［人性/有甜］- 屍•家•馬鞍山（隔日更新）: Chapter 371 - 基地的秘密

「我都知呢度唔簡單，不過一切都仲係喺懷疑階段...」我坦率地說出所想。

「唔... 咁你知唔知呢度有好多個喪屍營？」華叔再一次把聲音壓低。

「嗯...」我也輕輕地回應，「不過，我仲見到有個神秘嘅醫療營...」

華叔好像對我的所知感到有點驚訝，「睇嚟，你都唔野少喎～」

我不敢太過沾沾自喜，因為我覺得，在他的面前表現謙卑是十分重要。



他是 Vicky 的父親，我在他心目中的形象對 Vicky 有一定的影響。

「其實佢哋喺度做緊啲秘密實驗...」華叔看我沒有回應，只好繼續解釋，「佢哋想試吓，自己可唔可以培育出一隻控制倒嘅人型怪物嚟...」

「吓？乜佢哋唔係想延遲啲怪物嘅出世時間咩？」我覺得不可思議。

「哈哈！係芷蕾同妳講嘅哩？」華叔好像有話要說。

難道，她對我說謊？



「咁又唔怪得佢，佢哋嘅諗法比較正面。」華叔續說，「我哋都係憑見倒嘅蛛絲馬跡，去推斷佢啲嘅行動...」

「始終佢哋喺基地嘅時間比較多，唔似我同阿 Keith 咁接收倒咁多資訊... 所以佢咁講都無可口非...」華叔解釋道。

「咁即係佢哋表面上係幫啲大肚婆，實際上係攞佢哋啲基因研究？」我想確認一下想法。

「嗯... 你可以咁理解。」華叔回應道，「不過佢哋咁做，根本同玩火冇乜分別。」

「我諗佢哋都會有啲後備方案啩？」我覺得他們亦不會毫無準備。



「嘿嘿... 後備方案？」華叔冷笑道，「咪就係用一層又一層嘅人盾去掙取時間囉！」

難怪，他們劃分了不同的區域。

原來，相對有利用價值的人，便會與危機距離得越遠。

「一旦情況失控...」華叔續說，「佢哋會由丙區開始，一區一區咁放棄，禁區又有電網，佢哋就襯呢個時間走...」

原來，這就是把人們分區安置的原因。

「你見唔見倒岸邊泊喺度嘅船？」華叔繼續說明，「呢啲就係比佢哋走佬嘅，所以泊曬喺佢哋個營附近...」

「不過，我怕佢哋低估咗人型怪物嘅實力... 據我所知，佢哋個危機處理方案，只係針對啱啱出世嘅人型怪物同喪屍嘅控制，完全冇考慮到其他因素。」

其實我也只是想到這些問題，亦從來沒有想過在這之外的其他情況。



經他這樣一説，我頓時想到一個身處在基地外的不穩定因素。

「雖然我同 Keith 都只不過係推斷，不過你試諗下，一隻恐龍生咗一大堆蛋，你哋就搵人收埋佢，佢會點？」華叔向我問道。

「會不顧一切咁搶番啲蛋...」想到這裡，我不禁毛孔直豎。

「只不過佢依家仲未出現，我哋估有兩個可能性...」華叔說著，「第一，佢根本唔知佢啲子孫俾人收埋咗係呢度。而第二，亦係我同阿 Keith 最擔心嘅事，就係佢一直等緊一個適當嘅時機...」

「唔通，佢想等埋啲怪物仔出世？」我想大概是這個原因。

「我都唔想係，如果真係咁，到時內外夾擊，可以好麻煩...」果然，我跟他們的想法一致。

聽華叔這樣說，我開始擔心 Janice 的情況。



不過事已至此，我能幫助的實也不多。

「咯咯咯...」此時門外再傳來敲門聲。

可能 Suki 覺得來人是 Keith，於是興高采烈的走往大門方向。

站在門外的，卻是一名軍人和剛才那名陌生男子。

「華同志，你好！先跟你交待一下，這位先生檢查過沒有大問題，現在按例分配到丙住宅區。」門外的軍人用雄亮的聲音叫道。

丙級住宅區？可憐這人剛剛從煉獄中逃離，卻被安排到充當人盾的地方。

「老豆，可唔可以幫幫佢？」久未發聲的 Vicky，卻突然向華叔要求著。

華叔向我看了一眼，便向門外的軍人回應道，「同志，那個人我想先跟他談一下，晚點再帶他回去。」



門外的軍人看來面有難色，不知是他聽不懂華叔的港式國語，還是華叔的要求實在令他為難。

「你不用慌，我自己會向太師說個明白...」華叔看到軍人的表情，只好讓他放心明白。

「那就拜託喇！」軍人向男人遞上鑰匙等物品後，便敬禮離開。

「Dickson 你冇嘢吖嘛？」Vicky 親切地迎向男子問道。

這個神秘男，究竟與 Vicky 有什麼關係？