至大腦, 登時昏倒過去。




「禍不及妻兒。」阿虎走到空姐專用的對講機, 打開擴音器, 確定全機都聽到他說話後, 打開手提電話繼續攝錄, 對各人說:「各位親愛既香港問責高官們, 你地對香港人做過D咩, 你地心知肚明。所以而家就要你條狗命黎贖罪。」




阿虎繼續說:「不過我諗大家未必想死, 所以我俾多個選擇你, 殺你隔離果個, 邊個成功殺死你隔離位果個人, 我就放佢一條生路。」




「同埋我話俾大家聽, 呢架飛機已經唔係去北京, 係轉左去日本, 你地邊個成功去到的話, 我擔保你係日本政府既保護之下, 作為政治難民會好安全, 起碼共產黨郁唔到你先, 好過去北京啦, 係嘛?」




特首此時舉手, 大家以為有救了, 我們的領導人為我們想到解決方法了。




特首向阿虎提問:「我有個建議, 但可唔可以暫時唔好影住?」




阿虎笑了一笑, 裝作將錄影暫停, 把手提電話放在一邊, 其實仍然在拍攝中: 「好, 你講。」




特首:「係唔係一邊要殺身邊果個? 可唔可以同其他人交換呢?」




「我唔係好明你意思喎?」




「即係由我去鍊死司長個老公, 由司長去鍊死我老婆, 咁得唔得呢?」




「咁唔係唔得既, 但你唔俾係你老婆鍊死你架咩?」




「我老婆好愛我架, 佢唔會有異議既。」




阿龍在阿虎身後看着, 不禁搖頭嘆息, 他覺得阿虎的手法雖然極端, 但認同這班人真的該死, 所以也沒出手阻止。




阿虎不禁大笑:「真係抵你做特首呀, 好嘢! 夠狠呀。好啦, 咁我宣佈呢班[撕殺客機]係五分鐘後開始, 大家可以互相傾下講下數先。」




特首坐下, 感到危機解除了, 還可以到日本, 面上露出了笑容:「老婆呀…」




特首夫人用拿着自己的手提電話, 用盡全身氣力向特首的臉頰重擊, 每扑一下, 她都像美國女網球手大威一樣, 禁不住發出叫聲:「AR AR AR AR AR AR」




連續扑了幾十下之後, 手提電話破了, 她終於停下來休息。她看着阿虎, 阿虎向她豎起手指公示意做得好, 並揚一揚手, 特首夫人好像和阿虎心靈相通, 她轉身向機內各人大叫:「各位太太, 唔駛等五分鐘喇, 人不為己, 天諸地滅呀!」




阿虎拉走阿龍, 二人走到餐廳, 將門鎖上, 阿虎為阿龍沖了一杯架啡, 並將片段再傳給各大傳媒。




門外傳來了陣陣慘叫聲。




金毛登上了A380, 穿過正在互相撕殺的人群, 看到上了鎖的餐廳門, 便猜想龍哥可能在裡面, 心急之下運起內力一扭便很輕易地將門鎖破壞。門打開, 感到一陣熱氣從餐廳之內湧出, 難受無比。




他看到龍哥已爆發出一身橫練肌肉, 雙臂窂窂地捉着一個阿叔的一雙手腕, 正在用全身力量, 不讓那個阿叔鬆開, 兩人對立着就像在鬥大力。




阿虎看見金毛, 終於明白, 是他的出現令阿龍可以逃出, 而且自己的下屬當中也有人出賣了他。但他還是勉強地擠出笑容, 向金毛微笑說道:「黎左嗱, 坐。」




阿龍看金毛一眼, 只說了一聲:「細侄, 對唔住喇。」捉住阿虎的雙手向上一揚, 將阿虎凌空舉起, 然後要將阿虎往地上重重摔下去。




阿虎凌空撐開雙腿, 再往阿龍的面門狠狠一踢, 登時爆發出「呯」一聲巨響, 金鐘罩只能勉強抵住這招, 令阿龍忍不住吐出一口鮮血。




「裂頭腳??!!」金毛忍不住叫了出來。




阿龍本來捉住阿虎的雙手, 馬上轉為捉住雙腿並抱住在懷內, 將阿虎下盤鎖死。




阿虎雙臂向外一撐, 雙掌突然變成火紅色, 再往內合, 向阿龍雙耳拍下去。阿龍馬上運勁將金鐘罩集中防護頭部, 但這兩掌實在太剛猛, 中了兩掌後, 使他雙眼幾乎被拍出來, 馬上要想昏倒。




阿龍仍死死抱着阿虎的雙腿, 他怒吼一聲跳起, 將重心向阿虎傾, 阿虎也沒想到他會有此一着, 後腦重重着地。阿龍馬上抱着阿虎往側邊一滾, 他的力氣實在奇大, 阿虎躺在地上加上雙腿被制住, 完全無法反抗, 被他再使用同一招撞擊後腦, 阿虎的頭部受了重創。




