果晚聽完老牛大人講道理後,個心都舒服左好多,可以大覺訓到第二日。之後,阿珍同阿塔就再無搵過我,就算我主動搵佢地,都無應機。阿塔仲係得一個綠剔,阿珍好D,但大多都係已讀不回,打比佢地,唔係響勁耐無人聽,就係響左三下就話未有人接通,好明顯係轉左飛行模式。

而我同阿琪,就KEEP住日日MSG,咩都傾,同GROUP入面D人都熟左,開始有D FD底,當然唔係果班狗公啦。

FD底既人,有一個GROUP入面公認係好好先生既男人,一個大我少少但已經結左婚有仔女既男人,有個美魔女好照顧人,我成日都叫佢做大家姐,一個好識得人情世故既銀行女,仲有一個……一開始識佢都唔覺佢有問題,但係識落就知原來佢係D咁既人……

如果,阿琪係被人女神既人,咁呢個人一定係自願想做女神既人,同佢既名一樣,佢姓呂名晨,英文名叫MORNING,但係佢鐘意人地叫佢中文名多D。

阿琪係GROUP入面想盡方法唔比班狗公埋身,而呢個呂晨就想盡方法咁將呢D狗公收納門下,佢好享受呢一種萬千寵愛在一身既感覺,所以成日跑完步都會影相放出GROUP等佢D裙下之神跪拜佢。



就好似今日,佢自己跑完步又SD相出GROUP。

會員7:呂晨又跑步,真係勤力
會員3:果然係我心目中最好既跑步員
會員N:跑完記住好好休息下啊

我望住不停彈出黎既MSG,所有都係讚美緊佢既說話,而呂晨就好ENJOY既不停覆緊佢地。

阿琪:佢又黎料(喊笑)
我:佢鐘意未由佢囉(大笑)


我:佢幫你引開D狗公仲唔多謝佢(喊笑)
阿琪:又係WO
阿琪:你今日跑左未啊?
我:未啊,但今日好忙可能跑唔到
阿琪:係啊,仲諗住叫你陪我去睇鞋添
我:幾點睇啊?
阿琪:你唔係話好忙咩(喊笑)

就係我同阿琪好開心SD緊MSG之際,果位呂晨竟然無啦啦MSG我。



呂晨:尋日約你又唔黎呃(喊喊豬)
我:忙
呂晨:唔制啊,你下次要陪我啊(嬲嬲豬)
我(滴汗)

發生左D咩事啊,佢SD D咁既野黎做咩……係,佢尋晚係有約我去跑,但我真係好忙所以無理佢,況且就算得閒都唔想理佢,因為我會將我所有空閒時間留比我自己既女神。

咦,真係我女神既阿琪又SD左個MSG比我。

阿琪:今晚去睇?睇完一齊食飯?
我:好啊

自從第一次見面後,呢次係阿琪第一次同我夜晚去街啊,真係開心足成日都似。