「我……我叫阿牛。」我口都震晒咁話。

「你好,阿牛。」佢又笑拿。

其實呢一程路阿珍同阿塔都行係前面,而我同阿琪就跟左係後面,整到好似佢地帶緊路咁。而佢地兩個不時咁回頭望住我,仲陰陰咀笑都唔知係度笑咩野。

「係呢?你成日係呢頭行街架?」阿琪問我。

「唔……唔係啊,只不過係有朋友係度返工,有時會約下佢食飯姐。」我答,頂,我把口幾時先震完啊。



「我呢,好蠢架,成日都唔記得路,就算行左廿次都可以唔記得。」靚女是無記性的,我明白。

「咁……妳唔識路果陣未話我知囉。」咦!?我頭先講左D咩?點解我可以咁大膽既。

阿琪佢笑左笑,然後又話:「我有無你電話,咁點搵你WO。」

「咁……又係。」我傻笑左回應佢,但估唔到佢拎左電話出黎,然後問:「你電話幾多號啊,等我入落電話度先。」

佢問我拎電話啊!
佢問我拎電話啊!


佢問我拎電話啊!

又係好重要所以要講三次,姐係咁,本身我仲諗緊用咩方法抄佢牌,但估唔到佢反抄我,呢下就等同我揸住支無子彈既槍指住敵人,但敵人竟然無條件咁投降。

我今次幾大都唔口震,好字正腔圓咁朗讀左我既電話比佢。

「咁我唔識路就搵你啦。」呢個笑容簡直夠我回味幾日。