阿龍沒有停下來, 不斷地以抱着阿虎滾動去攻擊他的頭部。阿虎感到天旋地轉加頭昏腦脹, 慚慚有點失去意識, 唯有使出剛才的掌法, 在不斷被撞的同時, 往阿龍的身上出掌。兩人你一滾, 我一掌, 金毛在一邊看着都無法插手幫忙。




滾了十多下, 兩大高手都各自中了對方多招, 阿龍使用的力氣較多, 他最後滾一下便無力再抱着阿虎, 將他鬆開了便軟攤在地上; 阿虎也痛得要雙手抱着頭在地上滾動, 兩人打個平手。




阿龍抖着大氣說:「唔打住喇, 抖陣先好嘛?」




阿虎緩緩爬至牆邊, 半卧着說:「睇黎你今次真係想殺死我喎, 可惜你無咁既機會, 因為你已經無哂貨。」




「咁唔通你仲有貨派咩?唔駛扮嘢啦, 大家做左咁多年兄弟, 有幾多斤兩, 心中有數啦。」




「我仲有呢件金毛仔喎。」




「睇下點。」




金毛聽二人對話, 完全摸不着頭腦。阿虎對金毛說:「你見到我用裂頭腳, 都估到我係邊個啦?」




「你係萬佛寺果個蒙面人?」




「無錯, 你所認識既道友強, 係我親生大佬, 即係你大伯, 而我, 就係你親生老豆。」




金毛忍不住大笑回答:「哈哈! 你估STARWARS咩而家…」他看見阿龍對他微微點頭, 感到不能相信。




阿虎說:「你諗下, 你係圍村咁多年, 道友強就係果度咁多年, 係唔係? 你一個孤兒仔係圍村咁耐, 無俾人恰死仲可以有兩條靚跟你, 點解? 你天生好抽得?」




「係你大伯一路暗中保護你咋, 到最後一刻仲將佢既絕學傳埋俾你, 其實佢對你真係唔錯喇。」此刻金毛腦中想到的, 是他前兩天還迫道友強, 即自己的親大伯, 飲香爐灰溝可樂...…




阿虎繼續說:「阿仔, 我搵左你好多年, 我發散哂人去世界各地搵你, 無諗到原來係我大哥將你收埋左係圍村...…」




阿龍:「大哥佢係睇到你棄明投暗, 佢唔想你地家族唯一既血脈會走入邪道, 所以將金毛帶走左。」




「我入左邪道? 你呢位真既教主, 原本都係諗住將本教轉入正道架啦? 我咁多年來, 又有做過咩邪惡既事咩?我甚至投資俾ELON MUSK, 令人類可以移居火星添。」




「咁你頭先係飛機又殺咁多人?」




「呢班人黎架咩? 佢地死哂, 對世界有害定有益? 好多人會覺得我係英雄喎。」




「正因為世界頭要英雄, 正道要英雄, 邪道都要英雄, 呢個世界, 無英雄出現, 無英雄既故事流傳, 人類就無辦法團結起黎, 正因為咁, 我要打破香港人守舊既觀念, 令佢地亂哂, 先可以重新洗牌, 再用我建立係黑白兩道既英雄型像, 去團結所有人。」




金毛插咀:「無知一問, 點解唔可以只做一個英雄去團結全香港? 要做兩個?」




「世上有正先有邪, 又要有邪先有正, 咁先平衡到。而從兩邊既平衡之中去創造利潤, 就係我地呢D幕後大玩家, 咁多年黎係世界上操控愚昧既人類既手法。」




「唔明。」




「舉例: 軍隊係因為要保護國王而生, 但無強盜亦唔需要有軍隊。所以要有人變D強盜出黎, 果個人向國王建議成立軍隊, 咁果個人從中就得到國王既許可去經營軍隊, 當中賺取利潤。經營軍隊同經營強盜既人都係同一個人, 咁先可以調整到兩方既平衡, 咁先可以長久咁玩落去, 明嗎?」




阿龍說:「咁我真係玩唔起呢個遊戲, 睇黎你做教主先係啱。」




「駛乜講, 而家你地明哂, 阿龍, 你仲會唔會想殺我? 原諒我當年暗算你, 好嗎? 對唔住。」阿虎誠懇地望住阿龍, 得到他一個點頭回覆。




阿虎大喜:「好兄弟! 以後我既嘢就係你既嘢, 有福同享!」轉頭望向金毛:「阿仔, 你信唔信阿爸咁多年來一直都無放棄過搵你?」




「但係點解大伯要從你手上帶走我?」




「係一個好長既故事, 你大伯思想好偏激, 佢希望我地做正義超人, 但你信我, 正義超人我做過, 結果只會係, 俾呢班狗官政客當傻仔咁玩, 當玩具咁舞, 當CONDOM咁用, 用完即棄。」




阿虎繼續說:「而家既香港, 我帶返個面具就係火雲邪神, 成個黑道我渣FIT; 白道, 又係我阿虎同三個徒弟做領導者, 佔領警局; 黑警更加廢, 俾我兩邊既棋將哂軍, 佢地投任何一邊, 都只會變成我既工具。阿仔, 阿龍, 香港係我地架喇, 下一步...…」




