［人性/有甜］- 屍•家•馬鞍山（隔日更新）: Chapter 182 - 強攻計劃

「任務？咩任務呀？」我對那些任務完全沒有興趣，一心只想儘快把 Carey 她們帶離苦海。

「你咁 fit，我今晚冇理由唔預埋你㗎？」孝信繼續解釋道，「今晚我哋部署咗好耐㗎喇，只不過上次有少少阻濟，今次一定冇問題㗎喇！」

「其實，有啲咩地方要勞師動眾去對付呀？同埋，控制喪屍又係咩一回事呢？」我好奇問道。

「唔... 你嚟得唔耐，我又未有時間同你講，組織其中一個主要任務，係要佔領馬鞍山警署。由喪屍爆發開始，班差人就全部退守警署入面，就算之前有軍隊喺市中心遇襲，佢哋都冇派個一兵一卒支援。咁你就知道，佢哋一定係保護緊一啲好重要嘅嘢。」孝信解釋道。

「至於控制喪屍... 其實你攞返嚟嘅血液樣本，真係有好大嘅功勞。呢兩個星期以嚟，我哋已經試驗過 U 仔啲血嘅效用，不過實驗完都差唔多用曬啲血，再唔夠俾我用。好彩你幫我搵番返嚟，我先有足夠嘅血發揮 U 仔嘅力量。」孝信繼續解釋道，「而我哋仲發覺，可以利用喪屍對 U 仔呢個獵食者嘅恐懼，去驅趕同控制啲喪屍...」



我也想不到，原來那些血液有著這不一樣的用途。

「係咁嘅時候，你又點樣做試驗呀？」我的話語剛落，才忽然想到剛才中年男説的失蹤同伴。

「嘿嘿！而家咁嘅時勢，要搵活體試驗，反而冇乜難度...」孝信冷冷地答道。

果然，中年男説的話是真的...

「咁警署入面，又收埋咗咩重要嘢？」我試探他是否願意向我透露。



「呢樣你暫時冇需要知，時機成熟你就自然會明...」孝信不肯對此透露分毫。

「咁你同緊乜組織做嘢，我呢個兄弟都應該知啩？」我退而求其次問道。

「唔...」孝信考慮了一下，「有啲嘢你都係唔知好過知...」

結果，孝信並沒有將真相告知。

「咁今晚我負責的乜，可以講喇啩？」我已經有點不是味兒。



「哈哈！當然可以啦！」孝信興奮地説道，「差館入面應該有一啲人，需要我哋出手解決，所以到時你同我一齊就得㗎喇！攻堅嘅嘢，就留返比啲細嘅做啦！」

聽到這裡，我覺得這一次絕不能再讓他成功。上一趟已經迫於無奈地幫了他一把，我不希望協助他再進一步。

更何況，直覺告訴我他所做的一切，是基於個人利益多於什麼組織任務。

我要阻止這一切... 但為了 Carey 她們的安全著想，我只能低調地進行。

倘若不能由我去出手，就必須找其他人幫忙，而現下我能想到的，就只有 Clara 和強哥他們。

可是，我又怎能跟他們取得聯絡？

原本我可以尋求素恩的幫助，但由於強哥説過她並不能信任，使我無法下定決心。

但憑自己的感覺告訴我，素恩不像是這樣的人。



沒有辦法，只能見步行步...

「做乜企喺度呆曬呀？掛住你啲女友哩？」我想得入神，竟也完全忘了孝信的存在。他見我目無表情地站著，終也忍不住向我問道。

「嗯... 係呀...」來不及反應的我，只能敷衍地回應。

「哈哈！一早估倒你啦！」孝信搭著我的肩膀説道，「不過我將佢哋收埋咗喺安全嘅地方，唔係咁方便而家見面，不如等今晚返嚟先啦！」

他的話令我感到憂心... 不知就裡的他，以為我因此而感到悶悶不樂。

「唉... 一係咁喇，原本我約咗幾條女諗住 happy 吓嘅，至多我讓素恩比你喇！」想不到孝信竟然作出這樣奇怪的提議。

「得喇唔洗喇，我根本就唔係想咁樣...」我無奈地回應。



「吓！你咁快就玩厭咗素恩嗱？」孝信想了一下後笑說道，「咁又係嘅，佢同 Karen 都已經差好遠...」

我不想再與他糾纏在這一個話題之中，於是我轉身便打算離去，「我自己靜吓得喇，你玩得開心啲啦！」

「頂你咪走住啦，見喺兄弟你咋！我比你 join 埋一齊喇！」孝信已經一邊把我的肩膀搭住，一邊往前走去。

現在的我對此不太感興趣，於是我仍是拒絕他的好意。

「咁冇計啦，咁我唯有叫阿權同阿臣一齊 happy 啦！」孝信語帶相迫地説道。

「吓，乜素恩唔係你女友咩？做乜咁對佢？」我感到十分驚訝。

「嗯...」孝信沒有正面回答，「咁而家仲 join 唔 join 埋？」

我已經沒有選擇，只有前去一探究竟...