「之後就再同佢講呢度嘅情報去引佢,結果,佢都肯應承我一齊去救你。」素恩續說。

「有手機電筒幫手,我哋搵路都易咗好多。結果我哋搵多一陣,就搵倒你,訓咗喺個沙丘上面...」

「咁我同阿 King 佢哋就夾手夾腳抬你走,不過有樣嘢好奇怪,就係我四圍望都見唔倒 Jacky...」素恩無奈地說。

「咁即係話,Jacky 佢仲未死?」我咬牙切齒地説道。

想不到,我花的心機完全白費。



「可能係啩...」素恩也未能肯定,「嗰陣我哋掛住救你,冇認真去搵,所以我都唔肯定...」

「唔緊要啦!佢有冇死,我哋都好快知...」我無奈地說道,「咁 Janice呢?佢仲有冇嘢?」

「佢休息咗陣,個心情好似回復咗好多喇!」素恩答道,「不過,始終都係有啲神經質咁。」

「嗯... 一陣過去睇吓佢啦!」確實,我能做的不是太多。

「不過 Jacky 仲未死,始終都係一個威脅...」我還是比較擔心,面前最大的危機。



更何況,Vicky 也出現在這裡。

還有素恩...

Venus 和 Carey 生死未卜,我必須盡力去保護我所愛的人。

雖然,Vicky 與我頂多是朋友罷了。

「其實,知唔知佢哋有乜計劃?」我向素恩打探。



「佢哋好似四圍搵緊啲血清嘅位置,不過睇嚟未搵倒。我諗阿 King 遲早都會撞倒 Jacky,難免有一場大戰...」素恩答道。

如果是這樣,Vicky 的處境豈不是十分危險?

雖然我不太清楚 King 的實力,但我想他也不會是 Jacky 的對手。

「但係好奇怪,自從 Jacky 跌咗落崖同 Veronica 失咗蹤之後,佢哋就好似完全消失咗咁...」素恩續說,「所以,我唔知佢哋係咪已經走咗。」

我完全無法釋懷,Janice 受害的情景,仍然歷歷在目。

「不過既然 King 佢哋可以入倒嚟,其實我哋大可以唔理 Jacky 直接走...」素恩看來也有點害怕。

「其實走唔係問題,不過如果我哋唔解決佢,佢遲早都會搵倒我哋...」我當然不想就此離開,「我諗佢可能好似我咁受咗傷,而家只係匿埋喺度休養啫!」

「你又講得啱...」素恩無奈地答道。



我明白她的憂慮,但有些事情,我們根本無法逃避。

身體的痛感已經消失得七七八八,我想,也是時侯與 Jacky 來個了斷。

於是我在素恩的幫忙下,走到 King 他們的住處。看來,這裡原本就是在山洞開闢出來的休息地。

「喂,你唔唞多陣先?」正與 Vicky 吃著乾糧的 King,輕鬆地向我說道。

「冇,我想睇吓你有咩計劃啫...」我看著正分享著食物的二人,心裡有點不爽。

「其實都冇乜特別計劃,都係四圍睇吓有冇機搵倒我啲嘢。不過如果真係搵唔倒,唯有希望我同隻怪物撞到應,殺咗佢睇吓搵唔搵到啲線索...」King 充滿信心地答道。

「你咁肯定,可以贏倒隻怪物?」我對他的實力有點懷疑。



我認真地想過,若然當天在警署中,他只是打退了孝信,而沒能力把他殺死,那同樣能打敗孝信的我,實力和他應該不相上下。

可是,當我面對著 Jacky 時,我仍然被它輕易擊倒。

除非當天 King 是蓄意放走孝信,否則以他的實力,跟本就不是 Jacky 的對手。

我曾經想過借此機會把 King 除去,好讓我跟 Vicky 能和好如初。可是,一旦 King 被 Jacky 殺死,Vicky、甚至素恩便會成為下一批的犧牲者。

故現在我可以做的,是跟 King 聯手去把 Jacky 除掉。

「你咪講到隻怪物好似打不死咁啦!我諗你都未真正見識過,我真正嘅實力!」King 自信滿滿地答道。

「咁就最好啦!」為了大局著想,我決定再讓他擔當領導的角色,「隻嘢係咁追住我哋,不如你帶埋我哋打低佢,順便一齊走吖?」

「你嘅意思,即係要我保護你哋?」King 刻意擺出高高在上的姿態,讓我們認清楚,誰是領導者。



「嗯... 我試過同 Jacky 交手,結果慘敗收場...」我刻意貶低自己,讓正在自我膨脹的他,答允我們的要求。

「哈哈!放心,話曬一場相識,我一定會好好保護你哋嘅...」King 滿足地答道。
已有 0 人追稿