「呯!」




突如其來傳來砰的一聲, 半卧在地上的阿虎, 火雲邪神的胸口有一絲灰煙, 從一個小孔內霧出, 然後鮮血泊泊地流出。阿虎不能相信地望着自己的胸口, 咳了一聲, 大口鮮血從口中噴出。




「呯! 呯!」 再有兩槍, 由餐廳門口的一人的手槍, 打中了阿虎的身體。金毛往門口一望, 只見一個身型灰悟的人, 滿身鮮血, 拿着剛發射完的手槍指向阿虎, 這人就是剛才三絕掌之一, 被阿龍的隨從打至跌墮於機場跑道上的CK。




「下一步就係反攻大陸, 對嗎? 好師父。」




「阿虎!!!」阿龍飛往阿虎身上, 運起金鐘罩保護着他。




金毛望着阿虎, 剛相認的父親, 被他的徒弟親手殺死:「你到底係咩人, 點解你要殺佢?」




「哼。」CK轉將手槍指向金毛。




金毛向CK直飛過去,運起金鐘罩,用胸口擋下了這一槍,忍痛下使出降龍有悔,正正打在CK的胸口,掌力因憤怒變得奇大,使CK胸骨盡碎,內臟爆裂,登時吐血身亡。




金毛查看一下他掉下的手槍, 槍柄上刻有一顆五角星, 及CCCP 四個英文字。




「面具....」阿虎命阿龍往他的背包內找火雲邪神面具, 拿出來後,驚見面具的裡面刻有文字。阿虎在阿龍耳邊耳語了幾句,便揚起無力的右手,召喚金毛過去。




阿龍:「快D過黎叫聲阿爸。」




金毛雖然對這個從來沒見過的父親沒什麼任何感情, 但好感確是有的, 便跪下叫了一聲:「阿爸…」




「乖仔。」嘔出了一大口鮮血:「聽住...唔可以俾人知我死左...否則...的話...好大件事...阿龍...請你帶住面具做返教主...記住...唔好俾人知...我死左呀…」阿龍唯有點頭應承。




「阿仔...你大伯誤會左我...其實...我從來無諗過要....咳...咳...將你塑造成任何人...我真心希望你...你可以...有自己精彩既人生…」




阿虎流下了一滴眼淚, 看來不行了。他說:「做英雄...負擔...太重...可惜...我同你相處既時間...太...少...如果你無失蹤...我諗...我唔會變成咁...其實...我只想做一個...好...爸...爸...」他捉住金毛的手:「海...我要去陪你媽媽喇。」金毛不明白, 他想葬身於大海, 還是...我的名字其實是[海]?。




阿虎轉望向阿龍, 展示出最後的微笑:「真懷念...以前我地成班靚仔...無牽...無掛…」阿虎的身體慚慚變得冰冷。




中秋翌日, 晚上十一時。




A380客機終於降落, 由於發生了特殊事故, 降落前機長也沒作出廣播了。




躲在一邊的空中服務員喜見能平安著陸, 便馬上打開緊急脫離用的充氣滑梯, 逃離這班死亡客機。




機上乘客十分感恩劫機者遵守承諾, 讓自己有機會繼續生存下去, 更加脫離共產黨的魔掌, 得到日本的保護。




當然, 親手殺死自己的另一半這回事, 對這班終極自私的人渣, 會否在未來的人生裡, 留下任何壞的應響, 沒人知曉。




乘客一個又一個的滑出, 最終能出來的還是男性居多, 他們對於能逃過一劫, 再次安全地站在陸地上, 高興得不禁要互相擁抱。




他們東張西望, 看見遠處有一群人向他們快步跑來: 「一定係日本的政府官員來迎接自己了。」 他們這樣想。




「晚安既日文點講呀?」, 「問吳局長啦, 佢成日去日本架!」, 「屌, 我鳩知咩!」




那班人越跑越近, 沒有一個穿着制服; 也沒有一輛旅客巴士正駛過來迎接自己, 與這班生還者的想像很不同。生還者們呆站着, 白思不得其解:「乜日本政府唔派警察同巴士黎車我地架咩?」。




那班人向生還者們跑得更近了, 其中生存下來的民航署署長定下神來看一看周圍:「呢度唔係日本...係...香港呀!」




「班機唔係去日本架咩?」, 「死仆街! 冼我!」, 「快D走喇, 俾香港人捉住, 我地仲慘過死呀!」




可惜已太遲了, 瘋狂的批鬥及撕殺正式展開, 慘叫聲由A380的巨輪下, 經網絡直播傳遍整個世界。




金毛抬着父親的屍體, 與阿龍悄悄地跳地下飛機的另一邊, 離開人群快步走向海邊, 赫見有一人影站在自己面前, 這人披頭散髮, 目無表情, 全身佈滿鮮血, 而且還沒有雙臂。




「教主...屬下...」隨從生存了下來, 但已受了極重傷, 全靠意志力和深厚內力保住了性命。阿龍一手抱起他, 將他托在自己肩上:「咩都唔駛講, 辛苦你喇…」




這就是義氣。




三人消失於夜幕之中。




下一回: 結局....





請LIKE我的FACEBOOK: https://www.facebook.com/touchpat2014/