簡介

青春,是一道明媚的陽光,有人說:「青春只是一場夢。」也有人說:「黃金有價,青春無價。」 大部分人的青春都是美好的,可是我的青春⋯⋯啊對了,我的名字是姚嘉嘉,今年中四了。青春真的只是一場夢,我的青春已經過去一半了,它像謎一樣的迷離,像風一樣的撲朔,像我指尖的沙漏一樣…… 這篇小說記載了我和他的故事,這都是真人真事,如有雷同實屬巧合。



仲記得中一聖誕假之後返學嗰日

「Hera!喂!」
「姚嘉嘉!你聽唔聽到我講嘢架!」
「姚嘉嘉!」
王許欣(Vivi)係咁大嗌
「做咩啊Vivi,我唔係聾架我聽得到架。」我好無奈咁應佢。
「冇嘢嘅⋯⋯不過小弟有件事想拜托下Hera姐你咁姐⋯⋯」Vivi成個Tone轉晒不知幾溫柔咁同我講
「怕咗你啦講啦!睇你個樣又係要我幫你落去交功課呢?」
「姚嘉嘉你幾時變得咁聰明架?唔該你啦幫我交數學簿同英文工作紙落去啦,嚟啦⋯⋯我地咁老友⋯⋯」


「好啦好啦你真係行幾級樓梯都得你真係懶————過隻豬呀!」

我一邊揸住佢份功課,一邊帶番隻錶,耷低頭咁樣行左出去。

「呃。」一把濃厚嘅聲音傳入左我雙耳
我抬起頭,係我眼前嘅係一個1.75米高嘅男仔,咁啱陽光反射左係佢塊面度,我同佢嘅相遇就好似電視劇咁奇妙,我唔小心撞左落佢度。
「唔好意思呀⋯⋯」我好唔好意思咁講咗唔好意思。
「唔緊要。」
當我諗住即刻走人嘅時候,佢叫住咗我。
「嘿。」 「嗯?」


「冇,我係個Form one仔,唔知你識唔識邊個叫姚嘉嘉?老師叫我攞張通告比佢。」佢ngao左下頭咁講

係呀真係好膠啊,可能睇到呢度你已經想即刻退出唔想再睇落去,但係呢個係我同佢真實嘅相遇情節,當時我心諗,哇有冇咁橋呀,電視枱啲情節套係我身上都有嘅?

「Eh...其實我係⋯⋯我係姚嘉嘉,我都係F1仔嚟架咋。」
「Um,Miss Ng 叫我比張通告你,Um,我係林子墨。」
「OK⋯⋯咁我攞咗張通告先啦,我要落去交功課,Er......Bye!」

唔知點解當時我好緊張,口齒不清咁,但係我就好倉促咁走咗。



係嘅,呢個就係我同佢相知嘅情況,講出嚟都有啲令人難以置信,因為⋯⋯真係好膠,不過呢⋯⋯呢件事令我開心左成日(・ω・)ノ




待續。
已有 0 人追稿