「不過照我頭先咁睇,佢應該都對你個 friend 好有興趣咁喎!哈哈!」強哥笑説著。

我不知道該怎樣回應,於是只有敷衍地答道,「我唔知喎,又唔關我事!」

「唔關你事就最好啦!無論牌面定牌底,你同佢都冇得揮啦,哈哈!」強哥繼續嘲諷著我。

「超!你顧掂你自己先啦!阿 Clara 姐咁好條件,幾時到你賴蝦蟆食天鵝肉吖!」我反駁道。

「我冇打算得到啲咩喎!係人生中比我搵倒個值得守護嘅人,我已經心滿意足。」強哥微笑著説。



我沒有心情再與他爭論,於是便與 Venci 一起返回單位之中。

在屋內等待了一會,強哥再次與 Clara 在門外出現。

「本身諗住邀請你返我屋企坐吓嘅,不過有人唔係咁想見倒你,所以我唯有帶埋枝靚紅酒上嚟同你聚一聚啦!」Clara 站在門外説道。

「哦... 咁妳哋入嚟先啦!」我只有邀請她們內進。

「點呀 Roy 少?估唔倒喺度見返你喎,之前嗰兩條女呢?」Clara 問道。



「唉... 佢哋已經喺一個叫孝信嘅人手上,琴日我有見過佢哋,不過孝信叫咗我出嚟... 執行任務之後,就唔知佢哋點喇!始終過咗成晚都冇返過去,我驚孝信唔知會對佢哋點。」我擔心地説著。

「喂,咁你喺度齋擔心都冇用㗎?你冇諗過下一步應該點做㗎咩?」Clara 質疑著。

「我... 我原本打算完成任務後返去,就可以見番佢哋...」我戰戰兢兢地答道,其實,我確是沒有周詳的計劃。

「執行任務、執行任務... 你執行完任務,條友係咪會放咗佢哋先,如果唔係你要一直幫佢幫到幾時?同埋你嘅人生淨係識不斷瘟女咋咩,有冇諗過啲有大志嘅嘢呀?」Clara 説得面紅耳赤。

一個連短期目標也沒有的人,又怎談得上什麼偉大計劃?



更何況,我本來就是想過得一天便是一天。

雖然我沒有開口,但我的表情已經揭示了答案。

「唉... 無嚟大志,如果我係 Vicky,我都揀佢唔揀你。」Clara 不屑地説道。

「超!有乜所謂啫!我而家都大把女,多到食都食唔曬!真係多佢一個唔多,少佢一個都唔少囉!」我不忿被他人比下去,老羞成怒下連一些不該説的話都衝口而出。

「Okay,fine!就當我搵錯咗你,我走先喇!」Clara 説罷已經轉身離去。

「唉... 你唞吓先,再傾啦兄弟。」強哥亦緊隨他女神的匆匆離去。

「你唔洗咁唔開心喎!你其實唔洗跟住其他人嘅諗法做吖!每個人嘅路都唔同家嘛,唔洗個個都跟住同一個方向走。更何況而家咁幾好吖,安安樂樂咁,又唔洗打打殺殺...」Venci 努力地安慰著我。

我本來也不太在乎,但當知道 Vicky 會另投他人的懷抱時,我內心感到十分難受。



難道,我在不知不覺間已經愛上了她?但我們實際上仍沒有開始過...

還是,這只是我見一個愛一個的老毛病?

我開始懷疑自己的存在價值,甚至想衝到街上,與怪物們力戰後筋疲力盡而死。

可惜,我並沒有這種勇氣。

我把自己關在房間之中,一直至夜深,我終於抵受不住饑餓而步出客廳。

當我吃著貯物櫃內的乾糧時,門鐘忽然響起,門外站著強哥的身影。

看來,屋內有人將我的狀況告知。



我把門打開,迎來正提著一袋二袋啤酒零食的強哥。

「知你肚餓喇,不如出去啤啤佢呢?」強哥提議道。

反正我也需要往外呼吸一下新鮮空氣,故我隨著強哥的帶領,走到了天台上面來。

天台上收置了兩個小型燒烤爐,看來這裡是他們閒時休憩的地方。

「有冇興趣 BB 蕉呀?我攞咗啲嘢食嚟。」強哥問道。

「好呀!」我找不到拒絕的理由。

在美麗的星空,和舒適的環境下。兩個失意的人開始閒聊起來...

「喂!其實你係咪嚟捉我返去?」強哥终於把內心的疑問説出來。



「係!我要捉你返去交差,甚至必要時可以殺咗你!」我對著他和盤托出,因我自信他不會是我的對手。

「嗯... 其實我都估倒... 我今日第一次見你嘅眼神,簡直係想食咗我落肚。唔洗問,你坐輪椅都係想我對你放低戒心啫!」強哥繼續問道。

「其中之一啦!更重要係想睇吓你,見倒我受咗重傷唔郁得,睇吓你會唔會乘機襲擊我...」我道出當時的計劃。

「嘩!好彩我冇出手啫,如果唔係隨時咪命都冇?哈哈!」我不知道強哥這話是出自真心,還是嘲諷?

我沒有回答,只是默默的喝下了一口啤酒...
已有 0 人追稿