其實銀行業務範疇真係好x闊,由前線的私人、零售、中小企業,大企,Bank-to-Bank、以至後勤的風險管理、會計、法律、人事等五花百門,你還記得大時大節d親戚朋友問你做邊行時,你答做銀行的話,佢地第一個印象已經認定左你係佢屋企樓下d銀行分行返工既。當你諗住同佢解釋查實你係做MT的話,佢只會問你想飲咩tea?
跟住佢就好快認定你係朝9晚5坐櫃臺數銀紙準時收工返到屋企睇《愛回家》跟住片頭曲同欣宜一齊唱~🎶困倦了總有家中這道門,為我開...🎶~
實際上,《8時入席》都未X番到屋企,能夠陪著你走/陪著你嘔既係《晚間新聞》又或者無記重播一d昔日賣座既電視劇。
相比起外國人,香港人好多野都比較短,唯獨優勝的,就係工時。
不過工時長唔長呢樣野,其實都好主觀。
有些人,朝9晚5都話痴線、烚戇、辛苦、想死、做唔住、跳樓、你無X野呀?
到佢放左工之後可能都係出街遊蕩、去YO、去浦、又或者返屋企上網搵人吹水、煲電話粥、煲劇、打手機。
又有些人,朝8晚11都唔倦,一樣覺得份工好充實,生活好精彩,唯獨你是不可取替,很想一生跟妳走。
其實時間怎樣用,斷定了你的生活質素。
上一輩教育未普及,能夠入讀大學的,不一定是學業成績名列前茅的,但一定是家境能夠應付學費的。




家窮,需不至於樹皮充飢,但為了生活,屢屢出現放棄學業自幼出來工作養家的生活。
投入職場多年後能夠滿足最基本需要後,就開始半工讀夜校提升職場機會。唔信的話你可以去問你daddymammy。
還記得,想當年中學會考中國語文死背爛背的26課中,其中一課揭示人應該有的生活態度正正是梁啟超的《敬業與樂業》。文章用語簡明親切,富有感情,既能令聽眾明白,又能打動人心。
文中,敬業的方法是:
(1)忠於事情,集中精力而不旁騖。
(2)事無高下,要正經來做;凡職業都是神聖的、可敬的。
(3)因自己的才能、境地,做一種勞作,力求做到圓滿。
奈何,你、我,她的身邊都會充斥一批又一批埋怨自己工作的人,日又X、夜又X、除左出糧果日之外,日日都西口西面,明明人工就上流,個人格就下流。
都啱既,有人每個月出2萬蚊個銀行戶口都儲到100萬,同樣,有人出20萬糧都呻窮,入不敷支,資不抵債。
無錯既係,初入職場8000蚊人工都覺得好夠用,因無欲無求;到有一日你搵80000人工果刻你反而覺得養不起自己,事關物質生活己一點一滴注入血中,灑不掉、揮不去。




與其X住做,何不笑著做?
已有 0 人追稿